Kuku Ania Karana ese Ia Hadikadia Taudia

LAGANI 1989 lalonai, Doketa Badana ena ripoti ia hahedinaraia bema tau ta be ia maragi momokani neganai kuku ania karana ia hamatamaia, ia ese baragi ena kensa amo ena mase dalana ia kehoa. “Lagani 25 idia abia murinai kuku idia ania hamatamaia taudia be kuku ania lasi taudia ese baragi ena kensa abia dalana idia hanaia nega 5 amo; lagani 20 bona lagani 24 edia huanai kuku ania idia hamatamaia taudia be nega 9 amo idia hanaia. Lagani 15 bona 19 edia huanai idia hamatamaia taudia be nega 14 amo idia hanaia bona lagani 15 idia do abia lasi taudia, kuku ania taudia unai, be kuku ania lasi taudia ese kensa idia abia dalana idia hanaia nega 19 amo.”

Nega momo kuku ania karana ese drag ania karana ia havaraia. Nega momo lagani 12 bona 17 edia huanai kuku idia ania matamata taudia be dala idia kehoa mariuana idia ania totona, bona nega momo dala idia kehoa cocaine, heroin bona darana gaukara dalana haidaua drag haida idia ania totona. Idia stadilaia momo neganai idia davaria inuinu kekero taudia bona heroin ania karana idia manadalaia taudia 100 100 amo 90 90 be kuku ania momo taudia.

Unai kara idia tahua taudia be taunimanima idia henanadai henia neganai, Gallup idia davaria matamata taudia iboudiai 100 100 amo 64 64 idia ura lagani 21 idia do abia lasi taudia idia taravatu henidia kuku ania karana idia karaia lasi totona, bona “unai taravatu havaraia dalana idia koua toho taudia be taunimanima badadia, idia ura moni bada idia haboua unai matamata taudia dekenai kuku idia hoihoilaidia dainai.”​—⁠Psychiatric, Mental Health, and Behavioral Medicine News Update ena magasin, March-April 1990 gauna, rau 1.