“Biaguna, Keriso, Ena Hesiai Gaukara Umui Karaia”
LAGANI momo herea lalonai, taunimanima milioni momo be hesiai gaukara ena metau idia haheaukalaia. Lagani tausen momo gunanai, Israela taudia be Aigupito taudia edia naria henunai hisihisi bada idia ania. Baibel ia gwau bamona, idia ese ‘gaukara biaguna taudia idia atodia, idia ese unai Israela gaukara karaia taudia idia naria mai dagedage danu,’ biriki idia karaia totona.—Esodo 1:11.
Hari inai negai tano momo ai, taunimanima be igui hesiai taudia korikoridia lasi, to momo be hora momo idia gaukara nega aukadia lalonai—nega haida gabu bona nega dikadia lalonai. Reana ita gwau idia be moni ena hesiai gaukara ena maduna metauna idia huaia noho.
To, hesiai gaukara ta ia noho danu bona ia be metau lasi. Aposetolo Paulo ese abidadama tamona tadikaka ia hamaorodia, ia gwau: “Biaguna, Keriso, ena hesiai gaukara umui karaia.” (Kolose 3:24, NWSubmitted to overseer for translation) Keriso ena hesiai taudia ai idia lao taudia be edia maduna metaudia amo laga-ani idia abia. Iesu sibona ia gwau: “Tauanina manokamanoka bona gaukara metau taudia ibounai, lau dekenai umui mai, lau ese laga-ani do lau henia umui dekenai. Egu huaia auna be emui pagana dekenai do umui atoa, lau dekenai diba do umui tahua, badina lau be dagedage lasi bona manau tauna. Vadaeni emui laumana be do idia laga-ani. Badina be lauegu huaia auna be ia metau lasi, bona huaia neganai danu hekwarahi lasi.”—Mataio 11:28-30.
Ta ese Keriso ena huaia auna ia abia dae ena anina be inai lasi: Ena ruma bese edia tauanina gaudia ia henia ena maduna ia rakatania. Lasi. (1 Timoteo 5:8) To, unai ese tauanina gaudia tahua momo karana ena igui amo ia ruhaia diba. Keristani taudia edia mauri lalonai kohu be edia tahua gauna badana lasi, to idia dekenai anina bada gaudia be hegeregere.—1 Timoteo 6:6-10; 1 Korinto 7:31 itaia.
Keristani taudia be Basileia ‘sivarai namona’ do idia harorolaia ena maduna idia hagugurua lalonai, hemami namona idia abia danu. (Mataio 24:14) Edia lalona ia hegeregere bona moale korikori ia havaraia!
Ita tanikiu bada badina ‘Biaguna, Keriso, ena hesiai gaukara ita karaia’ diba!
[Picture on page 32]
Pictorial Archive (Near Eastern History) Est.