Inai Gaudia be Do Idia Ore, A?

HEREVANA edeseniai ita lao hari, ita ese inai heheni karana, heiriheiri, bona tuari ita itaia. To inai magasin be oi dekenai nius dikadia ma haida ia habadaia totona idia halasia lasi. Lasi, to inai magasin ese oi dekenai hereva momokanidia rua do ia hadibaia. Ginigunana be, Baibel ena peroveta hereva gunadia ese iseda negai idia vara gau dikadia idia gwauraia guna vadaeni; iharuana be, unai peroveta bukana tamona ese inai rau ena laulau ese ia hahedinaraia gaudia do idia ore negana ia perovetalaia. Tuari be do ia ore. Bomu negea karana, taunimanima pidia karana, tano dekenai main bomu hunia karana, bona taunimanima hagaria karana be do idia ore. Tamana bona sinana lasi natudia mai edia lalohisihisi be lasi, eiava edia tano idia heautania bona mai edia noho gabuna lasi taudia be lasi. Unai tanobadana lalonai maino korikori mai moalena do ia noho. Oi ura unai nega do oi itaia? Oi ai hagoadaia Baibel ena hereva do oi laloa. Reana guna oi laloa lasi heduruna be ia amo do oi abia.