Dirava Ena Hahediba Ia Kwalimu
“Emui matana ese emu Hahediba Tauna Hereadaena do idia itaia. Emui idiba kahana ai eiava emui lauri kahana ai bema umui raka siri neganai, emui taiana be hereva ta emui murina kahana amo do idia kamonai, do ia gwau: ‘Dalana be inai, ia lalonai umui raka.’ ”—ISAIA 30:20, 21.
1. Badina be dahaka Iehova ena sisiba be Dirava ena hahediba ita gwauraia be maoro?
IEHOVA DIRAVA be hahediba hereadaena ena Badina. Iena Buka Helagana amo ia hereva negadiai bema ita kamonaia, ia be iseda Hadibaia Tauna Hereadaena ai do ia lao. (Isaia 30:20) Heberu Baibel ese ia gwauraia “Goada Bada Diravana.” (Salamo 50:1) Unai dainai Iehova ena sisiba be Iena hahediba.
2. Edena dala ai ia momokani Dirava sibona ia aonega?
2 Tanobada taudia ese sibodia edia sikuli momo idia heagilaidia, to idia ta lasi ese Dirava ena sisiba idia hadibalaia. Tanobada be nega daudau lalonai ia haboua aonegana be anina lasi; Iehova ena hahediba, iena aonega bada hereana latanai ia haginia hahedibana, ida ita hahegeregerea diba lasi. Roma 16:27 ia gwau Dirava mo sibona be ia aonega, bona unai be momokani, badina be Iehova mo sibona ena aonega be dokona lasi.
3. Badina be dahaka Iesu Keriso be tanobada ai ia raka hadibaia tauna hereadaena?
3 Dirava ena Natuna, Iesu Keriso, ena aonega be hereadae bona ia ese hadibaia taudia iboudiai ia hereadia tanobada ai. Unai ita hoalaia lasi, badina be nega daudau herea lalonai Iehova ese ia hadibaia guba ai. Momokani, Dirava ese ena hahediba ia hamatamaia, ia havaraia mauri ginigunana, ia sibona ia havaraia Natuna tamona, ia hadibaia matamaia neganai. Unai dainai Iesu ia gwau: “Tamana ese lau dekenai ia hadibaia hegeregerena lau hereva.” (Ioane 8:28; Hereva Lada-isidia 8:22, 30) Keriso ena hereva Baibel lalonai ese iseda diba Dirava ena hahediba dekenai idia habadaia momokani. Iesu ena orea taudia, ia horodia taudia, ese ena hahediba herevadia idia hahedibalaidia neganai, Hadibaia Tauna Hereadaena idia tohotohoa unai; iena ura be ekalesia ese “Dirava ena aonega idauidau” do ia hahedinaraia.—Efeso 3:10, 11; 5:1; Luka 6:40.
Aonega Tahua Karana
4 Aonega korikorina abia totona, namona be iseda darana, Dirava ese ita ia henia gauna, do ita gaukaralaia goadagoada, Dirava ena hahediba abia totona. Unai ita karaia diba badina harana be gau momo ia karaia diba. The Incredible Machine bukana ia gwau: “Ita karadia kompiuta masini be gau momo idia karaia diba, to taunimanima edia harana ida ita hahegeregerea neganai kompiuta ese gau haida sibona idia karaia diba. Taunimanima edia harana ena gaukara dalana dekenai electric bona chemical gaudia idia gaukara hebou edia maka ta ta bona edia nega ta ta ai. . . . Emu harana lalonai idia lao bona idia mai maka idauidau be sivarai momo idia abia loaloa. Emu tauanina ena lalona bona ena kopina ena hemami be sivarai idauidau idia gwauraia: emu ae kwakikwaki ia hisihisi, eiava kofi bonana ia abia, eiava turana ta ena moale herevana ta. Maka ma haida ese sivarai idia abia bona gabu maorona ai idia atoa neganai, hemami haida, guna gaudia idia laloa, lalohadai haida, eiava palani haida idia karaia, bena dala ta oi abia hidi diba. Bena maoromaoro, emu harana amo hereva haida idia lao emu tauanina ena kahana ma haida dekenai, bona ia hadibaia dahaka ia karaia totona: emu ae kwakikwaki oi hamarerea, kofi oi inua, oi kiri, eiava reana fani hereva ta oi gwauraia. Unai ia vara neganai, emu harana ese emu hahodi dalana ia naria, emu rara ena siahu bona ena goada ia naria, bona oi laloa lasi ma gaudia haida ia naridia. Ena be emu tauanina ena murina kahana ai idia vara gaudia idia idau, to harana ese ma hereva haida ia siaia emu tauanina ia gaukara noho totona. Danu, gabeai nega totona ia hegaegae.”—Rau 326.
