Ripoti Oi Henia, A?

Dahaka ripoti oi henia be namo? Oiemu haroro gaukara ena ripoti. Bema ita laloa hua ta ta iboudiai haroro gaukara ita karaia be namo, gau badana be hua dokona ai ripoti ita henia haraga danu. Namona be seketere​—eiava kongregesen ena ripoti ia naria tadikakana​—ese ripoti ia haboua bona hua gabena ena dina namba 6 ai do ia siaia lao brens opesi dekenai. To madi, gabu haida amo ripoti abidia totona ai do hekwarahi noho. Unai dainai, nega haida Iseda Basileia Gaukara pepana lalonai hua ta ta ena haroro gaukara ripotina idia torea neganai pablisa edia namba idia idau momokani. Unai gauna hamaoromaoroa totona oiemu kahana do oi karaia bona hua ta ta iboudiai emu ripoti do oi henia, a? Ai ura unai bamona do oi karaia.

This article is unique to PNG.