Mani Lou Henia Oi Karaia Haraga

Daidia ita lou henidia haraga be namo? Buka eiava magasin idia noia taudia eiava magasin idia abia hanaihanai taudia eiava idia ura Witnes tauna ta ese edia ruma ai idia do ia vadivadi henia taudia. Unai noinoi herevadia be daidia amo idia mai? Revareva, telefon eiava Internet Web site amo brens opesi idia hadibaia taudia amo idia mai. Unai bamona ura idia hahedinaraia neganai, brens opesi ese S-70-MO fom amo kongregesen ia hadibaia, unai fom ena ladana be “Mani Dala Umui Karaia, Pablisa Namona Ta ese Inai Tauna Do Ia Vadivadi Henia.” Elda taudia ese S-70-MO fom idia abia neganai, namona be kamonai tauna tahua totona do ia gaukara goadagoada pablisa ta dekenai idia henia haraga. Bema pablisa ese ruma ai unai kamonai tauna ia davaria lasi, reana telefon amo ia rini henia eiava mai aonega ida nouti ta ia torea bona ia rakatania. Bema oi idia noia unai bamona lou henia ta oi karaia totona, mani emu kara, oi gaukara goada unai kamonai tauna oi davaria haraga totona.