5. Baibel lalonai aonega be dahaka?
5 Momokani, harana be gau momo ia karaia diba, to edena dala namona ai ita gaukaralaia diba? Namo lasi gado, histori, saiens, eiava tomadiho idauidau ita stadilaidia momo. Namona be iseda harana ita gaukaralaia Dirava ena hahediba ita abia dae totona. Unai dala tamona amo aonega korikorina do ita davaria. To aonega korikorina be dahaka? Baibel ena hereva hegeregerena, inai hereva “aonega” ena anina badana be, diba maoromaorona bona lalo-parara korikorina dainai ta ese ena lalona ia hadaia maoromaoro. Aonega dainai diba bona lalo-parara ita gaukaralaidia diba, hekwakwanai do ita hanaidia totona, dika amo do ita siri o do ita koua totona, haida do ita sisiba henidia totona, bona ita tahudia gaudia do ita davaridia totona. Baibel ese ia hahedinaraia aonega be idau vaitani, kavakava bona kava hegeregeredia lasi—unai kara ita dadaraidia be namo.—Deuteronomi 32:6; Hereva Lada-isidia 11:29; Kohelete 6:8.
Iehova Ena Buka Badana
6 Tanobada ena aonega momo bogaraginai ita noho. (1 Korinto 3:18, 19) Inai tanobada ai be sikuli bona laiberi momo herea, idia lalodiai be buka milion momo! Unai buka momo amo gado idauidau, matematik, saiens, bona gau idaudia ma haida idia hadibalaidia. To Hadibaia Tauna Hereadaena ese buka ta ita ia henia; unai buka, buka oredia iboudiai ia hereadia bukana, be iena lauma amo ia havaraia Herevana, Baibel unai. (2 Timoteo 3:16, 17) Ena hereva iboudiai be maoro, idaunegai gaudia sivaraidia, tanobada gaudia herevadia, bona tubutubu gaudia herevadia, bona nega vaira gwauraia guna herevadia danu. Ia ese danu ita ia durua, hari inai negai do ita moale bada bona iseda mauri ese anina bada do ia havaraia totona. Momokani, tanobada ena sikuli ta lalonai diba tahua taudia ese edia buka idia gaukaralaidia be namo, bona unai hegeregerena, namona be ita ese Dirava ena Buka hereadaena do ita dibaia namonamo, ‘Iehova ese ia hadibadia’ taudia hegeregeredia aonega momokanina do ita hahedinaraia totona.—Ioane 6:45.
7. Badina be dahaka Baibel ena hereva ita laloatao bona ita gwauraia sibona be hegeregere lasi?
7 To ta be Baibel ena hereva ia diba be idau, bona aonega korikorina ia abia bona Dirava ena hahediba ia badinaia be ma idau. Haheitalai ta be inai: Guna lagani 300 bamona, Katolik tauna ta ladana Cornelius van der Steen ese dala ia tahua Jesuit tauna ai do ia lao totona, to idia dadaraia badina be ia kwadogi herea. Manfred Barthel be ena buka ladana The Jesuits—History & Legend of the Society of Jesus lalonai ia gwau: “Komiti ese van der Steen idia hamaoroa, ena kwadogi toana do idia laloa lasi, to edia orea lalonai do ia vareai dalana tamona be, Baibel ibounai do ia dibaia ela bona ena hereva iboudiai be ena lalona amo do ia gwauraidia diba. Inai sivarai lau gwauraia ena badina namona tamona be, van der Steen ese unai hekokoroku haheganina ia badinaia.” Baibel ibounai ia duahia loulou ela bona ena hereva iboudiai ia laloatao be hekwarahi bada herea! Dirava ena Hereva iboudiai ita laloatao be namo, to ena hereva ita lalo-pararalaia be gau badana.
