Haroro Sikuli Ena Henanadai

Haroro Sikuli ena henanadai January 3 ia lao April 17, 2000, edia wiki herevadia dekenai. Henanadai negana lalonai henanadai edia haere be ma pepa ta dekenai oi torea.

[Itaia: Henanadai negana lalonai, Baibel sibona oi gaukaralaia haere oi tahua totona. Henanadai murinai ai torea stadi gaudia be oi sibona emu stadi karaia totona. Gima Kohorona edia amo ai abia hereva haida edia rau bona paragraf namba ai torea lasi.]

Henuna hereva oi gwauraia Momokani eiava Koikoi:

1. Nega haida Iehova ena hahenamo ita do abia lasi neganai ita naria be namo, badina Iehova be iseda noho dalana ia diba bona iseda dabu gauna be nega maorona ai do ia henia. (Sal. 145:16; Iam. 1:17) [1, w98 1/1 rau 23 par. 6] Momokani.

2. Israela taudia idia kwalimu lasi gwauhamata mauana ia noho sibona dainai. Unai maua idia dogoatao taudia be lauma dalana ai idia goada bona mai abidadama danu idia kamonai neganai Iehova ese hahenamo ia henidia. (Ios., kar. 7) [10, Wiki ta ta ena Baibel duahiduahi; it-1-E rau 167 par. 2 itaia.] Momokani.

3. Hari inai negai Iehova ena hereva ita duahia sibona dainai lauma dalanai ita mauri diba. (Deut. 8:3) [2, Wiki ta ta ena Baibel duahiduahi; w86 rau 19 par. 15, rau 20 par. 17 itaia.] Koikoi. Deuteronomi 8:3 ena badina siridia ese idia hahedinaraia Dirava ena ura ita karaia be namo bena Iehova be ita ia kara henia dalana bona ita totona ia karaia karadia ena namo ita davaria diba. (Mani Salamo 34:8; Ioane 4:34 itaia.)

4. Deuteronomi 23:20 dekenai Mose ena Taravatu ena hakaua herevana ese ia hahedinaraia bema Keristani tauna be henia torehai monina dekenai atoa kau monina danu ia atoa be lalokau dalana lasi. [5, Wiki ta ta ena Baibel duahiduahi; it-1-E rau 1212 par. 5; it-2-E rau 259 par. 11; w87 7/1 rau 12 par. 9 itaia.] Koikoi. Bisinesi totona moni ita henia torehai neganai atoa kau monina ita noia danu be kerere lasi.

5. Iosua bona Kaleba be mai helaro sivaraina idia gwauraia badina idia laloa momokani Israela taudia be mai edia goada bona ura bada Gwauhamata Tanona vareai dalana idia koua karadia ibounai idia hanaia totona. (Num. 13:30) [6, w98 2/1 rau 5 par. 4] Koikoi. Edia lalohadai bona edia ripoti ese idia hahedinaraia idia diba momokani Iehova be mai ena siahu iena hereva, Gwauhamata Tanona do ia henidia, ia hagugurua totona.

6. Paulo be 1 Timoteo ai “harihari gauna” ia herevalaia neganai, Timoteo be lauma helaga ese ia horoa karana bona guba dekenai do ia abia ahuna ia herevalaia. (1 Tim. 4:14) [11, w98 2/15 rau 25 par. 1] Koikoi. Unai karoa lalonai siri 13 bona 16 idia hahedinaraia Paulo ese Timoteo ia hamaoroa iena hesiai gaukara ia laloaboio lasi bona dala maorona ai ia naria be namo.

7. Iosua bukana lalonai Basileia Garana ena sene taudia edia anina bada sivarai ta ia noho lasi. [14, si Apr. 3 par. 24] Koikoi. Mataio 1:5 ese ia hahedinaraia Rahaba, Iosua bukana ese ia herevalaia hahinena, be Iesu Keriso ena tubuna hahine ta ai ia lao.

