Ruma Bese Lalo-Daradara Taudia Bogaragidiai

[Box on page 31]

Bible ese ruma bese ia herevalaia momo. Ia gwau ruma bese dekenai lalokau ia noho be gau badana, bona headava lalonai tau bona hahine idia gwauhamata heheni bona edia natudia naridia maduna idia huaia namonamo danu be mai anina bada. (Mataio 19:​4-6) Idau negai idia noho uru taudia ese Bible buka bona ia gwauraia dala maorodia idia diba lasi, to unai bese lalodiai danu, idia hanaia lagani 6,000 lalodiai, ruma bese ena namo be ia hedinarai goevagoeva.

To hari, uhau bona ulato momo ese niuspepa, buka bona televisen dekenai idia itaia gaudia dainai, headava ena namo idia daradaralaia. Haida idia laloa headava be taunimanima edia ura koua gauna ta, bona tamona sibona ida mahuta hebou karana ese moale ia hamaragia. Kara gunana idia dadaraia, bona idia gwauraia “matamata” karana idia abia dae​—to unai be kara matamatana lasi, ia be sihari kava sibona. Idia mahuta hebou to dala maorona dekenai idia headava lasi dainai, gwauhamata idia karaia lasi lalokau, abidadama bona lalo-tamona be edia mauri lalonai do idia habadaia totona.

Vadaeni, nega sisina bada ia hanaia. Idia buruka sisina. Bena, unai neganai hebogahisi bona heduru idia tahua, to madi nega momo idia davaria lasi, badina edia tau o hahine ese idia ia rakatania, bona mai lalohisihisi danu sibodia idia noho. Unai neganai, idia lalo-parara namonamo ia ida idia noho hebou tauna o hahinena danu gwauhamata ia karaia lasi dainai, ia ura lasi ena nega, ena lalokau bona ena heduru do ia henia ia buruka neganai.

Dirava ese ita ia havaraia. Unai dainai ia diba dahaka be namo ita totona. Ia gwauraia dala maorona bema ita dadaraia, dika bada herea do ia vara. Unai be momokani, lalo-daradara taudia edia lalohadai be herevana.

This article has been taken partly from w84-E 6/1 “Who Can Have Faith in This Age of Doubt?” box on page 4.