8. Dahaka ese ita ia durua Dirava ena hahediba amo namo ita davaria bena aonega momokanina ita hahedinaraia diba?
8 Aonega momokani do ita abia bona Dirava ena hahediba amo namo do ita abia totona, namona be Buka Helaga ena hereva momokani do ita diba maoromaoro. Namona be Iehova ena lauma helaga, iena gaukara siahuna, ese ita do ia hakaua danu. Unai amo ita ese hereva momokanidia dobudia do ita diba, “Dirava ena laloa dobu gaudia” unai. (1 Korinto 2:10) Unai dainai, namona be Iehova ena buka hereadaena do ita stadilaia namonamo bona ia do ita noia lauma helaga amo ita do ia hakaua. Hereva Lada-isidia 2:1-6 hegeregerena, namona be aonega hereva do ita hakala henia, iseda lalodia ese lalo-parara do idia ura henia, bona lalo-parara abia totona do ita boiboi be namo. Namona be unai bamona do ita karaia, idia hunia kohudia ita tahudia bamona, badina be unai dala tamona amo ‘Iehova gari henia karana do ita diba, bona Dirava ena diba maoro karana do ita davaria.’ Ena be Iehova ese aonega ia henia, to namona be Dirava ena hahediba amo namo do ita davaria diba dalana bona unai hahediba ia kwalimu dalana do ita lalodia.
Lalo-Parara Ia Bada Noho Dalana
9 Dirava ena hahediba ia kwalimu dalana be inai: Iena orea taudia ia hadibadia dainai edia lalo-parara Baibel dekenai be ia bada ia lao. Hegeregere, ita diba Eden ai Satana Diabolo ese gaigai ta amo ia hereva, ia gwau Dirava ena hereva, taravatu auna ena huahua ania karana ena davana be mase herevana, be koikoi. To ita itaia Iehova Dirava gwau-edeede henia karana dainai mase ese taunimanima iboudiai ia abidia. (Genese 3:1-6; Roma 5:12) To, Dirava ese taunimanima dekenai helaro namona ia henidia; gaigai ia hereva henia, bona unai amo Satana ia hereva henia, ia gwau: “Lau ese tuari do lau karaia oi bona hahine huanai, taunimanima bona gaigai dohore idia tuari. Taunimanima ese oiemu kwarana do idia botaia toho, bona oi ese edia aena geduna do oi koria toho.”—Genese 3:15.
9, 10. Genese 3:15 dekenai Dirava be dahaka ia gwau, bona unai hereva edia anina be dahaka?
10 Unai hereva ese gau ta idia hunia, Dirava ese gabeai ena hahediba amo sisina sisina ia hahedinaraia, ela bona ia hedinarai vaitani. Ita diba vadaeni Baibel ena sinado badana be, Iehova ese iena lohia siahuna be Garana ena amo do ia hamomokania; unai Garana be Abraham bona David edia tubuna natuna bona Basileia pavapavana korikorina. (Genese 22:15-18; 2 Samuel 7:12, 13; Esekiel 21:25-27) Hadibaia Tauna Hereadaena ese danu ita ia hadibaia Iesu Keriso be “hahine” ena Garana badana bona ginigunana; unai hahine be Dirava ena guba oreana. (Galatia 3:16, NW) Ena be Satana ese dala idauidau ai ia dibagania, to Iesu ese kara maoromaoro ia badinaia ela bona mase—Satana ese hahine ena Garana ena aena geduna ia haberoa negana unai. Inai danu ita diba: Keriso ida Basileia do idia abia taudia 144,000 taunimanima bogaragidia amo be ia ida Satana, “idaunegai gaigaina,” ena kwarana do idia moia. (Apokalupo 14:1-4; 20:2; Roma 16:20; Galatia 3:29; Efeso 3:4-6) Dirava ena Hereva unai bamona ita diba dainai ita tanikiu henia bada!
