August Ena Hesiai Hebou
August 1 ai Ia Matamaia Purana
Ane 159
15 min: Kongregesen ena hadibaia herevadia. Pura vaira totona haroro gaukara oi gwauraia. Danu, hari Saturday bona Sunday lalonai haroro gaukara dekenai magasin matamatadia amo dahaka sivarai ita kikilaia diba oi gwauraia hedinarai.
15 min: “Lalohadai Maorona Ita Dogoatao Noho.” Henanadai bona haere amo oi karaia. Nega sisina lalonai, pioneer tauna eiava nega daudau pablisa gaukara ia karaia tauna ta oi henanadai henia, haroro gaukara ia karaia noho totona edena bamona lalohadai maorona ia dogoatao noho do ia hahedinaraia.
15 min: “Buklet—Gaukara Gaudia Namodia Haroro Totona.” Helai taudia dekenai sivarai oi kikilaia. Idia hegaegaelaia namonamo haheitalai rua amo paragraf dekenai idia torea kiki herevadia do idia karaia. August lalonai do ita hariharilaia buklet badadia oi hahedinaraidia. Helai taudia oi hamaorodia buklet idia abidia hegaegae hari pura lalonai do idia gaukaralaidia totona.
Ane 142 bona guriguri.
August 8 ai Ia Matamaia Purana
Ane 216
10 min: Kongregesen ena hadibaia herevadia gwauraidia.
15 min: “Emu Tadikaka Oi Diba Namonamo.” Henanadai bona haere amo oi karaia. Bema helai taudia be paragraf 6 ena heduru herevadia idia badinaia dainai heduru idia abia taunimanima idia dibaia totona, oi noidia edia ekspiriens be hereva kwagogina amo do idia kikilaia totona.
20 min: “Nega Idauidau Bona Gabu Idauidau Dekenai Ita Haroro.” Pablisa toi eiava hani be unai gaukara sibona sibona idia habadaia diba dalana idia kikilaia hebou. July 1, 1988, Gima Kohorona, rau 24-8, ena hereva amo idia kikilaia. Guna, tadikaka ese dahaka idia karaia idia gwauraia, bona idia hegaegae unai gaukara idia habadaia totona ena dala idia kikilaia. Seamani ese helai taudia iboudiai ia hagoadadia unai gaukara do idia karaia diba dalana idia laloa totona.
Ane 182 bona guriguri.
August 15 ai Ia Matamaia Purana
Ane 166
10 min: Kongregesen ena hadibaia herevadia. Akaun ripotina gwauraia bona tadikaka bona taihu ese idia henia kontribusen monina dainai, Society ena tanikiu henia herevana oi duahia.
15 min: “Lou-Henia Gaukara amo Kamonai Taudia Ita Durudia.” Inai sivarai be helai taudia ida oi kikilaia. Haheitalai rua karaia, ta ta edia nega be miniti toi. Henuna dekenai idia noho kiki herevadia idia gaukaralaia lou-henia dalana hahedinaraia totona. Baibel stadi do idia hamatamaia toho totona helai taudia oi hagoadadia.
20 min: “Hegaegae Noho Lauma Dalanai Oi Tubu Namonamo Totona—Kahana 1.” Henanadai bona haere amo oi karaia.
Ane 96 bona guriguri.
August 22 ai Ia Matamaia Purana
Ane 218
10 min: Kongregesen ena hadibaia herevadia. October lalonai heduru pioneer gaukara do idia karaia totona, tadikaka bona taihu oi hagoadadia. Unai hua lalonai Saturday bona Sunday be ima. Haheitalai amo magasin matamatadia hariharilaidia dalana oi hahedinaraia. Tadikaka bona taihu iboudiai oi hagoadadia hari Saturday bona Sunday dekenai magasin gaukara do idia karaia totona.
