Tiokratik Haroro Sikuli Ena Henanadai

Tiokratik Haroro Sikuli ena henanadai September 2 ia lao December 23, 2002, edia wiki herevadia dekenai. Henanadai negana lalonai henanadai edia haere be ma pepa ta dekenai oi torea.

[Itaia: Henanadai negana lalonai, Baibel sibona oi gaukaralaia haere oi tahua totona. Henanadai murinai ai torea stadi gaudia be oi sibona emu stadi karaia totona. Gima Kohorona edia amo ai abia hereva haida edia rau bona paragraf namba ai torea lasi.]

Henuna hereva oi gwauraia Momokani eiava Koikoi:

1. Iehova kahirakahira ita raka lao totona, mai anina bada gauna be iena kara namodia do ita laloa dobu. (Sal. 143:5) [2, w00 10/15 rau 4 par. 6] Momokani.

2. Esekiela 37:​15-​24 ese ia gwauraia au rua idia hakapua tamona be hari inai negai ia vara danu, lagani 1919 ai mai edia abidadama horoa taudia be Keriso, edia “pavapava tamona” bona “naria tauna tamona,” ena henunai idia lalo-tamona lou. [3, Wiki ta ta ena Baibel duahiduahi; w88 12/1 rau 23 par. 13 itaia.] Momokani.

3. Ena be Baibel idia tahua taudia idia gwau Daniela bukana ena sivarai haida be maoro lasi, to akioleji taudia ese idia davaria gaudia ese edia hereva idia hakoikoia. [6, bsi02-1 Daniela par. 4] Momokani.

4. Bema ita kamonai herevana ta be siahu tauna ta eiava sibona ia gwauraia diba bada tauna ta amo ia mai, ita hakoikoia toho be badina lasi. [7, w00 12/1 rau 29 par. 7-8] Koikoi. Toana be ta ese ia hakoikoia diba lasi herevana, ‘haida ia hakaua kerere’ herevana unai, be diba bada bona siahu taudia ese idia gwauraia dainai, namona be 1 Ioane 4:1 ena hereva hegeregerena ena momokani ita “tohoa”. (Efe. 4:​14)

5. Inai hereva “peroveta taudia maragidia” ia hahedinaraia Heberu Revarevadia edia buka ginigabedia 12 edia anina be maragi. [9, bsi02-1 Hosea par. 1] Koikoi. Unai hereva ese Dirava ena lauma amo idia vara Baibel bukadia idia haboua ena lata ia herevalaia, edia lata be Isaia eiava Ieremia bukadia edia lata bamona lasi.

6. Iehova ese Amosa ia boiria bona ia siaia Iuda bona Israela dekenai ia peroveta neganai, ia be “peroveta taudia” ta ena natuna. (2 Kin. 2:3) [11, bsi02-2 Amosa par. 1] Koikoi. Dirava ese Amosa be taunimanima durua totona ia boiria neganai, ia be mamoe naria tauna bona fig audia edia huahua gogoa tauna. (Amo. 7:​14, 15)

7. Obadaia 16 ese Edoma taudia haorea dinana ia herevalaia badina Iuda besena idia inai henia. (Oba. 12) [12, Wiki ta ta ena Baibel duahiduahi; w89-E 4/15 rau 30, maua itaia.] Momokani.

8. Sepanaia 3:9 ese ia herevalaia “gado goevadaena” ena anina be Dirava bona Dirava ena ura edia sivarai momokanina ita lalo-pararalaia namonamo. [15, Wiki ta ta ena Baibel duahiduahi; w01 2/15 rau 27 par. 18 itaia.] Momokani.

9. Getesemane uma dekenai Iesu ia lalo-hekwarahi bada ena badina be, taravatu utua tauna bamona do ia mase karana ese Iehova bona Ena ladana helagana dekenai dahaka do ia havaraia, unai ia laloa bada. (Mat. 26:38; Luka 22:44) [4, w00 11/15 rau 23 par. 1] Momokani.

