Hesiai Hebou Ena Sediual

ITAIA: November bona December lalonai Iseda Basileia Gaukara ai pura ta ta ena Hesiai Hebou ena sediual do ai hahedinaraia. Kongregesen ibounai be “Dirava Ita Hanamoa” Distrik Hebouhebouna do idia lao henia dainai gau haida idia haidaua diba. Bema hegeregere, hebouhebou ita do lao henia lasi neganai, Hesiai Hebou dokona ai miniti 15 oi gaukaralaia October ena Iseda Basileia Gaukara lalonai idia udaia pepana amo anina bada sisiba herevadia oi riviulaia lou totona. January 2004 hua lalonai, Hesiai Hebou ta do ai hegaegaelaia hebouhebou ena program riviulaia totona. Unai herevahereva ita hegaegaelaia totona, ita ibounai ese hebouhebou dekenai mai anina bada hereva kwadogidia do ita torea, iseda mauri bona haroro gaukara lalonai ita badinaia diba hereva badadia danu.

October 13 Purana

Ane 215

10 min: Kongregesen ena hadibaia herevadia bona Iseda Basileia Gaukara amo Hadibaia Hereva haida abia hidi. Haheitalai rua hegaegaelaia, rau 10 ai idia noho magasin herevalaia daladia rua amo September 15 Watchtower bona September 22 Awake! idia hariharilaia. Haheitalai ta ai, oi hahedinaraia ta be ena magasin rut dekenai lou henia ia karaia noho. Gabeai lou henia ena dala oi kehoa totona “In Our Next Issue” mauana oi hahedinaraia.​​—October 1998 Iseda Basileia Gaukara, rau 12, par. 8 oi itaia.

20 min: ‘Iehova Do Umui Hesiai Henia, mai Emui Moale Danu.’a (Iboudiai ese inai kahana totona January 2002 Iseda Basileia Gaukara lalonai idia udaia pepana idia abia mai be namo.) Paragraf 4 oi herevalaia murinai, oi hadibaia November lalonai ita be Dahaka Ita Karaia? buklet bona Diba buka do ita hariharilaia. Nega sisina lalonai January 2002 Iseda Basileia Gaukara lalonai idia udaia pepana ai idia noho hereva haida oi herevalaia. Bena haheitalai ta amo hahedinaraia hariharilaia dalana idia hegaegaelaia noho. Ibounai hagoadaia haroro gaukara totona idia hegaegae namonamo.

15 min: “Iehova Hanamoa Totona Ita Hebou.”b Idia torea henanadai oi gaukaralaia. Ibounai hagoadaia hebou dinadia ibounai Friday amo ela bona Sunday adorahi dekenai do idia noho. Oi hahedinaraia ita dibaia gaudia ita kamonai sibona lasi to ita badinaia danu. Distrik hebouhebou ena hereva haida umui riviu neganai, atai idia torea hereva, January ena Hesiai Hebou totona idia palanilaia gauna unai, oi laloa. Ibounai hagoadaia hereva badadia idia torea totona.

Ane 172 bona guriguri.

October 20 Purana

Ane 86

5 min: Kongregesen ena hadibaia herevadia.

15 min: “Kara Namodia Dekenai Haheitalai Namona Hahedinaraia.”c Idia torea henanadai oi gaukaralaidia. Oi hahedinaraia ita totona idia hegaegaelaia noho gabudia ita matauraia be namo. Ibounai ese kara namo idia hahedinaraia be mai anina bada oi gwauraia hedinarai.

25 min: Lauma Ena Tuari Kaia Gaukaralaia. (Efe. 6:17) Helai taudia ida Haroro Sikuli bukana, rau 143-4 oi kikilaia. Oi noia inai henanadai idia haerelaia totona: (1) Henanadai ta ita haerelaia gwauraia neganai, dahaka dainai Baibel ita gaukaralaia be namo? (2) Inai ladana Iehova ena Witnes taudia ese ita be edena bamona ia hahedinaraia? (3) Iesu ese dahaka haheitalai ia hahedinaraia, bona edena dala ai ia ita tohotohoa diba? (4) Iseda teritori lalonai, edena dala namodia amo Baibel herevadia ita hamatamaia diba? (5) Dahaka dainai Baibel amo maoromaoro siri ita duahia be namo? (6) Edena dala ai elda taudia ese ma haida idia hagoadaia diba, Baibel idia gaukaralaia namonamo totona? Rau 144 ai ia noho eksasais bamona, ia hegeregere pablisa ta ese henanadai ta ia haerelaia totona siri tamona idia gaukaralaia dalana be idia hegaegaelaia namonamo haheitalai ta amo ia hahedinaraia. Ibounai hagoadaia nega ta ta ai ta idia haroro henia neganai, Baibel idia gaukaralaia be edia tahua gauna ai idia halaoa totona.