8. Gunalaia Taudia bukana lalonai, king taudia edia nega ia do mai lasi neganai, Israela taudia ese idia abia hidi lohia taudia edia sivarai ia noho. [15, si Apr. 10 par. 2] Koikoi. Iehova ese unai tatau ia abia hidi iena bese taudia be idau besedia edia igui hesiai amo ia ruhaia totona.

9. Gunalaia Taudia 6:​37-39 dekenai, Gideona ena noinoi ia hahedinaraia ia naria bona ia gari momo. [16, Wiki ta ta ena Baibel duahiduahi; w88-E 4/1 rau 30 par. 6 itaia.] Koikoi. Gideona ia ura diba bema iena lalohadai be maoro. Ia dekenai Dirava ese ia torea Hereva ia noho lasi, ita dekenai ia noho bamona, vadaeni iena noinoi amo ia hamomokania diba.

10. Iena hahediba taudia ia hadibaia ‘dala dekenai tau ta do idia hereva henia lasi’ neganai, Iesu ia hahedinaraia haroro gaukara idia karaia mai karaharaga lalohadaina ida be namo bona mai edia lalona ibounai ida unai anina bada gaukarana idia karaia be namo. (Luka 10:4) [16, w98 3/1 rau 30 par. 5] Momokani.

Henuna henanadai oi haerelaidia:

11. Dahaka dainai Iehova ena hereva be tama sina edia kudouna dekenai ia noho be gau badana? (Deut. 6:​5, 6) [1, Wiki ta ta ena Baibel duahiduahi; w98 6/1 rau 20 par. 4 itaia.] Unai neganai sibona Iehova ena hereva be edia natudia dekenai do idia hadibaia goada diba. (Deut. 6:7; 11:19)

12. Ruma bese kwarana be edena dala ai Deuteronomi 11:​18, 19 ena hahegani ia badinaia diba? [3, Wiki ta ta ena Baibel duahiduahi; fy rau 70 par. 14 itaia.] Namona be hanaihanai ia gima noho iena bese taudia be lauma dalanai ia hagoadadia totona, bona famili stadi neganai sibona lasi to ma nega haida ai danu mai anina bada herevadia lauma dalanai ia hadibadia ia laloa be namo.

13. Baibel be edena bamona ia hahedinaraia heau boio hesiai tauna Onesimo be nega sisina daudau aposetolo Paulo ida ia noho bena Paulo be Filemona ia tore henia? [4, w98 1/15 rau 30 par. 2] Onesimo be nega sisina daudau Paulo ida ia noho dainai Paulo ese ia gwauraia diba “varavara namona ta . . . aiemai lalokau” tauna. (Kol. 4:9)

14. Kara gageva ita itaia eiava ita davaria neganai, dahaka ita karaia diba bena daradoko eiava helaro lasi lalohadaina do ita abia lasi? [6, w98 2/1 rau 6 par. 2-3] Namona be ita laloa Dirava ena nega maorona ai ia ese kara dika taudia panisi do ia henia; danu, kara namo ita karaia noho bona Iehova ita naria noho diba, badina “iena abidadama taudia, be ia ese do ia rakatania lasi.” (Sal. 37:​28, 29)

15. Iosua bona Gideona be edena bamona idia hahedinaraia Dirava ena taravatu idia matauraia bada? (Deut. 20:​8, 15-18) [8, si Feb. 21 par. 32] Iosua be kamonai karana ia haheitalaia namo herea badina Gwauhamata Tanona dekenai ia kwalimu neganai kohu ia abia lasi (Ios. 8:​24-27); Gideona be Taravatu ia badinaia dainai iena ami amo gari taudia ia kokia. (Gun. 7:​1-11)

16. Edena dala ai Iosua 10:​10-14 dekenai ia herevalaia gaudia be Aramagedono neganai do idia vara diba gaudia hegeregerena? [11, Wiki ta ta ena Baibel duahiduahi; w87 1/1 rau 25 par. 12–​rau 26 par. 14 itaia.] Basileia bona ena durua taudia idia inai henia besedia ibounai be Iehova ese do ia hadikaia ore, badina idia dekenai daradara do ia havaraia iena tuari oreadia ia siaia neganai; danu, ia ese hoa karadia amo tanobada bona guba siahudia do ia gaukaralaia tuari dekenai.

