Toi Tamona Oi Abia Dae be Namo, Eiava?

Jamaica, West Indies dekenai, Ian Boyne be niuspepa ta, ladana The Sunday Gleaner, dekenai tomadiho edia sivarai ia torea. Ia ese Iehova ena Witness taudia idia halasia buklet ta ena sivarai ia torea, iena hereva haida be inai:

“Witness taudia ese unai buklet idia karaia dainai, namona be maka “A” idia abia be namo, badina idia torea dalana be auka lasi dainai, memero bona kekeni be mai lalo-parara danu idia duahia diba, bona ia lalonai​—hereva momokani sibona ia noho​—aonega taudia edia hereva idia gwauraia bona unai hereva be edeseni amo idia torea hanai idia torea danu. . . . Unai buklet ladana be Toi Tamona Oi Abia Dae be Namo, Eiava? Bona ia be Witness taudia idia halasia buklet namona ta bona hari Toi Tamona idia abia dae taudia​—eiava binatarian (unai be Tamana bona Natuna sibona idia abia dae) taudia​—edia dala be lasi hereva idia dadaraia totona. Unai buklet dekenai, idau negai ena sivarai bona tomadiho karana idia tahua aonega taudia momo edia hereva idia torea, bona unai amo idia hahedinaraia Toi Tamona ena hahediba herevana be Bible dekena amo ia mai lasi. Ia lalonai Encyclopedia of Religion ena hereva ta idia torea, ia gwau, ‘Tomadiho karana idia tahua taudia be mai lalo-tamona danu idia gwau Taravatu Matamatana buka dekenai danu Toi Tamona ena hahediba herevana ia noho lasi.’ ”

Danu, unai tau Boyne ia gwau: “Hari, tomadiho edia sivarai lau torea, to lau diba lasi nega haida dubu dekenai idia lao taudia​—bona hanaihanai dubu dekenai idia lao taudia​—be edena bamona unai buklet ena henanadai idia haerelaia diba, badina be Witness taudia ese idia torea herevadia amo idia hahedinaraia goevagoeva Iesu be Dirava lasi.”

Bema oi ura unai buklet ta oi abia, namona be henuna gauna oi torea bona oi siaia ai dekenai.

[Picture Credit Lines on page 32]

Musée du Louvre, Paris

Museo Egizio, Turin

Musée des Beaux-Arts de Troyes

Museo Bardini, Florence

Musée du Louvre, Paris