Hesiai Hebou Ena Sediual

January 10 Purana

Ane 107

10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.

15 min: “Tanobada Ibounai Dekenai Iehova Ena Ladana Hahedinaraia.” Henanadai bona haere amo oi karaia. Hesiai Gaukara Karaia bukana ena rau 94-5 amo hereva haida nega bona gabu idauidau ai haroro gaukarana oi herevalaia danu.

20 min: Hari Ita Hegaegae Dirava Ena Taravatu Rara Dekenai Ita Abia Isi Totona. Lo elda ta ese Advance Medical Directive/Release kadi ita hahonua be mai anina bada do ia herevalaia. Lauma helaga ena siahu amo idia torea herevana Salamo 19:7 dekenai ia hahedinaraia Kara 15:​28, 29 be Dirava ese ia gwauraia taravatu namo hereana rara dekenai. Dirava idia badinaia bona tomadiho henia taudia ese unai taravatu idia badinaia noho. Unai pepa ese emu lalohadai do ia hahedinaraia bema oi hereva diba lasi. (Aonega Herevadia 22:3 itaia.) Kadi matamata ese rara oi dadaraia bona do oi abia lasi herevana ia gwauraia hedinarai lou. Hebou murinai, bapatiso vadaeni Witnes taudia ese kadi matamata do idia abia, bona idia do bapatiso lasi natudia ta ta totona Identity kadi do idia abia. Buka stadi naria tauna ese ia naria lalonai, unai kadi do idia hahonua namonamo. Unai dala amo buka stadi ia naria tauna do ia itaia iena grup lalonai kadi idia ura hahonua taudia ibounai be heduru idia abia diba. Bema mai dalana, maoromaoro hebou murinai idia karaia. Namona be uitnesi totona edia ladana do idia sainia taudia be kadi biaguna ese ia sainia bona deit ia torea karana do idia itaia. Reana unai hebou murinai iboudiai ese edia kadi idia do hahonua namonamo bona idia do sainia lasi, badina heduru idia tahua taudia be momo bona ma haida be hebou dekenai idia mai lasi dainai. Buka stadi naria taudia/elda taudia ese dina ma haida lalonai, heduru idia tahua bapatiso pablisa taudia iboudiai do idia durua ela bona unai kadi hahonua gaukarana ia ore. Namona be buka stadi naria taudia ta ta ese edia grup taudia edia lista ta idia karaia, bena do idia diba bema ibounai ese edia Advance Medical Directive/Release kadi idia hahonua vadaeni eiava lasi. Bapatiso lasi pablisa ese unai kadi ena hereva idia gaukaralaia diba, sibodia edia noho dalana bona lalohadai idia gwauraia hedinarai totona, bona idia edia natudia edia pepa idia torea diba.

Ane 155 bona guriguri.

January 17 Purana

Ane 12

8 min: Kongregesen ena hadibaia herevadia. Akaun ripotina.

17 min: “Dirava Ena Peroveta Herevadia Ibounai Do Idia Vara Momokani!” Miniti tamona lalonai hamatamaia hereva kwadogina gwauraia, bena henanadai bona haere dalanai karaia.

20 min: “Pepapepa Idauidau Gaukaralaia Hereva Hamatamaia Totona.” Teritori lalonai idia gaukaralaia momo pepapepa hani riviulaia. Unai pepapepa ta ta idia haerelaia henanadai oi gwauraidia. Helai taudia oi noia, unai henanadai be edena bamona idia gaukaralaia diba hereva idia hamatamaia totona bona Baibel stadi idia karaia totona. Pepapepa rua amo unai idia karaia diba dalana hahedinaraia.

Ane 57 bona guriguri.

January 24 Purana

Ane 110

10 min: Kongregesen ena hadibaia herevadia bona haroro gaukara lalonai idia davaria ekspiriens.

15 min: “Dina Iboudiai Iehova Ena Hereva Oi Tahua!” Hereva oi henia bona helai taudia ida oi kikilaia. Ibounai oi hagoadaia Lagani 2000​—Dina Iboudiai Buka Helaga Tahua buklet idia gaukaralaia namonamo totona. Ena rau 3-4 ai ia noho hamatamaia herevana amo hereva haida gwauraia. Pablisa taudia oi noia do idia hahedinaraia edena dala ai idia hekwarahi dina ta ta ibounai dina ena siri bona ena hereva haida idia itaia totona.

20 min: Kongregesen durua herevana. Eiava February 8, 1999 ena Awake! ena rau 10 amo hereva ladana “Should the Dead Be Honored?” herevalaia. Emui noho gabuna dekenai idia karaia momo kastom karadia oi herevalaia.

Ane 157 bona guriguri.

January 31 Purana

Ane 16

10 min: Kongregesen ena hadibaia herevadia. Ibounai hagoadaia January ena haroro ripoti idia henia totona. February ena henia gauna gwauraia: Mauri Hanaihanai bukana. Oi hahedinaraia unai buka ena rau 238 ena paragraf ginigunadia toi be edena dala ai oi gaukaralaia diba ta ida herevahereva oi hamatamaia totona.

17 min: ‘Makaia’ Karana Ena Henanadai Ena Haere. Elda ta ese Gima Kohorona, July 15, 1999 gauna ena rau 29-​31 amo unai hereva do ia henia.

18 min: Tomadiho Momokanina Idia Diba Totona Haida Oi Durua Dalana. Hesiai tauna namona ta bona idia hegeregere vadaeni pablisa rua eiava toi idia herevahereva edena dala ai haida be Iehova ena Witnes taudia idia laloa bada, to tomadiho ma haida bona iseda tomadiho edia idau idia lalo-pararalaia goevagoeva lasi. Buka Helaga Herevalaia bukana ena rau 414-15 ena hereva badadia 7 riviulaia. Oi hahedinaraia, unai gaudia dibaia karana ese kudou-maoro taudia ia durua bena idia diba tomadiho koikoi bona momokani edia toana be dahaka, bona idia diba Iehova ena taunimanima amo diba idia abia bona idia bamodia be gau badana.

Ane 60 bona guriguri.

February 7 Purana

Ane 113

8 min: Kongregesen ena hadibaia herevadia.

17 min: “Emu Natuna Oi Durua Iehova Do Ia Abia Hidi Totona, A?” hereva ta October 1, 1994, Gima Kohorona, rau 26-​30 amo.

20 min: Abia Hidi Namona Idia Karaia. Inai hereva be October 15, 1997 ena Gima Kohorona, rau 19-​21, paragraf 3-​16 amo. Painia gaukara idia karaia taudia edia hereva gwauraia, oi hahedinaraia dahaka dainai idia laloa edia mauri be ahuna namona bona namo bada ia havaraia dalanai idia gaukaralaia. Idia noho taudia ibounai oi hagoadaia painia gaukara idia karaia dalana idia laloa totona.

Ane 182 bona guriguri.