“Nega Gunana Ena Anina Do Ia Haorea”

‘Ita diba Dirava ese ia karadia gaudia ibounai be idia hisihisi noho. Oibe, idia tai noho, guna, ia mai bona harihari.’ Lagani 2,000 gunanai unai hereva idia torea neganai, unai be momokani bona hari ia momokani danu. To guna gaudia, bona taunimanima edia hisihisi ibounai edia anina do idia ore diba, a?—Roma 8:22.

MAI ENA rau 32 buklet ladana Dirava ese Ita Ia Laloa Eiava? ese unai ia herevalaia. Ia gwau: “Dirava ese inai tanobada lalonai ita anina hisihisina ena davana be ita do ia henia. . . . Dirava ese nega gunana ena dika ena davana do ia karaia, bona ita do ia henia gaudia ese unai do idia hanaia.”

Unai buklet ese ia hamomokania nega vaira ai do ita moale. Canada hahine ta, ena mauri lagani be 20, ese buklet ia duahia murinai, ia gwau: “Unai buklet ese egu kudouna ia hamarerea dalana lau gwauraia diba lasi! Ia be dava bada nadina momokani. Ita ia durua Dirava ena nega vaira helaro namona ita laloa totona. Lau laloa ‘Nega Gunana Ena Anina Do Ia Haorea’ ena kahana umui torea namo herea. Umui lau tanikiu henia, badina umui hahedinaraia Iehova be ita ia lalokau henia bada.”

Bema buklet ena kopi ta oi ura abia eiava oi ura ta ese oi ia vadivadi henia unai helaro kikilaia totona, namona be leta oi siaia IBSA, Box 636, Boroko, NCD 111, P.N.G. dekenai, eiava rau 5 dekenai ia noho adres ta dekenai.