‘Gunaguna Ai Idia Kirikirilaia’

Hungary ai ami tauna ta ia gwau guna bema tau ta ese Buka Helaga ena sivarai ia kikilaia neganai, taunimanima ese idia kirikirilaia. To unai bamona negadia be idia ore vadaeni. Daudau lasi gunanai, unai soldia ese Budapest, Watch Tower Society dekenai ia siaia leta lalonai inai bamona ia gwau:

“Vanegai sibona lau ese umui emui buka ladana Mauri Hanaihanai Paradaiso Lalonai lau duahia ore. Egu turana ta ese ia henigu do lau duahia totona bena lau haorea murinai do lau henia lou. Unai buka lalonai idia torea gaudia ese lauegu kudouna idia hamarerea bona egu lalona danu ia hapararaia.” Unai soldia be Buka Helaga ta totona ia henanadai bona ia ura ma heduru haida danu. Hari inai negai East Europe tanodiai unai bamona taudia momo herea idia noho.

Budapest opesi dekenai ia lao leta ma ta be inai bamona ia gwau: “Lau ese buka ladana Mauri Hanaihanai Paradaiso Lalonai lau duahia ore. Unai buka ese lauegu lalona ia veria momokani, bona umui lau torea badina lau ura Witness tauna ta ia mai egu ruma ai bona lau danu Buka Helaga do ai stadilaia hebou.”

Mauri Hanaihanai Paradaiso Lalonai be helaro ia hagoadaia badina ia ese Buka Helaga ena haere ia hahedinaraia. Unai buka ese taunimanima momo edia mauri ia hanamoa vadaeni. Bema inai buka ta oi ura neganai emu ladana bona address henu dekenai oi atoa bena ai dekenai oi siaia mai.

Mani emui kara, mai ena rau 256 bukana ta, ladana Mauri Hanaihanai Paradaiso Lalonai, umui siaia lau dekenai. (Bema P.N.G. lalonai oi noho lasi emu gabu dekenai ia noho Watch Tower branch opesi dekenai leta oi siaia. Rau 2 itaia.)

[Picture on page 32]

Ena be natu ta be hisihisi do ia ania, to badina namona dainai ena tamana bona sinana ese gwaumaoro idia henidia ena tauanina do idia ivaia. Unai hegeregerena, Dirava ese taunimanima edia hisihisi ia koua lasi be mai ena badina namona