Central Africa ai Dirava Ena Ladana Idia Gaukaralaia

CENTRAL AFRICA ai taunimanima momo ese Dirava idia abidadama henia. Idia diba ia be gau ibounai Havaraia Tauna. (Apokalupo 4:11) To, gabu idauidau taudia momo hegeregerena, idia ese iena ladana​​—⁠Iehova​​—⁠idia laloa lasi.

Central Africa dekenai, bona tanobada ena kahana ma haida ai, taunimanima ese Dirava ena ladana idia herevalaia, Lohiabada ena Guriguri idia gwauraia neganai, idia gwau: “Oiemu ladana do ai hahelagaia.” (Mataio 6:⁠9) To nega daudau lalonai, taunimanima haida sibona be unai ladana idia diba. To, lagani idia hanaia lalonai, Iehova ena Witnes taudia edia haroro goadagoada karana ese taunimanima edia lalohadai ia haidaua Dirava ena ladana gaukaralaia karana dekenai. Hari inai negai, Dirava ena ladana be momo idia diba bona Africa gadodia momo ai idia abia dae, hegeregere Zulu (uJehova), Yoruba (Jehofah), Xhosa (uYehova) bona Swahili (Yehova). To, unai gado ai idia hahanaia Baibel momo lalodiai, Dirava ena ladana idia gaukaralaia lasi.

Zande gado ai idia hahanaia namonamo Baibel lalonai Dirava ena ladana idia gaukaralaia, unai gado be Central African Republic, Sudan, bona Democratic Republic of Congo edia kahana haida ai idia gaukaralaia. Unai gabudia dekenai idia noho taudia ese Dirava ena ladana idia gaukaralaia bona edia gado ai idia torea dalana be Yekova. Herevana gado ta dekenai Dirava ena ladana be edena bamona idia gwauraia, to ita gaukaralaia be gau badana. Dahaka dainai? Badina “Dirava ena ladana idia noinoi henia taudia ibounai, be mauri do idia davaria.”​—⁠Roma 10:⁠13.

[Map/Picture on page 32]

(For fully formatted text, see publication)

SUDAN

CENTRAL AFRICAN REPUBLIC

DEMOCRATIC REPUBLIC OF CONGO

[Credit Line]

The Complete Encyclopedia of Illustration/J. G. Heck