Hekokoroku Kara Dadaraia!

Baibel ena aonega herevana ta ia gwau: “Ena iduara be atai dekenai ia karaia tauna ese moru dalana ia tahua.” (Hereva Lada-isidia 17:19) Atai dekenai idia karaia iduarana be edena bamona ia kerere? Bona unai aonega herevana ena anina be dahaka?

IDAU negadia ai, taunimanima be hosi idia guia bona unai bamona sibodia eiava raskol oreadia dekenai idia loaloa momo. Dala ia auka lasi henao taudia be hanua dekenai taunimanima lasi rumadia idia vareai totona. Henao taudia be edia kohu abia dalana idia koua totona, ruma idia haginia taudia haida be magu badana mai ena vareai gabuna idauna idia karaia. Magu be atai ai to vareai gabuna be henu ai. Vareai gabudia haida edia atai be mita tamona sibona​—hosi guia tauna ia vareai lasi. Bema edia ariara ia koua magu ena vareai gabuna be henu ai idia karaia lasi neganai, hosi idia gui taudia be edia gabu dekenai idia vareai diba bona kohu idia henaoa.

Hanua badadia ai, nega momo ariara ia koua magu edia vareai gabudia be henu ai idia karaia bona toana be hairai lasi, idia ura lasi hahedinaraia edia magu murinai kohu bada herea ia noho. To, Parasa dekenai, vareai gabuna badana ia noho neganai ia hahedinaraia pavapava taudia idia noho, hanua taudia haida be unai bamona vareai gabudia idia karaia, to dika abia dalana idia kehoa. Iena ruma ena vareai gabuna badana ia karaia tauna be henao taudia edia dala ia kehoa badina iena kohu ia hahedinaraia.

Hereva Lada-isidia 17:19 be unai dala amo ia hahedinaraia edia vareai gabuna badana idia karaia taudia ese dika dalana idia kehoa, badina sibodia idia gwauraia bada dainai. To inai aonega hereva be reana uduna ia gwauraia, vareai gabuna badana bamona, heagi bona hekokoroku hereva amo sibona ia habadaia. Unai bamona hereva ese heiriheiri ia havaraia bona gabeai hekokoroku tauna ia hamorua diba. Unai dainai, aonega dalana be hekokoroku kara ita dadaraia!

[Picture Credit Line on page 30]

Picturesque Palestine, Sinai and Egypt, Volume 1, by Colonel Wilson (1881)