March Ena Hesiai Hebou

March 3 Purana

Ane 53

15 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Iboudiai hagoadaia kamonai taudia idia boiria matamaia, March 23 ai Memorial hebouna dekenai do idia mai totona. Memorial boiboi pepana hahedinaraia, bona ibounai hamaorodia haida do idia abia bona hari pura lalonai do idia hariharilaia matamaia. “Tau Hereadaena Buka Ita Stadilaia Neganai” herevalaia.

15 min: “Oiemu Ruma Bese Haginia Goada.” Henanadai bona haere. Bema inai hereva ia karaia tadikaka be English gado ia diba, 1995 Yearbook, rau 228 ena ekspiriens ia gwauraidia diba.

15 min: “Ruma Bese Durudia Mauri Namona Abia Totona.” (Paragraf 1-5) Paragraf 1 herevalaia sisina, bena Ruma Bese bukana ena karoa edia sinado bona laulau gaukaralaidia karana amo taunimanima edia lalona veria dalana hahedinaraia. Pablisa namodia rua ese paragraf 2-5 edia haroro herevadia idia haheitalaia. Iboudiai hagoadaia do idia hekwarahi guna idia kamonai ruma bese iboudiai dekenai buka do idia hariharilaia totona.

Ane 71 bona guriguri.

March 10 Purana

Ane 56

10 min: Kongregesen ena hadibaia herevadia. Akauns ripotina. Iboudiai hadibaia lou namona be March 18-​23 lalonai Memorial ena Baibel duahiduahi do idia karaia, Dina Iboudiai Buka Helaga Tahua bukana ai ia hedinarai hegeregerena.

20 min: “ ‘Tanikiu’ Karana Hahedinaraia.” Henanadai bona haere. Namona be iboudiai idia gaukara goadagoada, Baibel stadi taudia, kamonai taudia, kamonai ruma bese taudia, bona kongregesen gaukara idia goadalaia lasi tadikaka bona taihu iboudiai do ita boiria Memorial totona. Haheitalai kwadogina, Memorial boiboi pepana gaukaralaia amo pablisa ta ese kamonai tauna ia boiria Memorial totona. July 1, 1988, Watchtower, rau 11, paragraf 16-​17 herevalaia sisina. Idia hegeregere taudia ibounai hagoadaia April bona May lalonai heduru painia gaukarana do idia karaia totona.

15 min: “Ruma Bese Durudia Mauri Namona Abia Totona.” (Paragraf 6-8) Gaukara gabuna ai, sikuli ai, loaloa uma gabu ai, PMV bona peleini ai, bona varavara vadivadi henia neganai, Ruma Bese bukana hariharilaia daladia hahedinaraia. Pablisa namona ese paragraf 6 bona 7 edia haroro herevadia do ia haheitalaia. Namona be lou henia ai idia herevalaia gauna ese ruma tauna ia durua do ia diba edena bamona Baibel stadi ese ruma bese taudia edia turana karana ia hagoadaia diba. Stadi be Dirava Ia Ura Dahaka Ita Karaia? buklet amo do ita karaia, bona gabeai Diba bukana dekenai ita haidaua, eiava maoromaoro Diba bukana amo stadi ita hamatamaia diba.

Ane 72 bona guriguri.

March 17 Purana

Ane 63

15 min: Kongregesen ena hadibaia herevadia. “Memorial Ena Hereva Haida” herevalaia, bona kongregesen ese Memorial totona ia hegaegaelaia gaudia gwauraia. Namona be iboudiai idia hegaegae namonamo Baibel stadi taudia bona kamonai taudia be do idia mai diba totona.

15 min: Kongregesen ia durua herevana. Eiava elda ta ese September 15, 1996, Gima Kohorona, rau 22-4 ai ia noho herevana “Sori Oi Gwauraia be mai Anina Bada, A?” amo hereva ta ia henia.

15 min: Sikuli Buklet Gaukaralaia Namonamo. Tamana ese sinana bona sikuli dekenai idia lao natudia ida buklet ena anina ena sinado idauidau ia herevalaia. Ia hahedinaraia dahaka dainai buklet ia herevalaia gaudia be tama sina bona natudia idia diba namonamo be gau badana. (Rau 3 amo buklet idia torea ena badina duahia.) Tamana ia hadibadia edena bamona, lagani vairana ai, dina ta ta iboudiai aniani negadia ai miniti haida lalonai Sikuli buklet bona dina ena siri do idia duahia nega tamona.

Ane 75 bona guriguri.

March 24 Purana

Ane 67

9 min: Kongregesen ena hadibaia herevadia. Hadibadia April totona heduru painia aplikesen pepana idia do hahonua diba. Unai hua lalonai kongregesen ena haroro gaukarana herevalaia.

24 min: “Mai Gari Lasi Ida Lou Henia Oi Karaia.” (Paragraf 1-​19) Henanadai bona haere. Paragraf 16 haheitalaia.

12 min: Pablisa Matamata Durua Dalana. June 1996 ena Iseda Basileia Gaukara lalonai idia udaia pepana ena paragraf 19 herevalaia. Elda taudia ese bapatiso lasi pablisa ai idia halaoa Baibel stiuden tauna be pablisa namona ta ese ia durua dalana haheitalaia. Hesiai Gaukara bukana ena rau 111 ai paragraf 2 idia herevalaia hebou. Lo pablisa ese ruma-ta-ruma-ta gaukarana lalonai idia vara diba gaudia ia gwauraia, ia hahedinaraia ena be momo idia kamonai lasi to ita lalo-manoka lasi. Pablisa ese ekspiriens namona ia gwauraia edena bamona moale bada ita abia diba kamonai namonamo kudou-momokani tauna ita davaria neganai. Idia ese magasin hariharilaia herevana kwadogina idia hegaegaelaia hebou bena idia karaia toho. Hagoadaia herevadia ia gwauraia bona idia hegaegae inai pura lalonai do idia haroro hebou.

Ane 89 bona guriguri.

March 31 Purana

Ane 70

15 min: Kongregesen ena hadibaia herevadia. Kamonai taudia iboudiai be April 6 ena hereva badana dekenai umui boiria. Iboudiai hadibaia lou March ena haroro ripotina idia henia totona. April lalonai heduru painia gaukarana do idia karaia taudia edia ladadia gwauraia.

20 min: “Mai Gari Lasi Ida Lou Henia Oi Karaia.” (Paragraf 20-​34) Henanadai bona haere. Rau 3 ena maua herevalaia. Iboudiai hagoadaia hua ta ta lou henia iboudiai be edia haroro ripotina lalonai idia atoa.

10 min: April Ena Henia Gauna Herevalaia. Gima Kohorona ena sabskripsen hariharilaia. Paragraf 3, 4, bona 8, October 1996 Iseda Basileia Gaukara pepana ena rau 4 dekenai, magasin hariharilaia herevadia ita hegaegaelaia dalana gwauraia sisina. Pablisa rua ese haroro hereva kwadogina tamona o rua idia haheitalaia. Pablisa ese magasin idia abia taudia edia ladana idia torea bona idia dekenai danu magasin do idia abia lao loulou be namo.

Ane 92 bona guriguri.