Tanobada Sivarai ena Anina
Katolik Dubu bona Natuna Sinana Boganai Hamasea Karana
Idia ore lagani 10 bamona lalonai, Italy dekenai, natuna be sinana bogana dekenai hamasea karana ena maoro eiava ena dika idia voutilaia, bona Katolik Dubu ese unai vouti idia uinia lasi. To, vanegai, Italy ena bisop taudia, Katolik orea ena tau badadia unai, ma idia gwau, “natuna be sinana bogana dekenai hamasea karana idia dadaraia eiava unai kara idia durua lasi be mauri ena taravatu badana, unai taravatu be tatau ibounai edia kudouna dekenai idia torea bamona, bona dubu ena taravatu dekenai idia torea danu, bona natuna sinana bogana dekenai idia hamasea eiava unai bamona kara idia durua Keristen taudia be dubu dekena amo do idia lulua.”
Italy taudia edia lalohadai be dahaka natuna be sinana bogana dekenai hamasea karana dekenai. Vanegai Italy taudia 2,040 idia henanadai henidia, bona ia hedinarai dubu ena taravatu idia abia dae lasi, to idia gwau dala 4 dekenai sinana bogana dekenai ia noho natuna hamasea karana be ia maoro. (1) Bema ia rogorogo hahinena do ia mase diba, taunimanima 100 100 amo 83 83 idia laloa sinana bogana dekenai ia noho natuna idia hamasea be maoro. (2) Bema natuna be mai ena dika taunimanima 100 100 amo 76 76 bamona be idia ura natuna idia hamasea. (3) Hahine be ia gorere diba neganai, taunimanima 100 100 amo 71 71 bamona idia laloa natuna idia hamasea be maoro. (4) Bema tau ta ese hahine ia hadikaia dainai ia rogorogo, taunimanima 100 100 amo 55 55 bamona idia gwau natuna idia hamasea be namo. La Repubblica niuspepa lalonai, ia gwau Italy taudia 4 4 amo ta ta idia gwau “bema hahine ia ura neganai ena bogana dekenai ia noho natuna idia hamasea be namo. Italy lalonai, lagani iboudiai dekenai natuna 300,000 be sinana bogana dekenai idia hamasea. Unai neganai, haida be taravatu hegeregerena idia karaia, to haida ese taravatu idia utua.
Ia hedinarai goevagoeva, Katolik orea ena tau badadia be idia hegeregere lasi Bible dekena amo edia abidadama taudia idia durudia edia hahegani idia badinaia totona. To, Keristen momokani taudia be unai mai anina bada herevana be Bible dekena amo idia hadibaia. Bona Bible ia gwauraia mauri ena taravatu idia matauraia dainai, ena be atai dekenai idia torea gau 4 ena ta idia davaria, to idia be natuna sinana bogana dekenai idia hamasea diba lasi.—Esodo 21:22-25; Salamo 139:14-17; Ieremia 1:5 itaia danu.
From wE 3/15/90 pg. 30Laki Gadara Badana Idia Lusi
Laki Gadara Badana oi uini diba be hegeregere taunimanima milion 14 amo tamona sibona bamona ia uini diba. To, taunimanima milion momo be hanaihanai gavamani ese ia haginia laki gadara idia karaia, unai hereva be Canada ena niuspepa ta, The Globe and Mail, dekenai idia torea. Unai bamona kara idia tahua neganai, ia hedinarai taunimanima be unai laki gadara idia karaia badina idia ura moni badana idia uini, bona idia karaia badina reidio, niuspepa bona televisen dekenai idia herevalaia momo, idia gwau “gau namona do oi uini diba, to bema tiketi oi hoia lasi gau ta do oi uinia diba lasi.” Laki gadara idia haginia badina idia ura moni bada do idia abia, bona idia ura lasi taunimanima momo do idia uini, unai gadara idia habadaia totona naria taudia be dina ibounai idia gwauraia badina idia ura “taunimanima be hanaihanai tiketi do idia hoia.”
Edia gaukara ia kwalimu, a? Oibe! Magasin ta ladana American Health lalonai, idia gwau laki gadara idia karaia matamata taudia edia namba ia daekau lao noho, Doketa Durand Jacobs ia gwau guna laki gadara idia karaia badina “moni bada idia halusia lasi, tiketi idia hoia be auka lasi, bona taunimanima idia gwau unai bamona gadara be ia dika lasi.” Ma ia gwau: “Laki gadara be taunimanima ia hakaua moni gadara ma haida idia karaia hanaihanai totona.” Canada dekenai moni gadara idia karaia hanaihanai taudia edia kara ia tahua tauna ta ia gwau: “Bema taunimanima oi idia hamaoroa laki gadara be moni gadara lasi, unai taudia be idia hevaseha eiava idia be kavakava taudia. . . . Taunimanima be moni milion momo idia negea laki gadara idia ura uinia dainai. Unai be moni gadara momokanina.”
Laki gadara be moni ura henia karana ia habadaia. Dr. Marvin Steinberg, be Connecticut Council on Compulsive Gambling oreana ena presiden, bona ia gwau moni gadara ena hekwakwanai idia abia memero bona kekeni be moni gadara do idia karaia noho totona idia ese moni idia henaoa, sitoa amo idia henaohenao, bona edia dina tubua aniani monina idia gaukaralaia. Aposetolo Paulo ena hereva be ia momokani, ia gwau: “Moni ura henia kara ese dika idauidau ibounai ia havaraia noho. Bona moni idia ura bada taudia haida ese . . . [idia] lalohisihisi momo, edia mauri idia hadikaia ore vadaeni.”—1 Timoteo 6:9, 10.