“Lau Ia Hanogaia”

Hahine ta Washington State, U.S.A. amo be Life​—How Did It Get Here? By Evolution or by Creation? bukana unai bamona ia herevalaia. Ia gwau:

“Lagani hani lalodiai Iehova ena Witness hahine ta be hanaihanai lauegu ruma dekenai ia mai Gima Kohorona bona Noga! magasin lau ia henia totona. Lau ia hagoadaia Bible lau stadilaia totona. Gabeai lau ia hagoadaia Creation bukana lau duahia totona, bena lau lalo-parara momokani. Lau ia hagoadaia lau guriguri totona, bena lau lalo-parara momokani. Unai buka ese lauegu daradara iboudiai ia kokia, bona lau guriguri dainai Iehova ese lau ia durua. . . .

“Hari lau diba Dirava be momokani ia noho. Lau diba ena ladana be Iehova. Lau diba ia be guriguri ia kamonai henidia. Idia vara gaudia edia badina lau diba. Lau be lalo-maino lau abia, bona pura ta ta iboudiai egu diba ia bada ia lao neganai, egu lalo-maino ia bada ia lao noho danu.”

Inai buka be mai hairaina, ia lalonai guba gaudia edia toana bona sivarai idia torea maoro bona tanobada dekenai gau iboudiai idia mauri diba ena badina idia torea danu. Inai buka oi duahia neganai oi do ia hamoalea bada. Inai English gado bukana do oi abia diba bema henunai emu ladana bona address oi torea bona ai dekenai oi siaia.

Lau ura Life—How Did It Get Here? By Evolution or by Creation? bukana lau abia. (Bema oi be P.N.G. dekenai oi noho lasi, Watch Tower branch opesi dekenai leta oi siaia. Mani rau 2 oi itaia.)

[Picture on page 32]

Evolusen taudia idia gwau: “Manu huina be [gaigai] ena huna o scale bamona ita lalohadailaia be ia auka lasi.” To hereva momokanidia ese unai lalohadai idia hakoikoia

Shaft

Barbs

Barbules

Barbicels