17 min: Edena Bamona Dirava Dekenai Do Lau Raka Kahirakahira Lao Diba? Haheitalai karaia. Ruma bese ena stadi lalonai, tama sina be edia natuna kekeni bona mero ida Memero Kekeni Edia Henanadai buka amo karoa 39 idia kikilaia. Rau 315-18 lalonai, “Dirava Oi Tura Henia Karana be Taunimanima Vairadiai Oi Gwauraia Hedinarai” ena sinado maragina henunai ia noho sivaraina idia kikilaia. Natudia idia maumau, idia gwau ruma ta ruma ta dekenai idia lao neganai idia hemarai, bona hebou dekenai hereva haida idia gwauraia loulou, bona hebou momo idia karaia dainai idia hesiku. Tama sina be mai hebogahisi danu idia durudia idia laloa namonamo totona, idia ese Baibel ena taravatu idia gwauraidia, bena unai amo natudia idia diba edia turana karana Iehova dekenai ia namo totona, haroro gaukara bona hebou karana be gau badadia.
18 min: Kekero Muramurana Inua Karana—Dahaka Dainai Ia Dika? Lagani bada elda tauna ta, kongregesen naria tauna be namo, ese kekero muramurana inua bada lasi karana ena hereva do ia henia. Society ia itaia Papua New Guinea dekenai, taunimanima momo be sibona sibona hora tamona lalonai bia kavabu 6 idia inua, tadikaka haida danu be unai idia karaia, bona unai taudia idia laloa idia inuinu bada lasi. Mani emu kara, oi hahedinaraia goevagoeva unai idia karaia be inuinu bada karana! Memero Kekeni Edia Henanadai buka, karoa 33 ena hereva badadia oi kikilaia. Unai karoa ena sivarai amo oiemu kongregesen ia durua bada herevadia oi gwauraia hedinarai.
Ane 184 bona guriguri.
August 29 ai Ia Matamaia Purana
Ane 199
13 min: Kongregesen ena hadibaia herevadia. Tadikaka bona taihu oi hagoadadia oiemu teritori namona dekenai adorahi kahanai, dina ia do diho lasi neganai, haroro gaukara do idia karaia totona. Danu, tadikaka bona taihu oi hagoadadia Saturday dinana dekenai, dala dekenai bona maketi gabudia dekenai, magasin gaukara do idia karaia totona.
Pura vairai ena Hesiai Hebou dekenai, Medical Directive pepana be bapatiso pablisa iboudiai dekenai do idia haridia. Danu, Witness tama sina iboudiai edia bapatiso lasi natuna maragidia totona, Identity Card do idia henidia. Namona be pura vairai iboudiai do idia mai hebou dekenai, unai “mai badina gaudia” do idia abia totona.—Kara 15:28, 29.
15 min: “Pioneer Gaukara Oi Karaia Lou Diba, A?” Helai taudia danu oi kikilaia. Henanadai idia noho, to bema oi ura lasi gaukaralaidia unai be ia namo. Oiemu kongregesen dekenai haida ese pioneer gaukara idia karaia lou, eiava ruma bese ta idia gaukara hebou edia ruma bese tauna ta be unai pioneer gaukara namona ia karaia diba totona ena ekspiriens oi gwauraia.
17 min: September Lalonai Mauri Hanaihanai Buka Ita Hariharilaia. Helai taudia oi hagoadadia September lalonai unai buka do idia hariharilaia goadagoada bona Baibel stadi idia hamatamaia totona. Unai buka be lagani 1983 ai idia halasia bona ia be gaukara gauna namo hereana dainai, unai negana amo ita gaukaralaia bada Baibel stadi karaia totona. Hebouhebou dekenai unai buka idia halasia neganai, idia gwau: “Inai stadi buka matamatana be namo herea taunimanima momo herea ita durudia totona, bona iseda helaro hegeregerena do idia abia totona. . . . Ia dekenai Baibel ena hereva momokani bona anina bada herevadia idia toredia, bona kamonai matamata taudia edia diba do ia habadaia bena edia mauri be Iehova dekenai idia gwauhamatalaia diba, bona iena ura hegeregerena ena hesiai gaukarana idia karaia namonamo diba.” Gabeai unai buka ena namo ia hedinarai, badina lagani 1983 ai pablisa taudia edia namba be 2,652,323, to lagani 1993 ai edia namba be 4,709,889. Bema haida ese unai buka stadilaia karana amo hereva momokani idia diba, eiava unai buka amo haida idia stadi henidia, namona be oi hamaorodia edia sivarai idia gwauraia hedinarai totona. Bema nega ia hegeregere, unai buka ena namo ma haida oi gwauraia hedinarai, hariharilaia gaukarana lalonai do ita gaukaralaia totona.
Ane 161 bona guriguri.