Iehova Ena Witness Taudia Tanobada Hegegemadai​—India

INDIA! Inai tano badana dekenai tanobada ena taunimanima 6 6 amo 1 1 be unuseniai idia noho. Unai taunimanima idauidau bona gado idauidau gabuna dekenai, gado 1,000 mai kahana idia gadolaidia. Taunimanima momo be Hindu tomadiho idia badinaia, unai be 83 pesen bamona, bona 11 pesen be Muslim taudia, bona Sikh, Buddhist, Jain, bona Keristani dubu haida be 6 pesen.

Lagani haida lalonai India dekenai, Iehova ena Witness taudia ese kamonai taudia momo idia davaria. Idia ese mamoe bamona taudia idia davaridia, unai taudia be Iehova ena Basileia ena kahana dekenai idia gini ena be dagedage bona inai henia karana idia davaria.

Hegeregere, otodoks Hindu famili ta lalonai, kekeni ta be ia maragi neganai polio gorerena ia abia dainai ia raka diba lasi. Ia mamia hisihisina dainai ia ese Dirava ia laloa bona mauri ena anina ia laloa danu. Tomadiho momo lalodiai haere ia tahua to haere namona ta ia davaria lasi. Unai dainai, tomadiho ia abidadama henidia lasi to Dirava ia do abidadama henia.

Unai nega lalonai Witness rua ese ruma-ta-ruma-ta gaukara lalonai unai kekeni idia davaria. Ia gwau: “Apokalupo 21:​4, idia duahia neganai, lau tai.” Ena be iena sinana ese ia koua, to ia ese Watch Tower Society ena buka momo ia abidia bona Baibel stadi ia abia dae. Kara momo ia haidaua ena mauri lalonai, varavara edia dagedage karana ia haheaukalaia, bena ia bapatiso bona Witness ta ai ia lao. Ia gwau: “Witness ta ai lau lao totona lau hekwarahi bada. To Iehova Dirava be nega ibounai lau danu ia noho bona ia ese maino bona moale ia henigu.”

Sikuli Dekenai Tomadiho Goevana Ia Badinaia

Taihu matamatana ta be iena tisa ese ia hamaoroa iena klas taudia ibounai ida do ia lao Katolik dubu dekenai. Taihu ese mai hemataurai ida ia hamaoroa do ia lao lasi badina ia be Iehova ena Witness ta bona ia ese Iehova sibona do ia tomadiho henia bona ma tau ta, eiava gau ta do ia tomadiho henia lasi. Tisa ia gwau bema klas taudia ibounai idia lao dubu, ia danu do ia lao be namo. To taihu ia gini goada bona ia gwau dubu dekenai idia lao taudia be Iehova do idia guriguri henia lasi dainai, idia danu do ia lao be anina lasi.

Unai kekeni ia gini auka dainai, tisa ia ura diba haida ia abia ena tomadiho dekenai. Unai dainai unai dina murinai taihu ese Iehova tomadiho henia dalana ia gwauraia Gima Kohorona ia henia. Ia duahia gaudia ia moalelaia dainai, tisa ese taihu dekenai gwaumaoro ia henia dubu ena gaukara lalodia do ia vareai lasi. Taihu ese unai tisa bona ma haida dekenai magasin 10 ia hariharilaia.

Dirava Ena Taravatu Rara Dekenai Badinaia Ena Hahenamo

Vanegai, Kerala taoni dekenai taunimanima momo ese fiva idia abia. Inai gorere ese kidni idia hadikaia bona hanamoa dalana be dialysis karana idia karaia. Rara henia hanai karana idia gaukaralaia momo. Siti ta dekenai taunimanima 14 be inai gorere dainai hospital dekenai idia atodia. Unai gorere tauna ta be Witness tauna, unai gabu ena kongregesen elda ta. Idia hamaoroa rara abia karana sibona amo unai gorere idia hanamoa diba. Unai elda ese Baibel ena taravatu ia gwauraia hedinarai bona rara abia karana ia dadaraia. (Kara 15:​28, 29) Hepapahuahu momo murinai doketa taudia ese idia hamaoroa do ia mase badina rara ia dadaraia dainai.

Idia gorere taudia 13 ese rara idia abia. To madi, idia ibounai be dina haida murinai idia mase. Iseda tadikaka sibona ia mauri! Hospital naria taudia idia hoa bada. Kongregesen tadikaka ese nega ibounai idia vadivadi henia dainai hospital gaukara taudia idia hoa bada. Tadikaka be hospital amo ia doko murinai, ia lao doketa taudia ia tanikiu henidia totona, to idia gwau: “Dahaka dainai ai oi tanikiu henia? Oiemu Dirava, Iehova, oi tanikiu henia. Ia ese oi ia hamauria. Mani, oiemu Dirava, Iehova, dekenai ai totona oi guriguri danu.”

[Box on page 24]

TANO RIPOTINA

Hesiai Laganina 1994

HARORO TAUDIA EDIA NAMBA BADANA: 14,271

WITNESS TAUNA TAMONA INAI NAMBA AI: 65,266

MEMORIAL AI IDIA HEBOU TAUDIA: 38,192

PAINIA TAUDIA EDIA AVERES: 1,780

BAIBEL STADI EDIA AVERES: 12,453

BAPATISO ABIA MATAMATA TAUDIA: 1,312

KONGREGESEN EDIA MOMO: 410

BRENS OPESI: LONAVLA

[Picture on page 25]

Brens opesi, Lonavla

[Picture on page 25]

Lagani 1963 lalonai “Mia Hanaihanai Sivarai Namona” Hebouhebouna idia harorolaia

[Picture on page 25]

Hoihoi tauna ia haroro henia, Red Fort, Delhi dekenai