Tiokratik Haroro Sikuli Ena Riviu — Gima Kohorona INTANET LAIBRI

Tiokratik Haroro Sikuli Ena Riviu

Inai henanadai be Tiokratik Haroro Sikuli dekenai do ita herevalaia, August 28, 2006 ia matamaia purana ai. Sikuli naria tauna ese miniti 30 lalonai riviu do ia karaia, unai gaudia be July 3 ia lao August 28, 2006 wiki herevadia dekenai. [Itaia: Bema henanadai edia dokona ai buka ta idia torea lasi, sibona emu tahua karana oi karaia be namo haere oi davaria totona.—Haroro Sikuli bukana, rau 36-7 itaia.]

HEREVA KARANA

1. Edena dala ai kamonai taudia edia matana itaia karana ese ita ia durua hadibaia taudia namodia ai ita lao totona? (Mat. 19:25, 26; Kara 14:9, 10) [be rau 124 par. 3–rau 125 par. 3]

2. Dahaka dainai sibona emu hereva dalana ai oi hereva be mai anina bada, haroro gaukara ai unai ita karaia totona dahaka ese ita do ia durua? [be rau 128 par. 1-5, maua]

3. Dahaka dainai iseda toana ia namo bona dabua idia goeva be namo? [be rau 131 par. 1-3]

4. Edena dala ai manau bona laloa maoromaoro karana ese iseda toana bona dabua karaia dalana ia biagua be namo? (1 Tim. 2:9) [be rau 131 par. 4–rau 132 par. 1]

5. Sibona iseda toana ita laloa neganai, edena hakaua herevadia ese ita ia durua tanobada ura henia karana ita dadaraia totona? [be rau 133 par. 2-3]

HEREVA NAMBA 1

6. Duahiduahi karana ese dahaka namo ia havaraia? [be rau 21 par. 3]

7. Edena bamona emu natudia oi durua diba edia kudouna lalonai idia noho gaudia idia herevalaia totona? (Aon. 14:2) [w04 11/1 rau 5]

8. Edena bamona ita hahedinaraia diba Iehova ita lalokau henia momokani? [su karoa 16, par. 4]

9. Stadi karana be dahaka? [be rau 27 par. 3]

10. Dahaka dainai taunimanima haida ese edia kerere idia gwauraia hedinarai lasi? Dahaka dainai unai be dika? [tp karoa 10, par. 5]

WIKI TA TA ENA BAIBEL DUAHIDUAHI

11. Idaunegai, edena dala ai Iehova ese ‘oda ia gwauraia’ bona hahine taudia, tuari orea badana ta bamona, ese sivarai namona idia gwauraia, bona hari edena dala ai unai ia momokani? (Sal. 68:11, NW )

12. Dahaka ese kahirakahira Asapa ia koua kara maoromaoro ia karaia totona, bona edena dala ai iena lalohadai ia haidaua? (Sal. 73:2, 3, 17)

13. Dahaka dainai mana idia gwauraia “guba ena aniani” bona “aneru ena aniani”? (Sal. 78:24, 25)

14. “Tau ta ese Ataiai Momokani Lohiabada dekenai ia lao” ena anina be dahaka, bona edena dala ai unuseniai ia noho diba? (Sal. 91:1, 2)

15. Edena bamona Iehova ese iena orea taudia “ia lalokau henidia bada herea momokani”? (Sal. 116:15)