“Gaukara Hebou Ena Haheitalai Ta”

UNAI be niuspepa ta ena hereva, Indaiatuba ena niuspepa ta lalonai idia halasia, São Paulo, Brazil dekenai. Unai haheitalai be daika ese ia hahedinaraia? Torea tauna ia hereva ia gwau: “Iehova ena Witnes taudia be idia ura ‘Kingdom Hall’ matamatana ta, edia dubu badana o idia edia hebou gabuna idia gwauraia unai, idia haginia, bona idia ese gaukara namona bona gaukara hebou ena haheitalai ita dekenai idia hahedinaraia do ita laloa gauna,” torea tauna ese ena hereva dekena amo ia hahedinaraia.

Unai bamona nega ai Iehova ena Witnes taudia edia lalo-tamona ia hedinarai. Unai dainai, unai hereva ia gwau: “Tatau, hahine, bona memero kekeni idia volantia mai edia ura ida idia gaukara hebou edia hebou gabuna bona Dirava do idia tomadiho henia gabuna idia haginia ita itaia neganai, unai ese iseda lalona ia hamarerea.”

Iehova ena Witnes taudia ese kara namodia ma haida edia mauri lalonai idia hahedinaraia danu. Unai hereva ma ia gwau: “Stadi bona guriguri sibona lasi, to edia ura be kekero momo taudia bona drag manadalaia taudia edia mauri dalana idia haidaua bona taunimanima dekenai lalo-tamona bona lalokau ena dala idia hahedinaraia.” Edena dala amo unai idia havaraia diba? Witnes taudia idia diba Baibel ena sisiba dibaia bona badinaia karana ese ta ia durua diba kara dika dekena amo do ia siri momokani. Unai dainai idia gaukara goada Baibel amo idia dibaia gaudia be ma haida dekenai idia hadibaia totona. Unai hereva ena dokona ai ia gwau, edia “haheitalai be, momokani, do ita tohotohoa haraga be namo.”

Iehova ena Witnes taudia edia hebou dekenai taunimanima ibounai bona moni idia gogoa lasi. Oi ai boiria mai oi kahirakahira dekenai ia noho Kingdom Hall ta dekenai.