Hadibaia Hereva

◼ July Bona August edia henia gauna: Inai buklet ta oi gaukaralaia diba: Dirava ese Ita Ia Laloa Eiava?, Inai Gavamani ese Paradaiso Do Ia Mailaia, Ita Mase Neganai Dahaka Ia Vara Ita Dekenai?, “Itaia! Lau ese Gau Iboudiai Lau Hamatamataia,” Mauri Ena Anina be Dahaka​—Edena Bamona Oi Davaria Diba?, Mauri Hanaihanai Tanobada Dekenai Oi Abia!, Oiemu Lalokau Tauna ta Ia Mase Neganai, Toi Tamona Oi Abia Dae be Namo, Eiava? September: Ruma Bese Ena Moale Havaraia Dalana. October: Gima Kohorona bona Awake! edia kopi ta ta. Oi lou henia taudia idia kamonai neganai, sabskripsen oi henia toho diba.

◼ September lalonai, sekit naria taudia ese pablik tok ladana “Taunimanima Edia Lohia Dalana​—Hahemaoro Henia” do idia henia matamaia.

◼ July, August, bona September ena hua lalonai, kongregesen bona grup ibounai ai hagoadaia nega ta ta sibona idia haroro gabudia dekenai idia haroro totona. Unai bamona teritori dekenai umui gaukara neganai, Diba buka bona Dahaka Ita Karaia? buklet umui gaukaralaia. Bema ruma taudia ese unai gaudia idia abia vadaeni, buka bona buklet ma haida umui hariharilaia. Namona be ita hekwarahi nega momo ita haroro lasi gabudia bona daudau teritori dekenai kamonai taudia ita lou henia totona. Pepapepa idauidau abia lao, ta ia noho lasi ruma bona buka eiava magasin idia abia lasi taudia totona. Ita henia buka bona magasin bona kamonai taudia ita davaria gabudia ita torea, unai amo lou henia ita karaia diba.​​—June 1999 Iseda Basileia Gaukara pepana ena rau 3 itaia.