Dina Ta Ta Iboudiai Idia Vara Gau Badadia Idia Gwauraidia

Guna, hahine ta Lisbon, Portugal amo, be unai tano ena Watch Tower Society ena branch opesi dekenai leta ia siaia, badina ia ura iena gado Noga! magasin ia abia. Ia duahia bona ia moalelaia bada dainai ia gwau:

“Lau ura umui lau tanikiu henia hari dina lalonai Gima Kohorona magasin lauegu ruma dekenai ia ginidae dainai. Noga! magasin lalonai ita badinaia diba Baibel sisibana ia noho badina dina ta ta iboudiai idia vara gau badadia ia gwauraia hedinarai, unai dainai lau duahidia be namo.

“Lau gwauraia lou, tanikiu bada badina edia mauri idia gwauhamatalaia taudia be lau bamona taudia idia durudia Basileia ena sivarai bona Iehova ena Hereva ai kamonai henia totona.”

Iehova ena Witness taudia edia orea be tanobada hegegemadai ia noho, unai orea ena Baibel studen taudia be 4,000,000 bona ma haida. Bema oi ura hereva ma haida do oi kamonai eiava oi ura davana lasi Baibel stadi oi dekenai idia karaia, namona be leta oi siaia inai gabu dekenai: I.B.S.A., Box 636, Boroko, N.C.D., Papua New Guinea, eiava rau 5 dekenai idia torea address ta dekenai.