Idia Haroro Noho—Tanobada Ibounai Dekenai

Daidia ese inai vidio To the Ends of the Earth do idia itaia loulou? Misinari ai idia ura idia lao taudia. Dahaka dainai? Watchtower Bible School of Gilead idia diba namonamo totona. Unai sikuli namona be ‘tanobada ibounai’ dekenai haroro gaukara habadaia totona idia haginia bona inai vidio ese unai sikuli ena lagani namba 50 ia makaia. (Sal. 22:27) Unai vidio itaia karana amo, anina bada sivarai namona harorolaia gaukara dekenai emu laloa bada karana do ia habadaia bona oi do ia hagoadaia haroro gaukara oi habadaia totona. Mani inai oi laloa: (1) Lagani 1940 murinai, Iehova ena orea ese dahaka ia laloa bada? (Kara 1:8) (2) Lagani 1942 ai, dahaka Baibel ena hoa peroveta herevana ia guguru? Bona iseda lalohadai tanobada taudia ibounai amo be edena bamona ia idau? (Apok. 17:8; w89 8/1 rau 16 par. 12) (3) Tanobada Tuarina Iharuana murinai ia vara maino negana lalonai, dahaka palani idia karaia? ( jv-E rau 522 par. 1-2) (4) Gilead ena klas ginigunana stiuden taudia edia kara namodia amo edena oi laloa bada? (5) Gilead sikuli ena lagani ginigunadia 50 lalonai, stiuden taudia hida be sikuli idia haorea, bona tano hida dekenai idia siaidia lao? (6) Stiuden taudia ese Baibel amo idia abia diba ena bada be edena bamona? (7) Dahaka oi karaia diba misinari bona Dirava ena Hereva hadibaia tauna namona ai oi lao totona? (8) Misinari maurina be edena bamona, bona dahaka hekwakwanai idauidau idia davaria? (9) Misinari taudia ese edia mauri dalana be edena bamona idia laloa, bona sibona edia ura idia dadaraia karana amo dahaka anina namona idia moalelaia? (10) Misinari taudia tausen momo ese dahaka idia hagugurua vadaeni? Haheitalai haida gwauraia. (11) “Tanobada ena bese ibounai taudia” dekenai haroro gaukara totona idia lao tadikaka bona taihu be edena bamona oi lalodia? (12) Misinari taudia edia haheitalai ese oi ia hagoadaia dahaka oi karaia totona? Bona dahaka dainai?