Kahana 14 Ena Hamatamaia Hereva

Keristani taudia ginigunadia be tanobada ena daudau momokani gabudia dekenai Basileia ena sivarai namona idia harorolaia. Iesu ese haroro gaukara do idia karaia gabudia ia hadibaia bona hahediba taudia ia durua hoa dalanai, unai amo taunimanima be edia gado ai idia hadibaia. Iehova ese idia dekenai goada ia henia idia gari lasi bona dagedage karadia idia hanaia totona.

Iesu ese Ioane dekenai matahanai ta amo Iehova ena hairai ia hahedinaraia. Matahanai ma ta ai, Ioane ia itaia guba Basileia ese Satani bona ia lohiaia taudia ia hadikaia ore. Ioane ia itaia Iesu be King bona iena 144,000 taudia be ia ida idia lohia. Danu Ioane ia itaia tanobada ibounai be paradaiso ai ia lao bona taunimanima be maino bona lalotamona ai Iehova idia tomadiho henia.