June Ena Hesiai Hebou
June 7 Purana
Ane 45
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Orea Ena Sivarai.
15 min: “Iehova ese Ita Ia Hadibaia.” Miniti tamona bamona lalonai, hamatamaia herevana kwadogina karaia, bena henanadai bona haere dalanai umui herevalaia. Helai taudia oi noia Haroro Sikuli, Painia Gaukara Sikuli, Basileia Hesiai Gaukara Ena Sikuli, bona unai bamona sikuli amo idia abia hahenamo idauidau idia herevalaia totona. Oi hahedinaraia edena bamona unai sikuli idauidau ese Iehova ena taunimanima ia durudia haroro gaukara idia karaia namonamo totona.
20 min: “Emu Nega Oi Gaukaralaia Namonamo.” Kongregesen Buka Stadi ia naria tauna bona idia lo pablisa ta eiava rua idia herevahereva hebou, edena bamona edia nega idia haria namonamo bena unai amo edia hesiai gaukara idia karaia badabada diba idia herevalaia. Idia hahedinaraia ia heau namonamo sediual be mai anina bada bona idia hahedinaraia ita be mai eda sediual be namo. Idia hahedinaraia edena bamona nega idia haorea kava gaudia hegeregere, nega korikori ai gaukara idia hamatamaia lasi, idia hegaegae namonamo guna lasi, eiava idia haroro negana lalonai edia ura gaudia idia kikilaia karadia idia dadaraia. Emu gabu ena noho dalana hegeregerena ai, nega idia gaukaralaia namonamo diba dala namodia oi gwauraia.
Ane 48 bona guriguri.
June 14 Purana
Ane 63
10 min: Kongregesen ena hadibaia herevadia. Akaun ripotina.
17 min: Kongregesen durua herevana. Eiava February 15, 1999, Gima Kohorona, rau 9-12 ena hereva “Mai Lalo-Tamona ida Dirava Idia Hesiai Henia Ruma Bese Badadia” oi herevalaia.
18 min: “July Ia Lao September Lalonai Daudau Teritori Do Ita Lao Henidia.” Hereva ta, helai taudia ida kikilaia. Ibounai hagoadaia unai hua lalodiai edia gaukara do idia habadaia. Oi hahedinaraia goevagoeva namona be do ita hariharilaia buka bona magasin do idia abidia hegaegae be namo. Namona be pablisa taudia idia hegaegae danu kontribusen moni sisina idia henia motuka ena davana totona unai amo ma haida do ita hametaua lasi.
Ane 53 bona guriguri.
June 21 Purana
Ane 72
10 min: Kongregesen ena hadibaia herevadia.
17 min: Vidio Bona Drama Kaset Teipi Gaukaralaidia Namonamo. Hari Society ese vidio kaset ibounai 10 bona drama kaset teipi 11 ia halasia English gado ai. Oi bona emu ruma bese be unai vidio bona kaset teipi ta ta ibounai umui itaia eiava umui kamonaia vadaeni, a? Kaset haida edia ladana oi gwauraia hedinarai, oi hahedinaraia edena bamona unai kaset idauidau ese iseda Baibel duahiduahi karana ia hanamoa, lauma dalanai ita idia hagoadaia, bona edena bamona unai kaset idauidau ese ma haida dekenai hereva momokani idia hadibaia. Unai kaset teipi rua eiava toi edia hereva haida oi gadaralaia sisina. Helai taudia oi nanadaidia idia hahedinaraia edena vidio eiava drama kaset teipi ese edia ruma bese ia hagoadaia bada eiava kamonai matamata taudia ia veria mai Iehova ena orea dekenai. Idia vara gau namodia edia sivarai haida oi gwauraia. Lau Egu Bible Sivarai Buka ena kaset teipi dainai idia vara ekspiriens haida gwauraia. (Lagani 1999 Yearbook, rau 51-2 itaia.) Ibounai hagoadaia idia davaria nega namona ai unai vidio bona kaset teipi idia gaukaralaidia namonamo.
18 min: “Oi be Ta Ena Toana Oi Laloa, A?” Hereva oi henia bona helai taudia ida oi kikilaia. Oi hahedinaraia dahaka dainai namo lasi ta ena toana dainai karaharaga lalohadai idauna ta ita abia. Nega sisina lalonai, Iehova ese Iona ia hadibaia gauna oi herevalaia. Iona be iena matana ai idia be anina lasi taudia ia hahemaoro henidia kerere tauna. (August 15, 1997, Gima Kohorona, rau 22, par. 17-19 itaia.) Helai taudia oi noia teritori lalonai idia davaria taudia idauidau idia herevalaidia totona, bena edena bamona idia ese laloa goada karana idia dekenai idia hahedinaraia bona hahemaoro gaukarana be Iehova ena imana dekenai idia atoa.
Ane 77 bona guriguri.
June 28 Purana
Ane 85
12 min: Kongregesen ena hadibaia herevadia. Iboudiai hadibaia lou June ena haroro ripotina idia henia totona. July ena henia gauna herevalaia lou. Kongregesen dekenai idia noho buklet idauidau oi hahedinaraia, bona iseda haroro gaukara lalonai ita gaukaralaia diba hereva namona ta eiava rua oi herevalaia. Idia hegaegaelaia namonamo haheitalaina ta karaia.
13 min: Dahaka Dainai Iehova ese Ena Taunimanima Dagedage Henia Karana Ia Koua Lasi? Elda ta ese unai hereva do ia henia, November 1, 1986, Gima Kohorona, rau 16-18, paragraf 1-7 amo. Iesu ia peroveta hegeregerena, ita be ‘bese ibounai ese idia badu henia.’ (Mat. 24:9) Reana haroro gaukara lalonai, iseda murimuri varavara ida ita hebamo neganai, eiava Witness lasi taudia ida gaukara gabunai eiava sikuli dekenai ita noho neganai dagedage ita davaria. Dala maorona ai, hereva ia henia tauna ese ia hahedinaraia namonamo dahaka dainai Iehova ese unai dagedage karana ia koua lasi bona edena bamona iseda haheauka karana ese hahenamo idauidau do ia mailaia.
20 min: Taunimanima Idia Noho Gabudia Dekenai Umui Lao! July 1997 Iseda Basileia Gaukara pepana dekenai ia noho herevana, “Taunimanima Idia Noho Gabudia Dekenai Haroro,” bona June 15, 1998, Gima Kohorona, rau 19-21, paragraf 10-19, amo hereva ta henia. Hanaihanai ruma-ta-ruma-ta haroro gaukarana ita karaia be namo, to namona be dala idauidau ita tahua haroro totona—nega idauidau ai bona gabu idauidau ai. Iseda Basileia Gaukara pepana bona Gima Kohorona lalonai, edena bamona haida be basi lalonai, dala ai eiava kone ai idia raka neganai, motuka lalonai idia helai taudia idia hereva henidia neganai, PMV gabuna, telefon amo, bona revareva amo haroro gaukara idia karaia neganai anina namona idia davaria edia ekspiriens haida oi gwauraia. Bema nega ia hegeregere, helai taudia oi noia edia ekspiriens idia gwauraia totona. Ibounai oi hagoadaia dala ia kehoa neganai, gabu iboudiai dekenai idia davaria taudia do idia haroro henidia.
Ane 75 bona guriguri.