17. Lalo-momokani hanamoa hereva be ta ena kara namo dainai ita gwauraia neganai edena bamona kara namodia toi ita havaraia diba? (Aonega Hereva 15:23 itaia.) [5, w98 2/1 rau 31 par. 5-6.] Unai ese lalokau bona hahegoada heheni karana ia havaraia. Ita ia hagoadaia mai anina bada gaudia tahua totona. Ita ia doria ita gaukara bada totona. Reana ita ia durua iseda kara ita hanamoa totona badina ma haida idia ura henia kara namodia ita karaia toho.

18. Iosua 20:4 ena hereva hegeregerena, edena bamona ta be heau mauri gabuna badana dekenai ia heau diba? [13, Wiki ta ta ena Baibel duahiduahi; w87 1/1 rau 26 par. 16 itaia.] Ta ia heau mauri diba bema dala ia tahua Dirava vairanai ena lalona ena mamina ia namo totona; anina be iena kara dika ia gwauraia hedinarai, ia helalo-kerehai, iena kara dika ia rakatania, Dirava dekenai ia gwauhamata karaia, bona ranu bapatisona ia abia.

19. Ena be nega haida peroveta taudia edia hereva idia guguru, to Deuteronomi 13:​1-4 be edena dala ai ia hahedinaraia idia be peroveta taudia korikoridia lasi? [16, rs rau 332] Bema peroveta tauna ta ena hereva be Dirava ena ura, ia gwauraia hedinarai vadaeni urana, hegeregerena lasi, bona tomadiho momokani ia durua lasi, iena hereva be Iehova ena amo lasi.

20. Edena dala ai ita hahedinaraia Gunalaia Taudia 7:21 ena hereva “idia ta ta edia gabu, edia gabu dekenai idia gini” ena hakaua herevana ita laloa bada? [16, Wiki ta ta ena Baibel duahiduahi; w82-E 6/1 rau 25 par. 17 itaia.] Iehova ena orea lalonai hesiai gaukara ita karaia neganai, namona be ita ia henia gaukarana ita karaia mai moale ida bona ita karaia namonamo.

Henuna herevadia dekenai idia torea lasi herevadia oi torea:

21. Iehova ena amo hahenamo momo ita davaria totona, namona be hanaihanai Baibel ita stadilaia bona Iehova ita noia ita do ia durua, Iena lauma amo ia havaraia hadibaia herevadia iena Hereva lalonai ita lalo-pararalaia bona ita badinaia. (1 Tim. 4:​8, 9) [1, w98 1/1 rau 24 par. 6]

22. Iehova be hanamoa koikoi herevadia dekenai ia badu badina ia gwauraia tauna be sibona ena ura ia tahua dainai, bona ia be hereva momokani lasi to koikoi, bona danu unai be lalokau karana lasi. [5, w98 2/1 rau 30 par. 2-3]

23. Iosua ena ladana ena anina be “Iehova be Hahemauri,” bona ia be peroveta dalanai Iesu ia laulaulaia. [9, si Feb. 28 par. 5]

24. Mataio 7:​24-27 ai Iesu ena parabole hegeregerena, aonega tama sina be edia natudia dekenai diba maoromaoro bona lalo-parara idia henia neganai idia durudia diba lai gubana bamona hetoho dekenai idia gini goada totona. [10, w98 2/15 rau 9 par. 1]

