Tiokratik Haroro Sikuli Ena Riviu
Inai henanadai be Tiokratik Haroro Sikuli dekenai do ita herevalaia, February 27, 2006 ia matamaia purana ai. Sikuli naria tauna ese miniti 30 lalonai riviu do ia karaia, unai gaudia be January 2 ia lao February 27, 2006 wiki herevadia dekenai. [Itaia: Bema henanadai edia dokona ai buka ta idia torea lasi, sibona emu tahua karana oi karaia be namo haere oi davaria totona.— Haroro Sikuli bukana, rau 36-7 itaia.]
HEREVA KARANA
1. Edena dala ai Tiokratik Haroro Sikuli ese ita ia durua ‘hahenamo herevadia boubouna be Dirava do ita henia, ena ladana idia gwauraia hedinarai’ totona? (Heb. 13:15, NW ) [be rau 5 par. 3–rau 6 par. 1]
2. Dahaka dainai ita hekwarahi be namo hereva ita duahia maoro totona? [be rau 83 par. 1-4–rau 84 par. 1]
3. Ita hereva eiava hadibaia neganai, dahaka dainai ita hereva goevagoeva be gau badana? [be rau 86 par. 1-6]
4. Dahaka dainai hereva gwauraia maoro karana be mai anina bada, bona dahaka gaudia ita laloa be namo? [be rau 89 par. 1–rau 90 par. 2, maua]
5. Dahaka gaudia haida ese ita idia durua ita hereva namonamo totona? [be rau 94 par. 4-5, maua]
HEREVA NAMBA 1
6. Sivarai Iharuana 36:17-23 ese edena bamona ia hahedinaraia Baibel ena peroveta herevadia do idia vara momokani? [bsi01 rau 7 par. 35]
7. Dahaka gaudia idia vara bena unai ese dala ia kehoa Iuda taudia be lagani 537 B.C.E. ai edia tano dekenai idia giroa, bona Iehova ena ruma idia haginia lou? [bsi01 rau 8, par. 1-3]
8. Esera bukana ese edena bamona ia hamomokania Iehova be Dirava momokanina bona ia ita abidadama henia be namo? [bsi01 rau 9 par. 14–rau 10 par. 18]
9. Dahaka dainai Baibel ena nega duahia karana lalonai, “Aratasaseta ena king lagani namba 20,” be mai anina bada? (Neh. 2:1, 5, 6, 11, 17, 18) [bsi01 rau 11 par. 2–rau 12 par. 5]
10. Edena dala ai Nehemia be haheitalai namona hari Dirava ena hesiai taudia dekenai? [bsi01 rau 12 par. 16, 17]
WIKI TA TA ENA BAIBEL DUAHIDUAHI
11. Edia tano dekenai idia giroa lou Iuda taudia dekenai Urima bona Tumima—Iehova amo haere abia totona idia gaukaralaia gauna—ia noho, a? (Esr. 2:61-63)
12. Dahaka dainai Babulonia dekenai idia noho Iuda taudia momo be idia ura lasi Esera danu Ierusalema dekenai idia lao? (Esr. 7:28–8:20)
13. Edena bamona tau ta be ena imana tamona amo haginia gaukara ia karaia diba? (Neh. 4:17, 18)
14. Hehuni revareva idia koua be namo, to dahaka dainai Sanubalata ese Nehemia dekenai “revareva ta, koua lasi gauna” ia siaia? (Neh. 6:5)
15. Nehemia ese lohia taudia dekenai ia karaia bamona, idia kara dika Iuda taudia ia gwau henidia sibona lasi, to dahaka ia karaia danu unai kerere ia hamaoromaoroa totona? (Neh. 13:25, 28)