Hesiai Hebou Ena Sediual
April 10 Purana
Ane 122
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Laloaboio lasi, April 16 dekenai pablik tok badana do idia henia, ena ladana be “Dahaka Dainai Mauri Davalaia Boubouna be mai Anina Bada Taunimanima Dekenai?” Ibounai oi hagoadaia April 14 ia lao 19 ena Memorial Baibel duahiduahi idia badinaia, Dina Iboudiai Buka Helaga Tahua—2000 buklet ai ia noho hegeregerena. Idia udaia pepana ena rau 4 dekenai “Memorial Ena Hereva Haida” riviulaia.
15 min: “Keriso Ena Lalokau Dainai Kara ta Oi Karaia, A?” Miniti tamona lalonai hamatamaia herevana oi gwauraia, bena henanadai bona haere amo oi karaia. May 1, 1998, Gima Kohorona, rau 16-17, paragraf 12-13 amo hereva haida oi gwauraia. Ibounai oi hagoadaia do idia hekwarahi, Memorial dekenai taunimanima idia boiria mai totona.
20 min: “April—Kara Namodia Karaia Goadagoada Negana!” Henanadai bona haere. April lalonai ita ura karaia guguru gauna be mai emu ura bada ida oi herevalaia. Miniti 3 eiava 4 oi gaukaralaia inai hereva, “Momo Ia Hasiahua Lalo-Goada Karana” oi herevalaia totona.
Ane 199 bona guriguri.
April 17 Purana
Ane 25
13 min: Kongregesen ena hadibaia herevadia. Akaun ripotina. Namona be ibounai oi hagoadaia hua ia do doko lasi neganai haroro gaukara idia karaia. Magasin henia toho dalana be haheitalai kwadogina amo oi hahedinaraia, magasin matamata gaukaralaia. Idia ura edia Ista kastom lalonai ita vareai taudia reana do ita haere henia dainai, Herevalaia bukana ena rau 96-7 dekenai ia noho herevana riviulaia.
16 min: “Sibona Emu Ura Dadaraia Karana Oi Hahedinaraia, A?” Henanadai bona haere. Dahaka be mai anina bada be ita abia hidi be namo, gau ginigunana ita atoa guna. Sibona eda ura ita biagua be gau badana, lauma dalanai idia amo namo ita davaria gaudia ita karaia noho totona. Oi hahedinaraia Iesu ena haheitalai amo dahaka ita dibaia diba.—Insight, Volium 2, rau 68, paragraf 3-5 itaia.
16 min: Anina Namona Idia Havaraia Gabudia Dekenai Magasin Oi Hariharilaia. Hereva oi henia bona helai taudia ida oi kikilaia. January 8, 1995, Awake! ena rau 22-4 amo heduru herevadia oi gwauraia. Taunimanima edia gaukara ta ta ia herevalaia magasin be idia dekenai ita abia lao ena namo oi gwauraia hedinarai. Haheitalai haida oi gwauraia magasin gunadia amo, bona edena bamona taudia, bisinesi, eiava oreadia emu noho gabu dekenai be reana unai magasin idia ura henia. Helai taudia oi noia unai dala idia gaukaralaia dainai namo idia davaria edia ekspiriens idia gwauraia.
Ane 71 bona guriguri.
April 24 Purana
Ane 137
10 min: Kongregesen ena hadibaia herevadia. Kongregesen lalonai Memorial dekenai idia mai henia taudia edia namba oi gwauraia. Helai taudia oi noia, nega ginigunana Memorial dekenai idia mai taudia ese idia gwauraia herevadia idia gwauraia totona.
17 min: Kamonai Matamata Taudia Oi Durua Hebou Idia Lao Henia Totona. Inai hereva be Diba bukana ena rau 161-3, paragraf 5-8 amo oi henia. Nega sisina idia stadi murinai, gau badana be kamonai matamata taudia be hebou idia lao henia matamaia. Do idia mai be reana hekwakwanai ta. Dahaka oi karaia diba edia lalona oi veria totona? Namona be stadi idia karaia taudia ese Diba bukana amo unai hereva be edia stiuden taudia ida idia riviulaia bona dala idia karaia tomadiho momokanina lalonai ita idia bamoa totona.
18 min: “Oi be Basileia Harorolaia Hanaihanai Tauna ta, A?” Seketere ese inai hereva do ia henia bona helai taudia ida do ia kikilaia. Iseda haroro gaukara ita ripotilaia ena badina oi gwauraia hedinarai. (Hesiai Gaukara bukana, rau 106-8 itaia.) Iseda ripoti ita henia haraga lasi neganai, idia vara hekwakwanai haida oi herevalaia. Helai taudia oi noia edia ripoti be nega korikori ai idia henia totona idia karaia gaudia do idia gwauraia. Kongregesen ena Buka Stadi naria taudia ese heduru idia henia diba dalana oi gwauraia hedinarai. Ibounai ese haroro gaukara idia karaia ena namo oi gwauraia bona hua dokona dekenai edia ripoti idia henia.
Ane 200 bona guriguri.
May 1 Purana
Ane 213
12 min: Kongregesen ena hadibaia herevadia. Ibounai hagoadaia April ena haroro gaukara ripotina idia henia totona. Kongregesen ena Buka Stadi naria taudia be edia grup lalonai idia noho taudia ibounai idia nanadaia bema ripoti idia henia vadaeni, unai dala amo May 6 dekenai ripoti ibounai edia namba idia haboua diba. Henanadai Mauana riviulaia.
15 min: Kongregesen ena durua herevana. Eiava elda ta ese October 1, 1996, Gima Kohorona, rau 29-31 amo hereva ladana, “Sibodia Edia Ruma Taudia Idia Naridia” do ia henia.
18 min: “Namona be Oi Lou Henia!” Helai taudia ida oi herevalaia. Reana lou henia ita karaia diba lasi ena badina haida oi gwauraia. Oi hahedinaraia dahaka dainai nouti maorodia bona ita ura bada giroa lou totona be gau badana. Oi hahedinaraia pura ta ta ai nega ita atoa be namo lou henia ita karaia totona. Hesiai Gaukara bukana ena rau 89-90 dekenai ia noho herevana oi riviulaia. Lagani 1995 Yearbook ena rau 45 dekenai ia noho ekspiriens oi gwauraia.—1 Kor. 3:6, 7.
Ane 68 bona guriguri.