Nega Ibounai Edia Hereva be Tamona, A?

ROMAN Katolik kadinal John O’Connor ia gwau Katolik politikol taudia ese dubu ena hereva bogana lalonai beibi hamasea karana dekenai bema idia abia isi lasi neganai, dubu ese do ia luludia. Mike Royko, niuspepa torea tauna ta, ia torea, ia gwau: “Unai bamona idia hereva neganai, dubu tauna ta [Louis Gigante] be kota lalonai ia gwau New York ena taravatu utua oreadia edia tau badana ta, iena gaukara be taunimanima ia haberodia bona ia hagaridia, be taravatu utua tauna ta lasi.”

Royko be ma ia hereva, ia gwau: “O’Connor ena sivarai ta dekenai inai bamona hereva ta lau duahia lasi: ‘Taravatu utua oreana ta​—⁠Genovese orea, Gambino orea bona unai bamona orea iboudiai​—⁠ia tura henidia tauna be dubu amo do ai lulua. Ena be taunimanima ta be beibi negana amo iseda dubu lalonai ia noho, to bema taravatu utua orea taudia edia tau badana ai ia lao bona taunimanima ia hadikadia neganai, unai kara do ita abia dae lasi.’ ”