December Ena Hesiai Hebou

December 2 ai Ia Matamaia Purana

Ane 69 (81)

(10 min) Kongregesen ena hadibaia herevadia.

(20 min) “Ruma Bese Taudia Idia Gaukara Hebou Namonamo Neganai, Namo Idia Davaria.” Elda ta ese unai hereva do ia karaia, ia be mai sibona ena natudia. Haida oi abia hidi paragraf idia duahia totona, bena unai murinai helai taudia dekenai henanadai oi henidia.

(15 min) Iseda Orea Ena Sivarai. Tadikaka ta ese henuna hereva ia kikilaia. Namona be mapu badana be blakbod dekenai ia atoa hedinarai, bona ia hahedinaraia unai tano be edeseniai idia noho.

Poland bona Hungary: May 19, 1991 dekenai, Poland ena gavamani ese Iehova ena Witness taudia edia gaukara ia ruhaia, bona ia gwau idia ese taravatu idia utua lasi. June 27, 1991 dekenai Hungary ena gavamani be unai bamona ia karaia.

Mexico: Mexico ena pablisa edia namba be hua 67 ta ta iboudiai ia bada daekau ela bona May 1991 dekenai pablisa iboudiai be 274,599. Unai be lagani gunana ena pablisa edia namba be 16 pesen amo ia habadaia. Danu, nega ginigunana edia Bible stadi ese 425,328 ia hanaia.

Spain: May ena hua lalonai, Spain ena pablisa taudia edia namba ia bada daekau ia lao 77,828, bona unai be lagani gunana ena pablisa taudia edia namba be 9 pesen amo ia habadaia. Hari hesiai laganina lalonai unai be nega namba 8 edia pablisa edia namba ia bada daekau.

Switzerland: Switzerland ena pablisa taudia edia namba ia bada daekau ia lao 17,987. Unai be nega ginigunana unai namba ia hanaia.

Zambia: May dekenai Zambia ena pablisa edia namba be nega ginigunana 70,700 ai ia bada daekau. Unai be lagani gunana ena pablisa edia namba be 9 pesen amo ia bada ia lao. Bible stadi edia namba ia bada daekau ia lao 97,743.

Faeroe Islands: Faeroe Islands [Faeroe Motumotudia] be North Atlantic [Atlantic gadobadana ena north kahana] dekenai idia noho. Unuseniai, taunimanima haida, idia be momo lasi, be mai edia goada ida kamonai taudia idia tahudia, bona nega haida idia be motumotu maragidia dekenai idia lao. Bible stadi edia namba ese hesiai lagani gunana ena Bible stadi edia namba be 39 pesen amo ia bada ia lao.

Elizabeth be hari lagani ia bapatiso. Ia be motumotu ta dekenai ia noho, unuseniai Kingdom Hall ta be lasi. Hebou dekenai ia lao totona, ia bona ma taunimanima haida be motuka bona bouti idia guia. Ia bapatiso nega sisina murinai, iena varavara ta ia gwau namona be iena hanua taudia ia haroro henidia. Ia laloa Elizabeth do ia gari dainai do ia karaia lasi. Mai ena lalo-goada ida, magasin 20 ia abia bona iena dekena taudia iboudiai ia vadivadi henidia. Ruma dekenai ia giroa mai neganai ia moale bada. Unai magasin iboudiai ia hariharilaia, rua sibona ia henia lasi. Unai nega lalonai, iena ravana taudia idia ginidae, bona unai magasin oredia rua be idia dekenai ia henia.

Ane 73 (77) bona guriguri.

December 9 ai Ia Matamaia Purana

Ane 17 (18)

(10 min) Kongregesen ena hadibaia herevadia.

(20 min) Henanadai. Bema mai dalana, namona be lo elda ta ese unai hereva ia karaia. Hereva ibounai do umui karaia totona, namona be taunimanima ta o haida ese paragraf ta ta iboudiai idia duahia bena henanadai be helai taudia dekenai oi henidia.

(15 min) Iseda Lalo-Tamona Tanobada Ibounai Dekenai Ita Dogoatao Dalana​—Edena Bamona Ia Vara? Ia lo tadikakana ta be Hesiai Gaukara Karaia Totona Ita Hegaegae bukana, rau 156, paragraf 1 bona 2, bona rau 157, paragraf 1 edia hereva be kongregesen taudia danu ia kikilaia.

