Israela Edia King Ginigunana Ena Nega amo ela Bona Babulonia Dekenai Idia Abidia Lao

Saulo be Israela edia king ginigunana ai ia lao. To Iehova ese ia dadaraia, bona ena gabu ai Davida ia abia hidi king ai ia lao totona. Davida ena sivarai momo do ita dibaia. Ia mero neganai, tau bada hereana Goliata ia heatu henia. Gabeai mama tauna Saulo amo ia heau. Bena hairai hahinena Abigaila ese ia koua kavakava karana ta ia karaia lasi totona.

Unai murinai, Davida ena natuna Solomona ena sivarai momo do ita dibaia. Ia ese Davida ena gabu ia abia bona Israela ena king ai ia lao. Israela edia king ginigunadia toi ita laloa neganai, idia ta ta be lagani 40 idia lohia. Solomona ia mase murinai, Israela be basileia rua ai ia lao, ta be not kahana bona ma ta be saut kahana.

Not kahana basileiana ena iduhu ibounai 10 be lagani 257 idia noho bena Asuria taudia ese idia hadikaia ore. Bena lagani 133 murinai, saut kahana ena iduhu rua basileiana idia hadikaia ore danu. Unai neganai, Israela taudia be Babulonia dekenai idia abidia lao. Unai dainai KAHANA 4 ai lagani 510 lalonai idia vara gaudia edia sivarai do ita herevalaia, unai neganai hoa gaudia momo idia vara.