Dirava Ena Diari Namona Lalonai
11 Dirava ena hahediba ia kwalimu dalana ma ta be, taunimanima be lauma diarina lalonai ia hakaudia vareai. Horoa Keristen taudia be unai bamona ia hakaudia, 1 Petero 2:9 ena hereva hegeregerena: “Dirava ese umui ia abia hidi vadaeni, umui be iena bese, umui be King ena boubou helaga karaia taudia, bese helagana, bona Dirava ena orea korikori taudia. Dirava ese umui ia abia hidi, iena hoa kara badadia do umui gwauraia hedinarai. Badina be ia ese dibura dekena amo umui ia boiria, vadaeni iena diari namo bada herea lalonai do umui noho.” Hari inai negai “hutuma bada herea” danu ese Dirava ia henidia diarina idia moalelaia noho, edia helaro be paradaiso tanobadana ai do idia mauri ela bona hanaihanai. (Apokalupo 7:9; Luka 23:43) Dirava ese ena orea taudia ia hadibadia noho lalonai, Hereva Lada-isidia 4:18 be ia momokani: “Kara maoromaoro taudia edia dala be daba matana bamona; ena diari ia bada ia lao ela bona dina ia hedinarai momokani.” Iseda diba be inai dala amo ita habadaia noho dainai, iseda lalo-parara Dirava ena hahediba herevadia dekenai be ia bada ia lao, tisa ena heduru namona dainai sikuli memerodia edia diba ia bada ia lao hegeregerena.
12, 13. Dirava ena hahediba be dahaka hahediba koikoidia amo Iehova ena taunimanima ia naridia?
12 Dirava ena hahediba ia kwalimu dalana ma ta be inai: Mai edia manau ida idia abia dae taudia ia gimadia, “lauma dikadia edia hadibaia hereva” do idia abia dae garina. (1 Timoteo 4:1) To Kerisendom be idau vaitani! Gunaguna, lagani 1878 ai, Roman Katolik bisop badana John Henry Newman ia torea, ia gwau: “Ekalesia gunalaia taudia idia laloa Keristen tomadihona ese kara dika ena siahu dikana do ia koua diba, bona lauma dikadia tomadiho henidia gaudia do ia haidaudia bena edia haroro gaukarana ai do idia gaukaralaidia diba, . . . unai dainai idaunegai amo edia lalodia idia hegeregere, taunimanima edia tomadiho karadia gunadia bona diba momo taudia edia lalohadai do idia abidia dae o do idia tohotohodia.” Newman ma ia gwau, ranu helaga, fada taudia edia dabua helagadia, bona kaivakuku, “iboudiai be Keristen lasi taudia edia amo idia abidia, bona Ekalesia ai idia abidia dae karana amo idia hahelagadia.” Dirava ena hahediba ese unai bamona kererena amo ita ia gimaia bona lauma dikadia tomadiho henidia karadia iboudiai amo ita ia ruhaia. Unai dainai ia ita tanikiu henia, ani?—Kara 19:20.
13 Dala iboudiai dekenai Dirava ena hahediba ese tomadiho hereva kereredia dekenai ia kwalimu. Hegeregere, ita be tomadiho koikoi taudia bamona lasi; Dirava ese ita ia hadibaia dainai, Toi Tamona Diravana herevana ita abia dae lasi, to ita abia dae Iehova be Atai Herea Diravana, Iesu be iena Natuna, bona lauma helaga be Dirava ena gaukara siahuna. Hel ena lahi ita gari henia lasi, badina be ita diba hel be taunimanima iboudiai edia mase gabuna. Bona ena be tomadiho koikoi taudia idia gwau taunimanima be mai edia mase diba lasi laumadia, to ita diba mase taudia be gau ta idia diba lasi. Dirava ena hahediba amo ita abia hereva momokanidia be momo herea. Hahenamo badana be inai: Babulono Badana, tomadiho koikoi iboudiai basileiana unai, be lauma dalanai ena igui hesiai karana amo ita ia ruhaia!—Ioane 8:31, 32; Apokalupo 18:2, 4, 5.
