Hesiai Hebou Ena Sediual

July 10 Purana

Ane 7

12 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Papua New Guinea ena bona kongregesen ena haroro ripotina oi herevalaia. Idia oi hadibaia “Murina Rau Itaia” ena hereva idia itaia bona haheitalai amo emui teritori dekenai anina do ia havaraia diba kiki herevana ta hahedinaraia.

15 min: “Iseda Uduna Ita Koua Diba Lasi.” Miniti tamona lalonai hamatamaia herevana gwauraia, bena henanadai bona haere amo karaia. Iseda haroro gaukara ita laloa bada ena badina hahedinaraia. January 15, 1997, Gima Kohorona, rau 23-4 amo hereva namodia haida hahedinaraia.

18 min: “Gau Badana be Gaukara Ibounai be Ma Haida Hagoadaia Totona.” Elda rua ese inai hereva do idia kikilaia. Paragraf ta ta bona idia torea hanai lasi siridia duahia. Hakaua herevadia hahedinaraia. Idia hahedinaraia bisinesi karadia eiava moni ita henia torehai neganai laloa kehoa ita gaukaralaia be gau badana. March 15, 1997, Gima Kohorona, rau 18-​19 bona 22 ai ia noho sisiba herevana riviulaia.

Ane 15 bona guriguri.

July 17 Purana

Ane 23

10 min: Kongregesen ena hadibaia herevadia. Akaun ripotina. Hereva kwadogina amo oi hahedinaraia, edena bamona Divine Name buklet ita gaukaralaia kamonai tauna ita durua bena ia diba Dirava ena ladana ia diba bona gaukaralaia be gau badana.​​—Herevalaia bukana, rau 196-7 itaia.

15 min: Kongregesen durua herevana. Eiava, elda ta ese January 15, 1995, Gima Kohorona, rau 21-​3 amo hereva “Vanegai Tau ta Oi Hagoadaia, A?” do ia henia.

20 min: Daika Ena Haheitalai Oi Tohotohoa? Tamana ta ese ruma bese ena stadi ia karaia ena matamata natuna ta eiava rua ida. Ia kamonai nega momo edia herevahereva lalonai, spot oreadia bona gadara taudia, bona miusiki orea idauidau idia herevalaia. Iena laloa bada karana idia totona ia hahedinaraia, badina unai bamona kara be tanobada ena lauma ia hahedinaraia. January 15, 1993, Gima Kohorona, rau 28-9, paragraf 15 bona 16 idia herevalaia. Natudia idia lalo-parara tanobada taudia abia isi karana ese dika ia havaraia diba bona tanobada dekenai ladana bada ita abia karana ese Keristani taudia dekenai gau ta ia henia diba lasi. Tama sina, elda taudia, kongregesen lalonai kara namo idia hahedinaraia taudia ma haida​​—bona gau badana be Iesu Keriso​​—edia haheitalai idia tohotohoa ena namo idia laloa.

Ane 34 bona guriguri.

July 24 Purana

Ane 45

5 min: Kongregesen ena hadibaia herevadia.

15 min: Ita Hahedinaraia Ita be Dirava Ena Hesiai Taudia. Hesiai taudia rua ese December 15, 1998, Gima Kohorona, rau 19-​20 amo unai Baibel ena sisiba herevana idia herevalaia. Idia hahedinaraia idia diba hesiai taudia bamona edia kara be ia namo be gau badana bona idia laloa dahaka idia karaia diba bena unai amo idia hahedinaraia edia gaukara idia karaia namonamo. Idia lalo-parara haroro gaukara dekenai haheitalai namona idia hahedinaraia be gau badana bona ma haida durua gaukara amo elda taudia idia durua daladia idia herevalaia. Idia lalo-tamona idia ura mai edia goada ibounai ida kongregesen idia durua, dokona negana idia laloa bada totona bona lauma dalanai idia tubu bona kwalimu totona.

10 min: Henanadai Mauana. Elda ta ese ia henia.

15 min: Anina Idia Havaraia Hamatamaia Herevadia Gaukaralaia. Hamatamaia hereva rua eiava toi be Herevalaia bukana ena rau 9-​17 amo oi abia hidi, bona emui teritori lalonai edena bamona umui gaukaralaia namonamo diba dalana oi herevalaia. Helai taudia nanadaia, “Dahaka hamatamaia hereva umui gaukaralaia dala dekenai, nega bona gabu idauidau ai, eiava dala ma ta ai tau ta idia hereva henia neganai?” Nega hegeregerena haheitalai ta eiava rua hahedinaraia.

Ane 54 bona guriguri.

July 31 Purana

Ane 66

12 min: Kongregesen ena hadibaia herevadia. Ibounai hagoadaia July ena haroro ripoti idia henia totona. Helai taudia oi noia inai hua lalonai buklet idauidau idia hariharilaia karana dekenai idia moalelaia ekspiriens idia gwauraia totona.

15 min: Egu Bamodia Edia Lalo-Ani be Edena Bamona Do Lau Haheaukalaia Diba? Elda ta ese Memero Kekeni Edia Henanadai bukana ena rau 73-80 edia hereva ia riviulaia.

18 min: “Iehova Ena Haheauka Karana Oi Laloa Bada, A?” Henanadai bona haere. Iehova ena haheauka karana be hereva namodia amo gwauraia danu.​​—Insight, Volium 2, rau 263-4 itaia.

Ane 75 bona guriguri.

August 7 Purana

Ane 88

10 min: Kongregesen ena hadibaia herevadia.

17 min: “Oi be Hemarai Tauna, A?” Henanadai bona haere. Bema hegeregere, lagani 1997 Yearbook, rau 43-4 amo hagoadaia ekspiriens ta gwauraia.

18 min: Emu Vaira Nega Lalonai Oi Aonega. Elda ta ese inai hereva ia henia. Matamata taudia idia ura idia lalokau henia taudia danu vaira nega namona idia moalelaia. Unai be vaia edia kara dainai, namona be Dirava ena sisiba idia badinaia bema idia ura kwalimu. (Aon. 19:20) Matamata negana lalonai kekeni bona mero edia ura heheni urana be ia goada. Bema edia hemami idia biagua lasi, dika ia vara diba. Memero Kekeni Edia Henanadai bukana rau 231-5 dekenai ia noho sisiba herevana riviulaia. November 15, 1999, Gima Kohorona, rau 18-​23 amo hereva badadia hahedinaraia, matamata taudia ese Dirava dekenai edia gaukara korikori idia hagugurua ena namo herevalaia. Matamata taudia hagoadaia unai sisiba idia lalohadailaia bona edia tama sina ida idia herevalaia bema idia be mai edia henanadaia.

Ane 101 bona guriguri.