Do Oi Mai Ena Badina

TANOBADA hegegemadai, dina hani ena “Dirava Ena Hahediba” Distrik Hebouheboudia dekenai, lauma dalanai hereva momo do umui kamonai. United States ai, June, July, bona August lalonai, unai hebouhebou 150 bona ma haida do idia karaia. Hebouhebou momo edia program do idia kehoa Thursday 1:20 p.m. ai, bona do idia doko Sunday, 4:15 p.m. ai. Hebouhebou haida dekenai, idia durudia edia hanua dekenai idia giroa totona bona moale hebouhebouna ta dekenai idia lao misinari taudia ese ripoti do idia gwauraia.

Ena be oi buruka eiava oi be mero o kekeni​—headava tauna, hahine, tamana, sinana, tauhau o ulato, eiava natuna​—to dala namonai idia henia hadibaia hereva be do oi kamonai dainai heduru do oi abia. Hari inai negai, taunimanima idia henanadai, idia gwau mauri ena badina be dahaka? Friday dabai unai henanadai ena haere do idia kikilaia, bona taunimanima ma haida dekenai unai hereva do ita hadibaia totona ita ia durua gauna do ita moalelaia.

Friday adorahi ai, program ena hereva haida be “Headava Ia Dika Lasi Dalana,” “Emu Ruma Bese Ia Mauri Totona Oi Gaukara Goada,” bona “Tama Sina​—Emui Natudia Edia Hekwakwanai Bamona Umui Durudia.” Murinai, memero kekeni idia davaria hekwakwanai bona idia hanaidia diba dalana do idia kikilaia. Hari Edia Dirava Idia Laloatao Memero bona Kekeni ena drama ese do ia hagoadadia.

Saturday ena program ai, Iesu ia perovetalaia dina dokodia bona ena hereva: “Unai nega dikana do ia ore, vadaeni maoromaoro dina be do ia dibura,” ena anina do idia hahedinaraia. (Mataio 24:29) Unai hisihisi badana do ia matamaia negana do oi kamonai. Saturday ena program ai, hari inai negai Iehova ena Witness taudia idia karaia gaukarana do idia kikilaia.

Sunday dekenai, drama ma ta do idia karaia, ladana be Oi Laloa Kerere Lasi bona Dirava Oi Gonagonalaia Lasi. Hari, taunimanima idia ura henia bada video bona miusik dainai, Keristen taudia edia abidadama karana ia hahedinaraia. Adorahi kahanai pablik tok ena hereva badana be “Nega Dikana Lalonai Hahediba Namona.” Program hadokoa totona sisiba hereva ladana “Dirava Ena Hahediba Dogoatao Noho” do ita kamonai henia.

Momokani, bema dina hani dekenai hebouhebou dekenai oi lao heduru bada do oi abia! Oi ai boiria mai. Oiemu ruma kahirakahira ai hebouhebou gabuna do oi diba totona, namona be Iehova ena Witness taudia edia Kingdom Hall dekenai oi henanadai eiava inai magasin idia halasia taudia oi tore henidia eiava June 8 Awake! oi itaia, unuseniai United States, Canada, Britain, bona Ireland edia hebouhebou gabu iboudiai idia torea.