14. Badina be dahaka Dirava ena hesiai taudia be lauma diarina ai idia raka noho diba?
14 Dirava ena hahediba ese hahediba hereva koikoidia bona lalohadai kereredia ia hadareredia dainai, iena orea taudia be lauma diarina ai idia raka noho diba. Unai be hegeregere hereva ta be edia murina kahana amo idia kamonai, ia gwau: “Dalana be inai, ia lalonai umui raka.” (Isaia 30:21) Danu, Dirava ena hahediba ese hahediba koikoidia amo iena hesiai taudia ia naridia. Idaunegai hanuana Korinto ai, “aposetolo koikoidia” ese Keristen kongregesen idia hapararaia neganai, aposetolo Paulo ia gwau: “Aiemai tuari gaudia be tanobada ena tuari gaudia bamona lasi. Lasi, to Dirava dekena amo ia mai siahuna ai ese ai gaukaralaia, ia ese tanobada ena siahu ia haorea diba. Hepapahuahu hereva koikoi ai koua noho. Bona Dirava ena diari idia tahua taudia edia dala koua karana danu ai hamorua noho. Ma inai danu, ai ese taunimanima edia laloa ai guia noho, Keriso do idia kamonai henia totona.” (2 Korinto 10:4, 5; 11:13-15) Dirava ena hahediba dadaraia lalohadaidia be ena hahediba herevadia ese idia hamorudia, unai hereva be kongregesen lalonai ita gwauraidia mai iseda manau negadiai, bona sivarai namona be Witness lasi taudia dekenai ita harorolaia negadiai danu.—2 Timoteo 2:24-26.
Lauma ai Bona Hereva Momokani ai Tomadiho Henia
15 Basileia harorolaia gaukarana ia bada ia lao noho lalonai, Dirava ena hahediba ia kwalimu dalana ta be, manau taudia be Dirava “mai Lauma bona mai momokani danu” do idia tomadiho henia dalana ese ia hadibadia. Iakobo ena ranu gurina ai, Sukara hanuana badinai, Iesu ese Samaria hahinena ta ia hamaoroa ranu do ia henia diba, mauri hanaihanai do ia henia ranuna unai. Ma ia gwau: “Umui [Samaria taudia] ese umui tomadiho henia tauna be umui diba lasi . . . Nega ta do ia mai, bona harihari ia ginidae vadaeni, tomadiho taudia momokani ese mai Lauma bona mai momokani danu Tamana do idia tomadiho henia, badina be Tamana ese unai bamona idia tomadiho henia taudia ia tahua noho.” (Ioane 4:7-15, 21-23) Bena Iesu ese ia hamaoroa ia be Mesia.
15, 16. Lauma ai bona hereva momokani ai Iehova tomadiho henia ena anina be dahaka?
16 To edena dala ai ita ese Dirava be lauma ai do ita tomadiho henia diba? Dalana be inai: Iena hereva ita diba maoromaoro dainai, iseda lalona ai do ita lalokau henia bona do ita tanikiu henia, bona ia do ita tomadiho henia mai goeva ida. Momokani ia do ita tomadiho henia dalana be inai: Tomadiho hereva koikoidia do ita dadaraidia bona iena ura do ita karaia, iena hahediba Bukana hereadaena lalonai ia hahedinaraia hegeregerena.
Hahetoho Bona Tanobada Dekenai Idia Kwalimu
17 Dirava ena orea taudia be hahetoho idia abidia neganai, iena hahediba ia kwalimu loulou. Mani inai oi laloa: Tanobada Ibounai Tuarina Iharuana be September 1939 ai ia matamaia neganai, Iehova ena hesiai taudia ese iena hahediba Bukana ena hahegani ta ena anina idia lalo-pararalaia be namo. The Watchtower, November 1, 1939 gauna, ese ia durudia bada; Dirava ena hahediba herevadia, Keristen taudia be tuari amo idia gini siri karana dekenai, be ia hahedinaraia goevagoeva. (Ioane 17:16) Unai hegeregerena, 1960 murinai, Watchtower magasin edia hereva, gavamani kamonai henidia daladia ena maoro herevadia, ese Dirava ena hesiai taudia idia durudia, taunimanima ese gavamani idia gwau-edeede henidia karadia bogaragidiai Dirava ena hahediba herevadia do idia badinadia totona.—Roma 13:1-7; Kara 5:29.
