Edia Goada Hegeregerena Idia Henia

Ena be taunimanima ese Iehova ena hahenamo idauidau davana idia haloua diba lasi, to momo ese edia goada hegeregerena tanobada hegegemadai haroro gaukarana idia durua. (Mataio 24:14; Mareko 14:3-9 hahegeregerea.) Unai bamona kara be ruma bese ta Minnesota (U.S.A.) amo ese idia karaia. Leta ta idia siaia idia gwau:

“Tadikaka e,

“Ai ese inai moni $—— ai siaia be emai harihari gauna umui dekenai. Ai ura inai moni be tanobada hegegemadai haroro gaukara bona Kingdom Hall haginia gaukara eiava Society ena gaukara ma haida dekenai umui gaukaralaia. . . .

“Ai diba umui ese inai moni be do umui gaukaralaia [Iehova] ena ura hegeregerenai. Ai ese umui ai hagoadaia emui gaukara namona umui goadalaia bona ai ura umui ai hadibaia ai ese [Watch Tower] Society ena tanobada hegegemadai gaukara ena video kaset be ai moalelaia bada. Oibe, inai laulau ai itaia murinai ai lalo-parara gaukara be bada herea momokani bona unai gaukara ena heau namonamo durua totona harihari gaudia momo taunimanima ese idia henia be namo. Guna, ai laloa umui dekenai harihari karana be kongregesen, sekit, bona distrik taudia edia gaukara. Hari ai lalo-parara ta ta ese edia heduru be dala idauidau ai idia henia diba inai mauri henia gaukarana dekenai. To ai tanikiu bada Iehova dekenai badina ena be ai emai lalohadai be kerere to ia ese lalokau bona boga-auka toana ia hahedinaraia ela bona ai lalo-parara. Hari ai gwauhamata aiemai bese ese hua iboudiai $—— do ai siaia lao . . . New York dekenai.

“Oibe, ma ai tanikiu bada umui dekenai badina ai ibounai totona gaukara namona umui karaia bona emui abidadama Iehova dekenai umui hahedinaraia dainai.”