Hadibaia Hereva

◼ January Bona February edia henia gauna: Lagani 1986 vairanai idia halasia rau 192 bukadia, eiava Mauri Hanaihanai Tanobada Paradaiso Lalonai bukana. March: Diba ese Mauri Dekenai Ita Ia Hakaua Lao bukana. Ita hekwarahi bada be namo Baibel stadi ita hamatamaia totona. April Bona May: Gima Kohorona bona Awake! edia kopi ta ta hariharilaia. Namona be Dahaka Ita Karaia? buklet oi abia hegaegae kamonai taudia totona, bona ita gaukara goada Baibel stadi ita hamatamaia totona.

◼ February lalonai, bona March 5 ia do abia lasi neganai, sekit naria taudia ese idia henia matamaia pablik tok matamatana ena ladana be “Aramagedono Korikorina​​—Dahaka Dainai? Edena Negai?”

◼ Namona be kongregesen idia hegaegae inai lagani ai, Wednesday, April 19, dina ia diho murinai, Memorial do idia karaia. Ena be tok do umui hamatamaia haraga diba, to paraoa bona uaina do umui henia lasi ela bona dina ia diho murinai. Ena be kongregesen ta ta be edia Memorial hebouna do idia karaia, to reana unai be hegeregere lasi. Bema kongregesen momo be Kingdom Hall tamona idia gaukaralaia, reana kongregesen ta eiava haida ese unai adorahi ai gabu ma ta idia gaukaralaia diba. Bema ia hegeregere, namona be unai hebou ta ta huanai miniti 40 bamona idia noho vadivadi taudia hanamoa bona kamonai matamata taudia hagoadaia totona, unai amo ibounai ese unai hebou amo namo do idia abia diba. Namona be motuka vareai dalana bona atoa gabuna bona motuka guia bona rakatania gabudia umui laloa namonamo guna, hekwakwanai idia vara lasi totona. Namona be kongregesen ena elda oreana ese taunimanima durua daladia do idia abia hidi.

◼ Henunai ia noho lagani 2000 ena siri badana be hari Kingdom Hall ibounai dekenai ia noho vadaeni be namo. ‘Ita be raka siri taudia lasi, to ita be abidadama taudia.’​—Heberu 10:39.

◼ Buka ena oda idia naria tadikaka ai hadibaia idia oda gaudia be kongregesen ena oda davaria pepadia dekenai inai hereva “Gabeai Do Idia Siaia” idia itaia neganai, unai gaudia do idia oda lou lasi be namo. Bema unai idia karaia lou anina be oda idia karaia nega rua.

◼ Lagani 2000 ena Memorial negana ena pablik tok badana be Sunday, April 16, ai do idia henia. Hereva ena sinado be “Dahaka Dainai Mauri Davalaia Boubouna be mai Anina Bada Taunimanima Dekenai?” Autlain do ai siaia. Bema unai pura lalona sekit naria tauna ia vadivadi, eiava sekit hebouhebou, o dina tamona hebouhebou umui karaia, pura gabeai pablik tok badana umui karaia diba. April 16, 2000, ia do ginidae lasi neganai, kongregesen ta ese unai pablik tok badana do idia karaia lasi.

◼ Lagani 2000 ena fom be kongregesen bona grup ibounai dekenai do idia siaia. Unai fom idauidau do idia noho mauana latanai inai hereva “Seketere ese Do Ia Kehoa” do idia torea. Lista ta bona hadibaia herevadia be maua ta ta lalonai do idia noho. Namona be seketere ia itaia, unai fom idauidau be edia gaukara korikori totona idia gaukaralaia.

◼ Society ese hari Buk Baibel​—kopina manokana, korema gauna​—be do idia siaia lasi. Gabu ma haida amo umui hoia be namo.

◼ Umui Abia Diba Gau Matamatana:

Lagani 2000 kalenda​—English

◼ Umui Abia Lou Diba Gauna:

T-23 Iehova​—Ia be Daika?​—English