Hadibaia Hereva

◼ March ena henia gauna: Diba ese Mauri Dekenai Ita Ia Hakaua Lao bukana, ena davana be K2.00. Do ita gaukara goada Baibel stadi hamatamaia totona. April Bona May: Gima Kohorona bona Awake! sabskripsen. Namona be Dahaka Ita Karaia? buklet oi abia hegaegae kamonai taudia totona, bona ita gaukara goada Baibel stadi ita hamatamaia totona. June: Diba ese Mauri Dekenai Ita Ia Hakaua Lao bukana. July: Inai buklet ta: Dirava ese Ita Ia Laloa Eiava?, Inai Gavamani ese Paradaiso Do Ia Mailaia, “Itaia! Lau ese Gau Iboudiai Lau Hamatamataia,” Mauri Ena Anina be Dahaka?, Mauri Hanaihanai Tanobada Dekenai Oi Abia!, Oiemu Lalokau Tauna ta Ia Mase Neganai, Toi Tamona Oi Abia Dae be Namo, Eiava?, Ita Mase Neganai Dahaka Ia Vara Ita Dekenai?

◼ Idia ura April bona May lalonai heduru painia gaukara do idia karaia pablisa taudia be hari palani idia karaia be namo bona edia aplikeisen pepana idia atoa vareai haraga. Unai ese elda taudia do ia durua haroro gaukara negadia idia hegaegaelaia totona bona idia hegaegae diba magasin bona buka edia momo be do idia hegeregere totona. Heduru painia gaukara totona idia abia dae taudia iboudiai edia ladana be kongregesen dekenai idia hadibaia be namo.

◼ Kongregesen gunalaia tauna eiava ia abia hidi tadikaka ta ese kongregesen ena akaun do ia sekea March 1 ai eiava karaharaga unai dina murinai. Bena unai idia karaia murinai kongregesen do idia hadibaia.

◼ Memorial be Thursday, April 1, 1999 ai do ita karaia. Bema emui kongregesen be vaia Thursday ai hebou ta idia karaia, unai hebou be dina ma ta ai do umui karaia, kongregesen ma ta ese Kingdom Hall idia gaukaralaia lasi negana ai. Bema unai bamona umui karaia diba lasi, emu kongregesen idia durua bada herevadia be, Hesiai Hebou ma ta lalonai umui karaia diba.

◼ MAI ANINA BADA: March 1, 1999 ai IBSA Buka Edia Lista matamatana mai ena davana matamatadia do ita gaukaralaia matamaia. Mani emui kara Lista gunadia do umui negea. Brens Opesi ese kongregesen dekenai idia noho buka bona magasin edia davana idia haidaua totona, kongregesen ta ta dekenai Buka Edia Lista fom toi do idia siaia. Kongregesen ena seketere be February lalonai buka ia naria tadikakana ida ia herevahereva bona deiti idia makaia vadaeni, February 28, 1999 ai, kongregesen dekenai idia do noho buka ibounai (mai edia taravatu bukadia lasi) do idia duahia totona. Edia namba be Buka Edia Lista fom dekenai do idia torea bona March 15, 1999 ia do ginidae lasi neganai Brens Opesi dekenai do idia siaia lao. Kopi ta do umui dogoatao emui faila totona. Kopi ihatoina be buka umui duahia neganai umui gaukaralaia diba. Seketere ese duahia gaukarana do ia naria, bona kongregesen gunalaia tauna ese idia torea haorea pepana do ia sekea. Idia ruaosi ese unai fom do idia sainia.

◼ LALOATAO: Gima Kohorona bona Awake! magasin ta ta edia davana do idia daekau 50 toea dekenai. March 1, 1999 Gima Kohorona bona March 8, 1999 Awake! amo do ita hamatamaia. Hua tamona lalonai nega rua idia halasia magasin ena lagani tamona sabskripsen ena davana be do ia daekau lao K12.00, bona hua 6 ena sabskripsen ena davana do ia daekau lao K6.00. (Hua tamona lalonai nega tamona idia halasia magasin totona hua 6 sabskripsen be lasi.) Peleini amo idia mai sabskripsen ena davana, bona painia taudia edia sabskripsen ena davana umui abia totona, mani lagani 1999 ena Buka Edia Lista do umui itaia.

◼ Kongregesen ibounai ai hadibaia Papua New Guinea Building Committee be hari ia noho lasi kongregesen edia Kingdom Hall haginia gaukara durua totona. Unai dainai, edia Kingdom Hall haginia gaukara totona, kongregesen be maoromaoro Kingdom Hall Desk, Brens Opesi dekenai revareva do idia siaia.

◼ Solomon Islands Pidgin gado ai, Awake! magasin be lagani tamona lalonai nega hani do idia halasia matamaia, January-March 1999 gauna amo do idia hamatamaia.