Ane 112 bona guriguri.

October 27 Purana

Ane 64

10 min: Kongregesen ena hadibaia herevadia. Akaun ripotina. Pablisa taudia hadibaia lou October ena haroro ripoti idia henia totona. Ibounai hagoadaia inai lagani ai ita abia vadaeni dina tamona hebouhebou ai idia torea hereva haida be vaira pura ena hesiai hebou totona idia riviu. Rau 10 ai idia noho magasin herevalaia daladia amo October 1 Watchtower bona Awake! magasin hariharilaia dalana haheitalaia. Namona be magasin ruaosi ita henia nega tamona. Haheitalai lalonai, koua herevadia, hegeregere “Lau ura lasi,” hanaia dalana hahedinaraia.​​—Herevalaia bukana, rau 18 itaia.

20 min:  “Hemataurai Dabua Ita Atoa ese Dirava Matauraia Karana Ia Hahedinaraia.”d Elda ta ese ia karaia. Idia torea henanadai oi gaukaralaidia. Ia duahia namonamo diba tadikaka ta ese paragraf ta ta do ia duahia badabada.

15 min: Iseda teritori lalonai idia vara ekspiriens haida herevalaia. Helai taudia oi noia vanegai sibona inai gabudia dekenai: (1) heduru painia idia karaia, (2) ia haroro lasi pablisa ia hagoadaia ena haroro gaukara kongregesen ida ia hamatamaia totona, (3) matamata tauna ia durua haroro gaukara ia matamaia totona, bona (4) moni gaukara ai, sikuli ai, eiava gabu ma haida ai nega bona dala idauidau ai idia haroro negana idia davaria ekspiriens namodia haida idia herevalaia.

Ane 52 bona guriguri.

November 3 Purana

Ane 147

5 min: Kongregesen ena hadibaia herevadia.

10 min: Kongregesen durua herevana.

20 min: Kara Namodia do Idia Karaia. (1 Tim. 6:​18) Elda tauna ta ese ia naria, idia noho henanadai ia gaukaralaia helai taudia ida inai lagani ai ita abia vadaeni dina tamona hebouhebou idia kikilaia. Hebou taudia oi noia, idia dibaia gaudia be edena bamona edia mauri lalonai idia gaukaralaia idia hahedinaraia totona. (Kahana ta ta be idia dekenai oi henia guna be namo.) Inai program ena kahana idauidau oi herevalaia: (1) “Kara Namodia ese Namo Bada Ia Havaraia.” (Had. 2:11) Dahaka dainai Dirava ena hesiai taudia ese Dirava ena Hereva lalonai idia noho kara namodia idia tahua to inai tanobada ena anina lasi karadia idia tahua lasi? (2) “Iehova Ena Matana ai Oi Taga.” (Mat. 6:​20) Haida be edena dala ai ‘kohu be guba dekenai idia haboua,’ bona dahaka namo idia davaria? (3) “Baibel Stadi ta amo Oiemu Hesiai Gaukara Oi Hanamoa.” (om rau 91) Dahaka ese ita ia durua diba Baibel stadi ita hamatamaia bona karaia totona? (4) “Kara Namodia Inai Anina Haboua Negana Lalonai.” (Mat. 13:​37-​39) Keristani ginigunadia ese edena kara namodia idia hahedinaraia, bona iseda negai Basileia gaukarana be edena dala ai ia bada ia lao? (5) “Oiemu Kara Namodia ese Iehova Idia Hanamoa.” (Mat. 5:​14-​16) Haida ese edena dala ai ‘edia diari idia hahedinaraia’ noho? (6) “Matamata Taudia Hanamoa Iehova Hanamoa Totona Kara Namodia Idia Karaia Dainai.” (Sal. 148:​12, 13) Iseda sekit lalonai edena dala ai Keristani matamata taudia ese Iehova idia hanamoa noho? (7) “Kara Namodia Ita Karaia Noho Bona Iehova Ena Hahenamo Do Ita Abia.” (Aon. 10:22) Kara namodia ita karaia noho lalonai, ita ta ta, ruma bese taudia, kongregesen, bona tanobada oreana ibounai ese dahaka hahenamo ita abia diba?

10 min: Baibel Stadi Naria Karana ese Hahenamo Ia Mailaia. Hereva henia bona helai taudia ida kikilaia. Iseda buka haida amo Baibel stadi namodia idia hamatamaia ekspiriens haida oi gwauraia. (w00 3/1 rau 6; yb98 rau 55-​60) Helai taudia oi noia unai ekspiriens amo ita dibaia gaudia bona edena dala ai Baibel stadi naria karana amo ita abia namo idia herevalaia totona.

Ane 180 bona guriguri.

[Footnotes]