Oi Laloatao, A?

Gima Kohorona matamatadia oi duahia neganai oi moalelaidia, a? Henunai idia noho henanadai mani oi haerelaidia:

• Dahaka dainai kara maoromaoro ita karaia noho be gau badana?

Kara maoromaoro ita karaia neganai, Iehova ena lohia siahuna ita abia isi mai lalokau ida bona Satani ena hereva ita hakoikoia. Dirava be eda kara maoromaoro hegeregerena ita do ia kota henia dainai, vaira negana ena helaro namona ita abia totona, kara maoromaoro ita karaia noho be gau badana.​​—⁠12/15, rau 4-6.

• Dirava ena ura ia karaia tauna, Iesu ena dagi haida be dahaka?

Natuna tamona sibona. Hereva. Amen. Taravatu Matamata Ia Havaraia Tauna. Hahelaga Tauna Badana. Gwauhamata Garana.​​—⁠12/15, rau 15.

• Edena dala ai iseda haroro gaukara do ita moalelaia bada?

Ma haida ita durua totona, namona be iseda lalona ita hegaegaelaia. Haroro gaukara ita karaia neganai, ita ura Baibel stadi ta ita hamatamaia. Bema haida idia ura lasi kamonai, namona be ita haroro neganai iseda teritori ai idia noho taudia edia lalona veria herevana ta ita gwauraia.​​—⁠1/15, rau 8-​10.

• Edena dala ai Baibel ena hahediba herevadia ese Keristani tauna ia durua Dirava hamoalea dalanai fineral ia karaia totona?

Ena be Keristani tauna ta be ena lalokau tauna ta ia mase dainai ia tai, to ia diba mase taudia be gau ta idia diba lasi. Herevana Witnes lasi taudia ese unai Keristani tauna idia maumauraia, to mase tauna ena lauma ia mauri noho bona taunimanima ia hanamoa o hadikaia diba lalohadaina idia abia dae kastom karadia ia badinaia lasi. Unai hekwakwanai hanaia totona, Keristani taudia haida idia ura edia fineral dekenai dahaka do idia karaia gaudia be pepa dekenai idia torea guna.​​—⁠2/15, rau 29-​31.

• “Buka ladana Iasara” bona “Lohiabada ena tuari buka” be idia boio, a? (Ios. 10:13; Num. 21:⁠14)

Lasi. Baibel negadiai, Baibel torea taudia haida be idaunegai sivarai bukadia idia sekea bona edia sivarai haida idia gaukaralaia danu, to unai bukadia be lauma helaga ena siahu amo idia torea lasi.​​—⁠3/15, rau 32.