10. Sekaraia 9:​6, 7 (NW ) ai ia hahedinaraia hegeregerena, “Pilistia tauna” be “Iuda lalonai iduhu lohiana ta hegeregere do ia lao,” peroveta dalanai unai be hari idia noho mamoe idaudia, “hesiai tauna mai ena kamonai, bona mai ena kara maoromaoro” ese ia hadibaia bona siahu ia henia taudia unai, ia herevalaia. (Mat. 24:45) [17, Wiki ta ta ena Baibel duahiduahi; w95 7/1 rau 23 par. 14 itaia.] Momokani.

Henuna henanadai oi haerelaidia:

11. Edena dala ai ita karaia haroro gaukara ena maduna be Esekiela ese ia karaia gima tauna ena maduna bamona? (Ese. 33:​1-​11) [2, Wiki ta ta ena Baibel duahiduahi; w88 6/1 rau 29 par. 13 itaia.] Esekiela bamona, Iehova ese ia hagania Israela taudia do ia hadibadia, bema edia kara dika do idia rakatania lasi Ia ese idia do ia hamasedia ore, gima tauna oreana bona edia bamodia be mai edia maduna danu taunimanima idia hadibaia Dirava ena hahemaoro ia mai noho.

12. Esekiela ena matahanai lalonai ia itaia turia kakorodia be hari inai negai daidia hegeregerena? (Ese. 37:​5-​10) [3, Wiki ta ta ena Baibel duahiduahi; w88 12/1 rau 22 par. 12 itaia.] Lagani 1918 lalonai idia dagedage henidia lauma Israela orena taudia be unai turia kakorodia bamona​​—idia mase bamona, haroro gaukara idia karaia lasi dainai; to lagani 1919 ai, Iehova ese ia hamauridia lou Basileia sivaraina harorolaia taudia ai idia lao totona.

13. Dahaka ese ia hamomokania goevagoeva Sekaraia bukana be Dirava ena lauma amo ia vara? [16, bsi02-2 Sekaraia par. 5] Inai buka be Dirava ena lauma amo ia vara ia hamomokania gauna badana be Keriso Iesu ia perovetalaia herevadia idia guguru.

14. Esekiela ena matahanai lalonai ia itaia hanuana ese dahaka ia laulaulaia? (Ese. 48:​15-​17) [5, Wiki ta ta ena Baibel duahiduahi; w99 3/1 rau 18 par. 22 itaia.] Ia be “helaga lasi” tanona lalonai ia noho dainai, ia be tanobada gauna ta ia laulaulaia; toana be ia ese tanobada gaukarana haheaua karana ia laulaulaia. (2 Pet. 3:​13) (Unai bamona hereva ia hegeregere)

15. Isaia 2:​2-4 ena hereva dainai edena bamona ita hahedinaraia diba hari inai negai Israela lalonai idia vara gaudia ese Baibel ena peroveta herevadia idia hamomokania lasi? [7, rs rau 223 par. 2] Hari inai negai, Ierusalema lalonai, Iehova ena dubu be guna ia noho gabunai “Iakobo ena Dirava ena dubu” ia noho lasi, to Muslim taudia edia dubu ta sibona be unuseniai; danu, Israela besena bona ia kahirakahira dekenai idia noho besedia ese ‘edia tuari kaia amo tano geia auri idia karaia lasi.’

16. King ena taravatu be dina 30 lalonai tau ta ese dirava idauna ta eiava tau ta dekenai gau ta do ia noia lasi, to king dekenai sibona do ia noia, bona unai taravatu dekenai Daniela ena kara amo dahaka ita dibaia? (Dan. 6:​7-​10) [7, Wiki ta ta ena Baibel duahiduahi; dp rau 125 par. 25-​8 itaia.] Daniela ia laloa iena kara ia haidaua be hegeregere iena Dirava ia badinaia lasi karana bona ia ura lasi unai idia itaia taudia be reana do idia laloa Daniela ese taunimanima ia gari henia bona king ena taravatu ese Dirava ena taravatu ia hereaia, unai hegeregere namona be mai eda kamonai ida Iehova ita badinaia.

