Emu Lalokau Dirava dekenai Oi Hahedinaraia

Ta ese oi ia tura henia noho totona, namona be ia danu oi herevahereva. Oi ese ena hereva oi kamonai bona ia ese oiemu hereva ia kamonai. Danu, ma haida dekenai emu turana ena kara namodia oi gwauraia hedinarai. Dirava ita tura henia be unai bamona danu. Mani Baibel ese unai ia herevalaia dalana ita laloa:

Hanaihanai guriguri amo Dirava oi hereva henia. “Guriguri do umui goadalaia nega ibounai.”​​—Roma 12:12.

Dirava ena Hereva, Baibel, oi duahia. “Buka Helaga ibounai be Dirava ena lauma amo ia vara bona ia be mai ena namo hadibaia totona, sisiba henia totona, gau idauidau hamaoromaoroa totona.”​​—2 Timoteo 3:​16, NW.

Ma haida oi hadibaia Dirava idia diba totona. “Unai dainai do umui lao, bese ibounai be diba tahua taudia do umui halaoa, . . . do umui hadibaia, umui dekenai lau henia hereva ibounai be do idia badinaia.”​​—Mataio 28:​19, 20.

Dirava ena turadia oi bamoa. “Aonega tauna danu ia raka hebou noho tauna, be do ia aonega.”​—Aonega Herevadia 13:20.

Kingdom Hall ai hebou oi lao henidia. “Umui ta ta dekenai durua henia daladia do umui laloa noho. Unai bamona lalokau dekena amo kara namodia do umui karaia. . . . Umui ta ta emui Keristani varavara taudia edia lalona do umui hagoadaia.”​​—Heberu 10:​24, 25.

Basileia gaukarana durua. “Umui ta ta, sibona emui laloa, emui laloa hegeregerena do umui henia, mai maumau danu henia lasi, bona oda dainai lasi. Badina be mai moale danu ia henia tauna be Dirava ese ia lalokau henia noho.”​​—2 Korinto 9:7.