18. Lagani 100 ia lao 299 C.E. negana ai sibodia idia gwauraidia Keristen taudia be dahaka idia laloa moale kara dikadia dekenai, bona hari inai nega lalonai Dirava ena hahediba be edena bamona ita ia durua?
18 Dirava ena hahediba herevadia ese ita idia durua tanobada ena hedibagani ita hadarerea totona, hegeregere moale karadia dikadia tahua karana. Sibodia idia gwauraia Keristen taudia, lagani 100 ia lao 299 C.E. neganai idia noho, edia hereva mani umui laloa. Tertullian ia gwau: “Steidiam ena kava, drama edia lebulebu, bona heatu heheni gabuna ena dagedage be ai herevalaia lasi, ai itaia lasi bona ai kamonai lasi, lasi momokani.” Unai nega ena toretore tauna ma ta ia henanadai, ia gwau: “Inai gau bogaragidiai Keristen tauna be edena bamona ia kara, badina reana kara dika ia laloa diba lasi dainai? Dahaka dainai hegahusi bodagana haheitalaia karadia ia moalelaidia?” Ena be Keristen taudia ginigunadia edia nega amo ela bona unai toretore taudia edia nega lagani momo idia ore, to moale karadia dikadia idia dadaraidia. Hari inai negai, Dirava ena hahediba ese aonega ita ia henia dainai, moale kara dikadia, lebulebu karadia, bona dagedage karadia idia hahedinaraia gaudia do ita dadaraidia diba.
19. Dirava ena hahediba be edena dala ai ita ia durua tanobada ita hadarerea henia totona?
19 Dirava ena hahediba herevadia ita badinadia dainai, tanobada ita hadarerea diba. Oibe, iseda Hadibaia Tauna Hereadaena ena hahediba herevadia ita badinadia dainai, inai tanobada, Satana ese ia biagua gauna, ena siahu dikana ita halusia diba. (2 Korinto 4:4; 1 Ioane 5:19) Efeso 2:1-3 ia gwau, ena be guna ita ese lauma dikadia edia biaguna ita kamonai henia neganai ita be iseda kara dika bona kerere dainai ita mase, to Dirava ese ita ia hamauria. Iehova Dirava ita tanikiu henia, badina be iena hahediba ese ita ia durua, tanobada ena ura bona koikoi tauna badana, Satana Diabolo, ena amo ia lasi siahuna do ita hadarerea totona!
20. Dahaka henanadai ma haida ita lalodia be namo?
20 Ia hedinarai namonamo, Dirava ena hahediba be dala momo dekenai ia kwalimu. Ita hegeregere lasi ena kwalimu daladia iboudiai ita gwauraidia totona. Tanobada hegegemadai ia be mai anina taunimanima dekenai. To edena bamona oi ia durua? Emu mauri lalonai Dirava ena hahediba be edena bamona emu mauri ia haidaua?
Dahaka Oi Diba?
◻ Aonega momokanina ena anina be dahaka?
◻ Genese 3:15 dekenai, Dirava be dahaka lalo-parara ia habadaia noho?
◻ Lauma daladia ai Dirava ena hahediba be edena dala ai ia kwalimu?
◻ Lauma ai bona hereva momokani ai Dirava tomadiho henia ena anina be dahaka?
◻ Hetoho neganai Dirava ena hahediba be edena dala ai Iehova ena hesiai taudia ia durudia tanobada dekenai idia kwalimu totona?
4. Dahaka idia gwau darana ia karaia diba gaudia dekenai?
6. Aonega momokanina ita hahedinaraia totona, dahaka ita gaukaralaia be namo?
11. Badina be dahaka ita gwau diba Dirava ena hahediba ia kwalimu dalana be lauma diarina lalonai taunimanima ia hakaudia vareai?
17. Edena dala ai oi hamomokania diba Dirava ena hahediba ese Iehova ena hesiai taudia ia durudia hahetoho dekenai idia hegeregere totona?
[Pictures on page 10]
Iesu be abidadama dekenai ia gini ela bona ia mase—unai be aena dekenai Garana haberoa karana