17. Oreana taudia ese Iehova amo dahaka sivarai idia harorolaia dainai idia be leona bamona bese idauidau edia huanai? (Mika 5:8) [13, Wiki ta ta ena Baibel duahiduahi; w81-E 7/15 rau 23 par. 10 itaia.] Idia be ia gari lasi leona bamona Dirava ese ‘iena bese taudia idia dagedage henia taudia do ia halusia’ dinana idia harorolaia, Dirava ia haginia Basileia idia inai henia taudia idia sisiba henia Iehova ena Tuari King, Iesu Keriso, “Iuda iduhuna ena leona” ese Aramagedono dekenai do ia haoredia. (Isa. 61:​1-3; Apok. 5:5)

18. Habakuku 3:​14 ai inai hereva “oi ese [iena] diba oi pidia, bona unai ai idia tuari henia taudia, edia biaguna oi alaia mase” ena anina be dahaka? [14, Wiki ta ta ena Baibel duahiduahi; w00 2/1 rau 22 par. 15; w81-E 8/1 rau 29 par. 6-7 itaia.] Aramagedono lalonai Dirava ena taunimanima idia inai henia taudia do idia daradara bada bona Iehova ese idia do ia doria edia tuari kohu do idia gaukaralaia idia sibodia idia hamasea totona.

19. Sepanaia 2:3 ai inai hereva “sedira” ia gaukaralaia ena anina be dahaka? [15, Wiki ta ta ena Baibel duahiduahi; w01 2/15 rau 19 par. 8 itaia.] Dirava ena gwauhamata ita abidadama henia diba, to ita laloa bada gauna be mai eda ura bada ida Dirava ena vairanai kara maorona do ita karaia noho eiava; namo lasi ita laloa ita moru diba lasi, bona ita idia hadibaia lou namo lasi Dirava ena hebogahisi ita gaukaralaia kerere.

20. Sekaraia 8:6 ena hereva hegeregerena, taunimanima idia laloa ia vara diba lasi karana be lagani 1919 amo Iehova ese edena bamona ia karaia? [16, Wiki ta ta ena Baibel duahiduahi; w96 1/1 rau 16 par. 18-19 itaia.] Lagani 1919 ai, Iehova ena lauma ese ena orea taudia ia hamauria lou, iena ura gaukarana do idia karaia totona; unai nega amo, Iehova ese ena taunimanima ia hanamoa dainai idia momo daekau, edia orea ia hagoadadia bona ia hahegaegaedia, idia ese tanobada hegegemadai sivarai namona harorolaia gaukarana idia karaia totona.

Henuna herevadia dekenai idia torea lasi herevadia oi torea:

21. Guriguri dekena amo Iehova ita hereva henia, bona unai be Dirava tomadiho henia karana ta; bona ita ia hereva henia dalana badana be iena torea Herevana amo. (Sal. 65:2; 2 Tim. 3:​16) [2, w00 10/15 rau 5 par. 2-3]

22. Bema Iuda 9 be 1 Tesalonika 4:​16 ida ita hahegeregerea, ita gwau diba Iesu Keriso be Mikaela, unuseniai ia gwau Iesu Keriso be mai “aneru badana” ena boiboi ida do ia boiboi mase taudia hatoredia isi lou karana hamatamaia totona; danu, inai ladana Mikaela ena anina be “Daika be Dirava hegeregerena?,” ia hahedinaraia Iesu ese Iehova ena lohia siahuna abia isi karana bona Dirava ena inai taudia hadikaia ore karana ia gunalaia. [4, rs rau 217 par. 1-rau 218 par. 1]

23. Lagani 455 B.C.E. ai, “Ierusalema hanamoa lou bona haginia lou herevana do ia hedinarai,” unai negai lagani edia pura 69 ia matamaia, bona lagani 29 C.E. ai Mesia ia hedinarai negana ai ia doko. (Dan. 9:​25) [8, Wiki ta ta ena Baibel duahiduahi; dp rau 190 par. 20–​rau 191 par. 22 itaia.]

