Hesiai Hebou Ena Sediual

October 8 Purana

Ane 109

10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Namona be dala umui karaia inai vidio United by Divine Teaching be ibounai ese do idia itaia bona October 22 ena Hesiai Hebou purana dekenai do umui herevalaia totona umui hegaegae. Magasin hariharilaia daladia kwadogidia rua oi haheitalaia, ta be October 15 Gima Kohorona amo bona ta be October 8 Awake! amo, rau 12 dekenai heduru herevadia oi gaukaralaia. Bema unai magasin idia noho lasi, September 2001 ena Iseda Basileia Gaukara pepana dekenai idia atoa magasin hariharilaia daladia haida oi haheitalaia.

16 min: “Hebouhebou​​—Moale Negadia!” Elda ta ese hereva do ia henia. Oi hahedinaraia dahaka dainai Baibel negadia ai hebou badadia idia abia bona dahaka dainai hari inai negai unai be mai ena namo. Unai hebou badadia dekenai iseda hebamo ita hagoadaia bona mai anina bada lauma aniani ita abia. Distrik hebouhebou ena dina ibounai toi dekenai idia lao ena badina oi herevalaia.

19 min: “Gaukara Ibounai Umui Karaia Namonamo, mai Dala Maorona, Karaia Kava Lasi.”a Hebouhebou hegaegaelaia daladia badadia haida oi herevalaia. Oi hahedinaraia dahaka dainai iseda namo totona idia gwauraia daladia do ita badinaia momokani be mai anina bada. Ita ibounai ese hemataurai maorona do ita hahedinaraia bona hekwakwanai ita davaria lasi daladia oi riviulaia.

Ane 151 bona guriguri.

October 15 Purana

Ane 113

8 min: Kongregesen ena hadibaia herevadia. Akaun ripotina.

18 min: “Ita Kamonai Bona ‘Eda Diba Ita Habadaia.’ ” Hereva oi henia bona helai taudia ida oi kikilaia. Oi hahedinaraia dahaka dainai hebouhebou dekenai ita abia hadibaia herevadia be mai anina bada lauma aniani. Unai program idia karaia totona nega bada bona goada bada idia gaukaralaia oi herevalaia. Helai taudia oi noia idia bona ma haida be namo bada do idia abia totona idia ta ta ese dahaka do idia karaia idia herevalaia. Kahana ta ta idia hamatamaia neganai, ita be iseda helai gabudia dekenai ita helai vadaeni ena badina oi herevalaia.

19 min: “Kara Namo Ita Karaia Bona Ita Do Idia Hanamoa!”b Hebouhebou badana ita lao henia neganai, taunimanima ese ita idia itaia ena badina oi herevalaia. Ita idia itaia taudia edia hereva namodia ese Basileia harorolaia karana ia durua, to sivarai dikadia ese taunimanima ia hakaua siri diba. Do ita karaia gaudia badadia haida oi herevalaia, unai amo ita hahedinaraia eda Keristani karadia dainai ma haida ita laloa bada.

Ane 156 bona guriguri.

October 22 Purana

Ane 120

7 min: Kongregesen ena hadibaia herevadia. Magasin hariharilaia dalana kwadogina ta oi haheitalaia, November 1 Gima Kohorona oi gaukaralaia, rau 12 dekenai heduru herevadia oi gaukaralaidia. September 2001 ena Iseda Basileia Gaukara pepana dekenai idia atoa heduru daladia oi gaukaralaia diba bema unai magasin ia noho lasi.

15 min: Henanadai Mauana 1. Hereva ta. Kongregesen ena wiki ta ta haroro heboudia ena sediual oi riviulaia. Haroro heboudia dekenai idia mai taudia ibounai ese unai hebou idia durua daladia oi herevalaia. Kongregesen taudia oi hagoadaia unai haroro heboudia idia durua be namo.

23 min: “United by Divine Teaching​​—Tadikaka Momokani Karana mai Lalo-Tamona ida Oi Itaia.” Helai taudia ida oi kikilaia. Paragraf ginigunana amo unai kahana oi hamatamaia bona paragraf dokona amo oi hadokoa. Vidio be mai emui ura ida umui herevalaia totona, idia noho henanadai ta ta oi henia. Bema kongregesen taudia haida be tano haida dekenai hebouhebou idia abia vadaeni, oi henanadai henidia iseda tanobada hegegemadai oreana bona ena lalo-tamona toana idia itaia dainai edia hemami idia herevalaia. Bema nega ia noho, 1994 Yearbook, rau 7-9, bona 1995 Yearbook, rau 8-​11 amo kudouna hamarerea ekspiriens haida oi herevalaia. December ai inai vidio To the Ends of the Earth do ita riviulaia.

Ane 47 bona guriguri.

October 29 Purana

Ane 164

12 min: Kongregesen ena hadibaia herevadia. Pablisa ibounai hadibaia October ena haroro ripoti idia henia totona. November ena henia gauna be Dahaka Ita Karaia? buklet eiava Diba bukana. Inai haheitalai kwadogina oi karaia: “Moni davaria negana aukana lalonai, taunimanima momo ese mauri durua gaudia idia abia be mai ena hekwarahi. Oi laloa taunimanima edia gavamani ese inai hekwakwanai do ia hanamoa, bona taunimanima ibounai be do idia hegeregere, a? [Haere naria.] Baibel lalonai inai gwauhamata ese lau ia hagoadaia.” Salamo 72:​12-14 duahia. Bena Dahaka Ita Karaia? buklet eiava Diba bukana oi hariharilaia, unai buka eiava buklet amo hereva maorodia oi herevalaia danu.

15 min: Henanadai Mauana 2. Manada tadikaka ta ese henanadai bona haere amo ia hakaua.

18 min: “Lauma Dalanai Oi Aniani Namonamo Eiava Lasi?”c Helai taudia oi noia April 15, 1997, Gima Kohorona, rau 28-​31 amo, lauma dalanai do ita aniani namonamo totona, dahaka dainai bona edena bamona do ita hekwarahi be namo idia herevalaia.

Ane 181 bona guriguri.

November 5 Purana

Ane 167

7 min: Kongregesen ena hadibaia herevadia.

18 min: “Iseda Ura Gauna be Dahaka?”d Oi hahedinaraia stadi taudia ita durudia kongregesen heboudia lao henia karana ena namo idia itaia be mai anina bada. Oi hegaegaelaia namonamo haheitalai ta amo karaia dalana oi hahedinaraia, Diba bukana karoa 17, paragraf 6-8 oi gaukaralaia.

20 min: Famili be Hebou Totona Idia Hegaegae. Tamana be ena famili ida hebou dekenai do idia haere totona hegaegae dalana idia herevalaia. July 1, 1999, Gima Kohorona, rau 19-​20, paragraf 9, ena hakaua herevadia idia gaukaralaia, inai pura ena Gima Kohorona Stadi ena haere haida idia hegaegaelaia totona. (1) Ruma bese taudia ta ta be henanadai ta o rua idia abia hidi idia haerelaia totona. (2) Paragraf idia riviulaia murinai, haere be sibodia edia hereva amo idia haerelaia. (3) Idia noho siridia idia itaia, bona edia anina unai stadi dekenai idia herevalaia, stadi hegeregerena do idia gwauraia dalana idia hegaegaelaia. Ibounai be idia ura bada hebou dekenai idia haere.

Ane 186 bona guriguri.

[Footnotes]