Inai Hanuaboi Oi Laloa be Namo

LAGANI 3,500 mai kahana gunanai, Israel taudia be igui hesiai taudia Aigupito ai neganai, dina ta ai Iehova Dirava ese ia haganidia mamoe natuna ta do idia alaia bena ena rarana be edia ruma edia iduara kahana kahana audia bona atai audia do idia dahulaia. Unai hanuaboi ai, Dirava ena aneru ese ruma mai raradia ia hanaidia, to Aigupito taudia edia natudia roboadia iboudiai ia aladia mase. Unai murinai Israel taudia idia kahudia nege. Unai nega amo, Iuda taudia ese lagani ta ta amo unai dina ai Paseka ariana idia karaia.

Iesu Keriso ese iena Paseka ariana ginigabena ia karaia, bena maoromaoro aria ma ta ia karaia, iena mase lalolaia ariana unai. Ia ese paraoa be ena kamonai aposetolo ia henidia, ia gwau: “Umui abia, umui ania, lauegu tauanina be inai.” Unai murinai kapusi mai uaina ia henidia, ia gwau: “Umui ibounai umui inua. Inai be lauegu rarana, maino karaia ena rara, taunimanima momo totona do ia bubua, dika gwauatao totona.” Ma ia gwau: “Inai bamona do umui karaia, lau dekenai do umui laloa totona.” (Mataio 26:​26-28; Luka 22:​19, 20) Anina be, Iesu ese ena orea taudia ia haganidia unai bamona do idia karaia iena mase lalolaia totona.

Iehova ena Witness taudia ese oi idia boiria, oi be idia ida do umui hebou, Iesu ena mase lalolaia totona. Mani oi nanadaidia edia Kingdom Hall be edeseniai bona edena hora ai do idia hebou. Lagani 1994 lalonai, inai hebou karaia dinana be Saturday, March 26. Dina do ia diho murinai paraoa bona uaina do idia henidia.