24. Dina do ia dibura herevana Ioela 2:​31 ai, be Mataio 24:​29, 30 hegeregerena, unuseniai Iesu ia hahedinaraia taunimanima ena Natuna be mai ena siahu bona mai ena hairai bada ida do ia mai. [10, bsi02-2 Ioela par. 13]

25. Nahumu ena peroveta herevana Asuria bona ena hanua badana, Nineva totona, ese Iehova ena hahemaoro maoromaoro bona ena siahu hereadaena ia abia isi bona ita diba momokani Iehova ese kara dika taudia ibounai edia davana do ia henia. [14, bsi02-2 Nahumu par. 11]

Henuna herevadia dekenai haere maorona oi abia hidi:

26. Esekiela bukana ese Iehova be (harihari bada; manau; helaga) ia gwauraia loulou bona ia hadibaia gauna be (ta ena kara ia namo ia lao; Iehova ena ladana hahelagaia; dekena tauna namona) karana be mai anina bada, gau oredia be unai bamona lasi. [5, bsi02-1 Esekiela par. 33]

27. Daniela ia mauri noho neganai ia noho tauna Esekiela ese ia hamomokania Daniela be taunimanima korikorina ta, badina (Noa bona Iobu; Mose bona Iosua; Elia bona Elisa) ida ia gwauraia hebou. [6, bsi02-1 Daniela par. 2]

28. Daniela 2:​34, 35, 45 ena hereva hegeregerena, kaivakuku ia botaia bona hamakohia nadina ese (Aramagedono; Dirava ena taunimanima ese idia harorolaia hahemaoro herevadia aukadia; Mesia ena Basileia) ia laulaulaia. [8, bsi02-1 Daniela par. 20, 23]

29. Ioela 1:​4-6 ia gwauraia kwadi oreana ese (Israela besena; horoa Keristani taudia; Roma tuari taudia) ia laulaulaia. (Kara 2:​1, 14-​17) [10, Wiki ta ta ena Baibel duahiduahi; w98 5/1 rau 9 par. 9 itaia.]

30. Kolose 1:​13 ia gwauraia “Iena Natuna, iena lalokau, ena Basileia” be (Mesia ena Basileia; Keriso ese Keristani kongregesen ia lohiaia matamaia, Pentekoste 33 C.E. amo; Keriso ena Lagani 1000 Lohia Negana). [14, rs rau 74 par. 2]

Henuna herevadia dekenai siri maorona oi abia hidi:

Hos. 6:6; Ioe. 2:​32; Sek. 4:​6, 7; 13:3; Roma 12:2

31. Namona be dala ita kehoa lasi inai tanobada ena kastom eiava taravatu ese iseda lalohadai ia biagua totona. [Roma 12:2] [3, w00 11/1 rau 21 par. 6]

32. Dirava ia hamoalea gauna be, boubou momo henia karana lasi, to ia ita dibaia dainai lalokau mai ena abidadama herevadia ita gwauraia karana. [Hos. 6:6] [9, Wiki ta ta ena Baibel duahiduahi; bsi02-1 Hosea par. 16 itaia.]

33. Hahemauri ita abia totona Dirava ena ladana ita dibaia, ita matauraia, bona ita tabekau henia be gau badana. [Ioe. 2:​32] [10, Wiki ta ta ena Baibel duahiduahi; w89-E 3/15 rau 30 mauana itaia.]

34. Dirava ena ura ia guguru be taunimanima edia siahu dainai lasi, to iena lauma dainai, unai lauma ese iena hesiai taudia ia durua ororo bamona koua gaudia idia hanaia bona Dirava idia hesiai henia noho totona. [Sek. 4:​6, 7] [16, bsi02-2 Sekaraia par. 2]

35. Iehova badinaia karana be iena orea taudia edia kara, unai ese turadia bona varavara badinaia karadia ibounai ia hanaia. [Sek. 13:3] [17, bsi02-2 Sekaraia par. 24]