Henanadai Mauana 2

◼ Bema moni gaukara ta lalonai ipidi eiava ala-ala gauna ta idia abia, Keristani tauna be unai bamona gaukara ia abia be maoro, a?

Hari inai dagedage tanobadana dekenai, gaukara biagudia idia ura banika taudia eiava sekuriti taudia, gima taudia bona pulisi be ipidi, botaia auna, io eiava botaia gauna idauna ta idia abia loaloa, edia gaukara idia karaia noho lalonai.

Ena be unai gaukara be taunimanima (o kohu) naria totona, to Iesu murinai ia raka tauna ese maino ia tahua hanaihanai be namo. (Roma 12:​17,  18) Do ia ura inai ia laloa namonamo: Hekwakwanai negana ai, lau ura egu maduna be egu lalona do lau hadaia haraga ta do lau dagedage henia bona reana lau hamasea eiava lasi, a? Lau ura ala-ala gauna do lau gaukaralaia negadia lau davaria, bena reana lau gaukaralaia dainai Iehova vairanai lau be mai egu kerere rara dekenai, a?​—Sal. 51:14.

Keristani tauna ese ala-ala gauna abia loaloa lasi gaukarana ia tahua be namo. Witnes taudia haida be edia biagudia idia noia dainai, idia be ala-ala gauna idia abia loaloa lasi gaukarana ta idia abia. To, nega haida dala be lasi. Bema lasi, Keristani tauna be gaukara idauna ta do ia tahua.​—Isa. 2:4.

Bema tadikaka ta be ena moni gaukara dekenai ipidi, io, diba bona peva, botaia auna eiava ala-ala gauna ta ia abia loaloa, elda taudia be ia do idia hadibaia diba hua 6 idia do ore lasi neganai, ena gaukara do ia haidaua. To, bema hua 6 murinai unai bamona moni gaukara ia karaia noho, ita gwau diba lasi ia be haheitalai namona. Ia be hesiai gaukara ena hahenamo idauidau bona kongregesen lalonai maduna ta do ia abia lasi. Ia be elda, hesiai tauna, eiava painia gaukara totona do ia hegeregere lasi.​—1 Tim. 3:2; Tito 1:​5, 6; mani January 1, 1984, Gima Kohorona, rau 15, bona February 15, 1973, Watchtower, rau 127-8 itaia.

Idia naria namonamo Keristani taudia be nega momo dagedage idia havaraia karadia amo idia siri diba. (Aon. 15:1; 17:14; 26:17) Bema Keristani tauna be tau ta ese ia dagedage henia, ia ese unai tau ena imana do ia koua eiava reana ia botaia nega sisina ia hamanokaia totona, unai amo ia heautania diba. To, Keristani tauna ta be ala-ala gauna do ia huaia loaloa lasi ta ia haberoa totona, bona dagedage dalana dekenai ma tau ta do ia kara henia lasi. Keristani hahine ta be do idia hadikaia totona idia hagaria neganai, namona be dala idauidau dekenai unai kara ia koua, ia boiboi badabada bona mai ena goada ibounai ida idia ia koua danu.​​—Deu. 22:​23-27; 1 Kor. 6:18.

This is a repeat of article in km 4/95 and 8/98, unique to PNG.