25. Gunalaia Taudia bukana ena histori sivaraina ese Iosua ena mase amo ia lao Samuela ena nega ia herevalaia, unai be lagani 330 bamona. [15, si Apr. 10 par. 5]

Henuna herevadia dekenai haere maorona oi abia hidi:

26. Mase murinai iseda kohu gaukaralaia dalana ita hegaegaelaia karana be (kongregesen gauna; ta ese sibona ia abia hidi gauna; Keristani taudia momokanidia edia maduna ta). (Gal. 6:5) [3, w98 1/15 rau 19 par. 6]

27. Paulo ese Filemona ia hagoadaia mai hebogahisi ida (Onama; Onesiporo; Onesimo) ia abia dae totona, to iena aposetolo dagina ena siahu ia gaukaralaia lasi Filemona ia hagania unai bamona ia karaia eiava iena hesiai tauna ia ruhaia totona. (Filem. 21) [4, w98 1/15 rau 31 par. 1]

28. Iesu ese ia hanamoa lepera gorere taudia edia sivarai dekenai ia hedinarai edia kerere bada be edia (abidadama lasi karana; kamonai lasi karana; tanikiu karana idia hahedinaraia lasi). (Luka 17:​11-19) [7, w98 2/15 rau 5 par. 1]

29. Dirava ese Rahaba ena kara dekenai ia moale dainai, Israela ena spai taudia idia tahua Ieriko tatau dekenai iena hereva amo ita diba (ta ia koikoi eiava lasi be ia sibona ia abia hidi diba karana; bema taunimanima haida idia diba be maoro lasi, maduna ia noho lasi idia dekenai hereva momokani idia gwauraia hedinarai; iena tanobada karadia haida ia do rakatania lasi). (Ios. 2:​3-5; mani Roma 14:4 itaia.) [9, Wiki ta ta ena Baibel duahiduahi; w93 12/15 rau 25 par. 1 itaia.]

30. Ioane 13:5 hegeregerena, Iesu ena kara ese (hebogahisi; ma ta ena hekwarahi laloa momo; manau) ia haheitalaia bada, bona unai ese ta ia durua ma haida totona anina maragi gaukaradia ia karaia totona. [13, w98 3/15 rau 7 par. 6]

Henuna herevadia dekenai siri maorona oi abia hidi:

Deut. 7:​3, 4; 17:7; 25:​11, 12; 28:3; Ier. 15:20

31. Dirava ese natudia havaraia siahuna ia laloa bada dainai namona be Keristani tauna ese unai ia laloa rogorogo koua dalana ia palania neganai. [Deut. 25:​11, 12] [6, Wiki ta ta ena Baibel duahiduahi; w99 6/15 rau 28 par. 1-4 itaia.]

32. Ita diba momokani Iehova ese ita ia durua Dirava ena Basileia sivaraina namona harorolaia gaukarana ita hagugurua neganai. [Ier. 15:20] [12, w98 3/1 rau 28 par.1]

33. Baibel ena sisiba ita badinaia dainai, Keristani tauna be abidadama tamona lasi tauna ia adavaia neganai, nega momo ia davaria hisihisina be do ita davaria lasi. [Deut. 7:​3, 4] [2, Wiki ta ta ena Baibel duahiduahi; w89-E 11/1 rau 20 par. 11 itaia.]

34. Dirava ena hahenamo ita abia be gabu dainai eiava gaukara dainai eiava Dirava ena hesiai gaukara ta dainai lasi. [Deut. 28:3] [7, Wiki ta ta ena Baibel duahiduahi; w96 6/15 rau 15 par. 15 itaia.]

35. Ta be kongregesen ena murimuri ai idia atoa karana be 1 Korinto karoa 5 lalonai ia herevalaia neganai, Paulo ia hahedinaraia ena hereva ena badina be Iehova ena Taravatu amo. [Deut. 17:7] [4, Wiki ta ta ena Baibel duahiduahi; si Jan. 24, par. 24 itaia.]