Hadibaia Herevadia

◼ August: Inai rau 32 buklet ta oi gaukaralaia diba: Dirava ese Ita Ia Laloa Eiava?, Gima Noho! Inai Gavamani ese Paradaiso Do Ia Mailaia, Ita Mase Neganai Dahaka Ia Vara Ita Dekenai?, “Itaia! Lau ese Gau Iboudiai Lau Hamatamataia,” Mase Taudia Edia Lauma​​—Oi Idia Durua Diba Eiava Oi Idia Hadikaia Diba, A?, Idia be Momokani Idia Noho, A?, Mauri Ena Anina be Dahaka​​—Edena Bamona Oi Davaria Diba?, Mauri Hanaihanai Tanobada Dekenai Oi Abia!, Oiemu Lalokau Tauna ta Ia Mase Neganai, bona Toi Tamona Oi Abia Dae be Namo, Eiava? September: Buka matamatana, Baibel be Dahaka Ia Hadibaia? hariharilaia. Namona be ita hekwarahi Baibel stadi ita hamatamaia totona. October: Gima Kohorona bona Awake! magasin do ita hariharilaia. Taunimanima idia kamonai neganai, Gima Noho! buklet ita hahedinaraia, unai amo edia ura Baibel dekenai do ita habadaia. November: Hadibaia Tauna Badana amo Diba Ita Abia bukana do ita hariharilaia. Bema ruma taudia idia gwau idia be natudia lasi, vadaeni Oi Ura Baibel Do Oi Diba Namonamo, A? pepapepa eiava pepapepa ma ta oi hariharilaia.

◼ September 1 ai eiava karaharaga unai dina murinai, hakaua naria tauna eiava ia ese ia abia hidi tadikaka ta ese kongrigeisen ena akaun ia odit be namo. Bema akaun rua idia noho, hegeregere ta be meintenens eiava konstraksen totona, namona be dala ia karaia unai akaun ia odit totona. Unai idia karaia murinai, akaun ripoti gabena do idia duahia neganai kongrigeisen do idia hadibaia.

◼ Kongrigeisen ese lagani 2007 Calendar of Jehovah’s Witnesses bona lagani 2007 Yearbook of Jehovah’s Witnesses be edia buka oda gabena ida idia oda matamaia diba. Dina Iboudiai Buka Helaga Tahua​—2007 be pablisa edia namba hegeregerena kongrigeisen bona grup ta ta dekenai do idia siaia, pablisa ta ta be buklet tamona idia abia diba. To, bema natudia bona Baibel stadi taudia totona kopi ma haida umui ura, namona be Literature Request Form (S-14-E) amo oda umui karaia.

◼ Port Moresby dekenai idia noho pablisa taudia ai hadibaia, namona be brens opesi ena adres idia gaukaralaia lasi sibodia edia revareva idia siaia totona. Anina be kamonai taudia, ruma ai ita davaria lasi taudia, eiava ita lao diba lasi gabudia ai idia noho taudia haroro henia totona ita siaia revareva bona buka eiava magasin ibounai danu. Namona be sibona emu adres eiava kongrigeisen ena adres oi gaukaralaia (bema unai be vaia pablisa taudia ese idia gaukaralaia diba edia revareva idia siaia totona). To, namona be kongrigeisen pablisa eiava ma haida ese brens opesi ena adres idia gaukaralaia lasi sibodia edia revareva idia siaia totona.