Ane 35 (15) bona guriguri.

December 16 ai Ia Matamaia Purana

Ane 220 (19)

(10 min) Kongregesen ena hadibaia herevadia. Akaun ripotina. Hari wiki do idia hariharilaia Gima Kohorona bona Noga! magasin edia hereva haida oi kikilaia, unai hereva be ruma taudia danu do idia kikilaia hebou totona.

(20 min) “Sivarai Namona Harorolaia—Bible Stadi Hamatamaia, Nega Ginigunana Taunimanima Ta Oi Haroro Henia Neganai.” Hebou idia do kehoa lasi neganai, ia duahiduahi namonamo diba tauna ta oi hamaoroa hebou lalonai paragraf iboudiai do ia duahia totona. Ia duahia murinai, henanadai be helai taudia dekenai oi henidia. Paragraf 3 bona 4 edia hereva oi kikilaia murinai, oi hahedinaraia edena dala amo Mauri Hanaihanai Paradaiso Lalonai bukana eiava Lau Egu Bible Sivarai Buka bona Mauri mai Mainona Tanobada Matamatana Lalonai pepapepana ita gaukaralaia diba, taunimanima ta be nega ginigunana ita haroro henia neganai, Bible stadi do ita hamatamaia totona. Bema maoromaoro ruma tauna oi hagoadaia Bible stadi do ia hamatamaia totona, oi be mai emu dala iena ura korikori do oi diba, ia ura kamonai eiava lasi. Namona be oi hahedinaraia goevagoeva bema ruma tauna ia kamonai neganai, herevana ia ese buka o magasin ta ia abia eiava lasi, to namona be ita lou henia. Iboudiai oi hagoadaia ruma tauna be nega ginigunana idia haroro henia neganai, maoromaoro dala idia tahua Bible stadi be ia danu do idia hamatamaia totona.

(18 min) “ ‘Mauri Namona Idia Ura Henia Taudia’ Distrik Hebouhebouna Ena Hadibaia Herevadia Haida.” Tadikaka ta ese unai hereva be helai taudia danu ia kikilaia. Namona be iboudiai ia hagoadaia, hari distrik hebouhebou totona idia hegaegae.

Ane 100 (51) bona guriguri.

December 23 ai Ia Matamaia Purana

Ane 190 (107)

(10 min) Kongregesen ena hadibaia herevadia. Hari wiki lalonai do idia hariharilaia toho Gima Kohorona bona Noga! magasin edia hereva badadia haida oi kikilaia. Pablisa taudia oi hagoadaia Saturday bona Sunday dekenai haroro gaukara do idia karaia. Kongregesen ena haroro gaukara ripoti danu oi gwauraia. Henuna hereva gwauraia danu:

(20 min) “Kongregesen Ena Buka Stadi—Kahana 3.” Kongregesen Buka Stadi idia naria tadikakadia rua ese inai hereva do idia kikilaia, bona edia kongregesen durua herevadia do idia gwauraia danu. Idia hahedinaraia haroro gaukara ena hebou dekenai idia lao neganai, pablisa taudia ese idia durua heheni diba. Oi hahedinaraia haroro gaukara totona tadikaka ta ena ruma dekenai ita hebou neganai, gau badana be hemataurai ita hahedinaraia bona unai ruma ita hadikaia lasi. Danu, mai edia hebogahisi ida edia ruma idia henia taudia oi hanamoa. Nega haida, ruma idaudia idia gaukaralaia be namo, unai dainai bema tadikaka o taihu ta ia ura iena ruma idia gaukaralaia, haroro gaukara ena hebou idia karaia totona, kongregesen ena gunalaia tauna eiava haroro naria tauna ia hadibaia diba. Haroro naria taudia ese pablisa taudia idia durudia bona idia hagoadaia diba edia hesiai gaukara lalonai idia ura karaia gaudia do idia karaia diba totona.

(15 min) Kara Maoromaoro​—Namo Ia Mailaia, A? Inai hereva be Memero Kekeni bukana, karoa 22, paragraf 14-22 amo oi karaia.

Ane 38 (65) bona guriguri.