Hadibaia Taudia Karaia Totona Ita Idia Durua Heboudia
JULY 29 AI IA MATAMAIA PURANA
Ane 119 (15)
(10 min) Kongregesen ena hadibaia herevadia.
(20 min) “Sivarai Namona Harorolaia—Hakala Namonamo Karana Amo.” Hebou vairanai, idia duahiduahi diba namonamo taudia oi abidia hidi paragraf ta ta idia duahia totona, bena idia duahia murinai helai taudia be henanadai oi henidia. Paragraf 4 oi kikilaia neganai, haheitalai ta danu karaia. Ruma tauna ia laloa bada herevana ia gwauraia neganai, pablisa ia hakala namonamo lasi dainai, kiki hebou dalana ia reaia idia hahedinaraia. Helai taudia oi henanadai henidia namona be pablisa ese dahaka ia karaia be namo. Murinai unai pablisa ese haheitalai do ia karaia lou, ia ese ruma tauna ia laloa bada herevana do idia kikilaia hebou.
(15 min) Kongregesen Durua Herevana Ta. Hereva ta do idia hegaegaelaia kongregesen taudia durudia totona.
Ane 21 (48) bona guriguri.
AUGUST 5 AI IA MATAMAIA PURANA
Ane 81 (100)
(10 min) Kongregesen ena hadibaia herevadia.
(20 min) “Kongregesen Lalonai Iseda Basileia Gaukara Ita Hagugurua.” Tadikaka ta ese inai hereva do ia henia bona murinai idia hegaegaelaia namonamo haheitalai ta do idia karaia. Buka stadi naria tauna ese tau ta mai adavana dekenai Hesiai Gaukara Karaia Totona Ita Hegaegae buka gaukaralaia dalana ia hadibaia. Taihu be dahaka dainai bona edena negai ena kwarana do ia koua ena sivarai idia tahua.—omMO rau 77 oi itaia.
(15 min) “Iseda Malana Ita Hadibaia Lalohisihisi Taudia Durudia Totona.” Paragraf oi kikilaia.
Ane 107 (200) bona guriguri.
AUGUST 12 AI IA MATAMAIA PURANA
Ane 95 (170)
(10 min) Kongregesen ena hadibaia herevadia. Akaun ripotina oi gwauraia.
(20 min) “Haroro Gaukara Dekenai Bible Ita Gaukaralaia.” Hebou vairanai idia duahiduahi namonamo taudia oi abidia hidi paragraf ta ta idia duahia totona, bena idia duahia murinai helai taudia dekenai henanadai oi gwauraia. Paragraf 6 oi karaia neganai, haheitalai maragina danu do idia karaia August ena henia gauna hahedinaraia totona. Kiki Herevana ena siri tamona sibona do idia gwauraia.
(15 min) Henanadai. Henanadai bona haere amo do oi karaia. Oi hahedinaraia namonamo bema tiokratik dalana ita badinaia hahenamo ita abia diba.
Ane 95 (191) bona guriguri.
AUGUST 19 AI IA MATAMAIA PURANA
Ane 108 (116)
(10 min) Kongregesen ena hadibaia herevadia. August, 1991 ena hesiai lagani ena hua dokona lalonai do ita karaia haroro gaukarana oi gwauraia.
(20 min) “Haroro Gaukara Dekenai Haida Durudia Dalana.” Hebou vairanai idia duahiduahi namonamo diba taudia oi abidia hidi paragraf ta ta do idia duahia totona, bena idia duahia murinai henanadai be helai taudia dekenai oi henia. Nega sisina lalonai, pablisa namodia rua o toi oi henanadai henidia. Idia ese dahaka namo idia abia ma ta danu idia haroro neganai do idia hahedinaraia.
(15 min) Ruma Ta Ruma Ta Dekenai Ita Haroro. Mai moale danu inai hereva do oi henia helai taudia hagoadaia totona. Inai hereva do oi hegaegaelaia Hesiai Gaukara Karaia Totona Ita Hegaegae buka, rau 84-87 amo. Helai taudia oi hadibaia edena bamona unai idia karaia namonamo diba edia teritori dekenai, bona kongregesen be ruma ta ruma ta gaukara idia karaia ena nega oi gwauraia hedinarai danu. Oi hahedinaraia gau badana be pablisa taudia matamatadia ita durudia ruma ta ruma ta gaukara do idia karaia namonamo totona.
Ane 50 (117) bona guriguri.
AUGUST 26 AI IA MATAMAIA PURANA
Ane 115 (211)
(10 min) Kongregesen ena hadibaia herevadia.
(20 min) “Ma Haida Edia Namo Ita Tahua.” Hebou vairanai, idia duahiduahi diba namonamo taudia oi abidia hidi paragraf ta ta idia duahia totona, bena idia duahia murinai helai taudia be henanadai oi henidia.
(15 min) Iseda Orea Ena Sivarai. Bema mai dalana, blakbod dekenai mapu ta oi torea, bona oi kikilaia tanodia edia ladana oi torea hedinarai.
AUSTRIA: December lalonai, Austria dekenai pablisa taudia edia namba ia bada daekau 18,962 dekenai.
MARTINIQUE: Martinique be motumotu maragina ta North bona South America huanai. December lalonai edia pablisa taudia edia namba ia daekau 3,005 dekenai. Edia dina tamona hebouheboudia dekenai idia lao taudia be 5,410 bona bapatiso idia abia taudia be 92.
ISRAEL: Israel ena ripoti lalonai, idia gwau tuari dekenai bomu idia hamorua neganai, tadikaka haida edia ruma idia dika, to idia iboudiai amo ta ese bero ia davaria lasi.
LIBERIA: Gabu haida Liberia dekenai, ena be hekwakwanai bada idia davaria, to kongregesen pablisa taudia iboudiai edia haroro gaukara hora ena averes be 20 ia hanaia. Unai tano kahirakahira branch opesi, Sierra Leone bona Cote d’Ivoire (Ivory Coast) ese idia dekenai lalokau idia hahedinaraia; idia ese aniani, dabua, bona kohu ma haida idia siaia noho.
UKRAINE: (Ukrainian Soviet Socialist Republic) Lagani 1991 ia matamaia neganai, Ukraine dekenai Iehova ena Witness Orea be gavamani dekenai idia rejista. Unai anina be Ukraine Republic dekenai gavamani ese Iehova ena Witness taudia gwaumaoro ia henidia edia gaukara do idia karaia totona.
SOVIET UNION: (U.S.S.R.) Thursday, March 28, 1991 ai, U.S.S.R. ena country komiti taudia rua, iseda Hakaua Oreana ena memba taudia rua, bona German Branch ena tadikaka rua idia hebou Minister of Justice ena opesi dekenai. Unai neganai tadikaka dekenai pepa ta idia henia, unai pepa ia gwau U.S.S.R. dekenai Iehova ena Witness Orea ena Charter be gavamani dekenai idia rejista vadaeni. Unai anina be Soviet Union dekenai, gavamani ese Iehova ena Witness taudia edia gaukara ia koua lasi. Idia be mai edia dala kongregesen heboudia bona hebouhebou badadia idia karaia totona, buka bona magasin idia abia diba, bona danu Kingdom Hall idia abia bona sivarai namona idia harorolaia diba, taravatu lasi.
Ane 21 (15) bona guriguri.