Inai Oi Laloatao, A?

Gima Kohorona, vanegai gaudia, edia hereva oi lalodia namonamo a? Bema oibe, inai hereva do oi lalodia lou mai emu ura ida:

▫ Taunimanima bona animal edia idau badana be dahaka?

Taunimanima edia kwara haradia edia oromadia, edia siahu, bona edia gaukara daladia be idau, animal edia hegeregeredia lasi. Animal ta ia vara neganai, kahirakahira ena diba ibounai ia abia vadaeni, to taunimanima be unai bamona lasi. Dirava ese taunimanima be ura-kwalimu ia henidia. (Hereva Lada-isidia 30:​24-28)​—4/15, rau 5.

▫ Israel taudia edia dubu helagana ai ane abia karana ena anina be dahaka edia tomadiho lalonai?

Miusik bona ane abia taudia be mai anina bada tomadiho lalonai; idia edia amo Taravatu ena anina be Israel taudia idia hadibalaidia lasi, to idia durudia, Iehova do idia tomadiho henia mai edia goada ida. (1 Sisiga 23:​4, 5; 25:7)​—5/1, rau 10, 11.

▫ Beibi negana amo memero kekeni ese dahaka heduru idia abia be namo?

Beibi ta ia vara murinai, ena tamana sinana be hanaihanai idia durua be gau badana. Paulo ia gwau: “Mero maragi neganai Buka Helagadia dekenai oi manada vadaeni. Inai Buka Helagadia ese oi dekenai aonega idia henia diba ela bona hahemauri do oi davaria.” (2 Timoteo 3:15) Anina be, Timoteo be ia beibi negana amo ena sinana ese lauma dalanai danu ia durua.​—5/15, rau 11.

▫ Dahaka gau hani ese idia hamomokania Baibel lalonai be Dirava ena hereva taunimanima iboudiai totona?

(1) Idia abia be haraga. Tanobada taudia 100 100 amo 98 98 idia abia diba. (2) Sivarai momokanidia. Baibel ena sivarai be momokani; idia be ita hamomokanidia diba lasi goridia lasi. (3) Namo ia havaraia. Ena hahegani bona ena hahekau herevadia idia badinadia taudia ese namo idia davaria. (4) Peroveta herevadia. Nega vairai do idia vara gaudia ia gwauraidia goevagoeva.​—6/1, rau 8, 9.

▫ Tomadiho maorona idia diba taudia edia maduna be dahaka?

Tomadiho maorona ita diba neganai, namona be eda mauri lalodiai do ita badinaia. Ia be noho dalana ta. (Salamo 119:105; Isaia 2:3)​—6/1, rau 13.

▫ Dahaka dainai ta be sibona Baibel ia stadilaia be gau badana?

Dirava ena hesiai taudia iboudiai ese lalohadai matamatadia eiava dobudia iena Hereva momokani lalonai idia davaridia be namo, dina ta ta iboudiai edia moale bona edia goada do idia hamatamatadia lou totona. Unai amo lauma dalana ai sibodia idia hagoadaia noho diba.​—6/15, rau 8.

▫ Baibel lalonai inai hereva “kara dika” ena anina be dahaka?

Heberu gado herevana ta bona Greek gado herevana ta be Motu gado ai idia hahanaia neganai “kara dika” idia torea, to edia anina korikorina be “reaia”​—ta ese ia tahua gauna eiava ia tarakia toho gauna ia reaia. Tau bona hahine ginigunadia ese Dirava ena hairai idia reaia; Dirava ese ia karadia iena toana hegeregerena, to idia ese unai ena anina idia reaia​—idia kara dika. (Genese 2:17; 3:6)​—6/15, rau 12.

▫ Dahaka dainai hereva momokani idia negea taudia edia buka duahia karana be aonega lasi karana?

Edia buka haida ai “hereva manau” amo hereva koikoidia idia gwauraidia. (Roma 16:​17, 18; 2 Petero 2:3) Edia revareva iboudiai lalodiai haida idia maumauraidia bona idia hadikadia. Hahegoada herevadia be lasi.​—7/1, rau 12.

▫ Vouti amo gavamani abia hidi karana be Greece ai ia matamaia, a?

Idaunegai Greece ai, hanua badadia haida mo lalodiai gavamani be unai dala ai idia abia hidi, bona unai bamona idia karaia negadiai tatau mo idia vouti. Anina be taunimanima 5 5 amo 4 4 idia vouti lasi. Unai be taunimanima ese vouti amo gavamani idia abia hidi dalana maorona lasi!​—7/1, rau 16.

▫ Dahaka kara ese Keristen headavana idia hanamoa?

Karadia be inai: Tau bona hahine ese Dirava ena lalohadai headava dekenai idia matauraia bona iena hakaua herevadia Baibel lalonai idia badinadia toho. (Efeso 5:​21-33)​—7/15, rau 10.

▫ Emu ruma bese stadina be moale gauna ai edena bamona oi halaoa diba?

Namona be stadi lalonai emu natudia iboudiai be mai edia ahuna. Oi hagoadadia bona edia haere dainai oi hanamodia. Stadi herevana umui herevalaia sibona lasi, to edia lalodia oi hamareredia toho danu.​—7/15, rau 18.

▫ Inai hereva, “ ‘Maino bona gari lasi ita noho inai,’ taunimanima idia gwauraia noho neganai,” ena anina be dahaka? (1 Tesalonika 5:3)

Baibel ia gwau lasi bese idauidau ese “maino bona gari lasi” nohona do idia abia. To dala idauna ai do idia herevalaia, do idia gwau idia laloa do idia abia momokani, badina be toana be kahirakahira do idia abia.​—8/1, rau 6.

▫ Iehova ese manau ia hahedinaraia daladia toi oi gwauraidia.

Iehova ese dika ia gwauatao. (Salamo 86:5) Gau matamatadia idia vara negadiai, ena lalona be hegeregere, guna ia lalohadailaia karana be do ia haidaua. (Iona karoa 3 itaia.) Ma danu, Iehova ese ena siahu ia gaukaralaia mai ena manau ida. (1 Hanua Pavapavadia 22:​19-22)​—8/1, rau 12-14.