“Vadaeni Hari Lau Diba Dahaka Gorere Lau Davaria!”

UNAI be Tokyo dekenai ia noho tauna ta ese Gima Kohorona magasin December 1,  2000, gauna lalonai ia noho mauri sivaraina ia duahia neganai ia laloa herevana. Unai magasin ena sinado be, “Umui Diba Lasi Kerukeru Dina Dahaka Do Ia Vara,” bona unai magasin ese guna misinari gaukara ia karaia tauna ta, gorere ladana manic-depressive psychosis ia abia tauna, ena ekspiriens ia gwauraia.

Unai Tokyo tauna ese magasin idia halasia taudia dekenai ia torea revarevana lalonai ia gwau: “Ia herevalaia gorere ena toana be lau mamia hegeregerena. Unai dainai psychiatric hospital dekenai lau lao bona unuseniai lau diba lau be manic depression gorerena lau abia. Egu gorere ia tahua doketa be ia hoa. Ia gwau, ‘Unai gorere idia abia taudia be nega momo idia laloa idia gorere lasi.’ Heduru lau abia, unai gorere ia do bada lasi lalonai ena toana lau diba.”

Taunimanima milioni momo tanobada ena gabu ibounai dekenai, ese Gima Kohorona magasin bona ena bamona Awake! magasin idia duahia karana amo dala idauidau ai namo idia davaria. Idia davaria unai magasin be mai ena heduru herevadia namodia bona idia moalelaia. Hari Gima Kohorona magasin be gado idauidau 141 ai idia printaia, bona Awake! be gado idauidau 86 ai idia halasia. Oi danu Gima Kohorona bona Awake! magasin duahia hanaihanai karana oi moalelaia diba.