Matamata Taudia ese Tanikiu Herevana Idia Gwauraia

LAULAU lalonai idia hedinarai memero matamatadia iboudiai be Nigeria ena haisikuli stiuden taudia. Idia ese revareva ta be Iehova ena Witness taudia edia brens opesi Nigeria dekenai idia siaia, ia lalonai inai bamona idia torea: “Ai ura bada umui ai tanikiu henia, badina be buka ladana Memero Kekeni edia Henanadai​—Haere Maorodia umui halasia neganai, umui hahedinaraia ai matamata taudia umui laloa bada.

“Inai buka ese ai ia durua bada, tanobada ai idia vara hekwakwanaidia ai hanaia totona, bona Baibel amo idia mai lasi hahediba herevadia do ai hakoikoidia totona. Ia ese matamata taudia idia laloa momo gaudia ia herevalaia, bona ena sisiba be Baibel amo sibona. Memero kekeni edia bamodia edia lalo-ani ia gwauraia herevana ese ai ia durua, Baibel ena aonega ai lalo-pararalaia totona; ai ia sisiba henia, aonega taudia ida do ai raka hebou bona kara kava taudia edia hebamo do oi dadaraia. Emai sikuli stiuden taudia haida idia hoa aiemai lalokau hahedinaraia karana dekenai, bona edena dala amo maino bona lalo-tamona dekenai ai noho.

“Nega ibounai sikuli lalonai emai kara ai naria namonamo stiuden taudia edia huanai, bona mai emai ura bada ida Basileia ena helaro namona ai harorolaia idia ura kamonai stiuden taudia iboudiai dekenai; dala kererena aiemai lalona idia ania toho be herevana.”

Unai revareva be inai bamona idia sainia, “Iehova ena Witness memero matamatadia amo, All Saints Secondary School, Aba, Abia State, Nigeria.”

Bema oi ura inai buka ladana Memero Kekeni edia Henanadai​—Haere Maorodia ta oi abia, eiava oi ura davana lasi Baibel stadi oi abia, mani IBSA, Box 636, Boroko, NCD 111, Papua New Guinea, eiava rau 5 dekenai ia noho adres ta oi tore henia.