Hesiai Hebou Ena Sediual

August 14 Purana

Ane 163

10 min: Kongrigeisen ena hadibaia herevadia. Rau 4 ai idia noho magasin herevalaia daladia eiava emu teritori ai oi gaukaralaia diba kiki herevadia amo, July 15 Watchtower bona July Awake! hariharilaia dalana haheitalaia. Haheitalai ta lalonai, ura lasi herevana “Lau Ura Lasi Iehova Ena Witnes Taudia Edia Hereva Lau Kamonai” hanaia dalana hahedinaraia.​​—Herevalaia bukana, rau 20-4 itaia.

15 min: “Abidadama Ena Heau Helulu Do Oi Heaulaia.” Hamatamaia herevana be miniti ta ia hanaia lasi be namo, bena henanadai bona haere amo oi karaia.

20 min: Tura Korikoridia be Edena Bamona Lau Davaridia Diba? Hereva henia bona helai taudia ida Memero Kekeni​—Edia Henanadai Haere Maorodia bukana ena rau 65-7 bona 70-2 umui kikilaia. Keristani ruma bese lalonai idia tubu matamata taudia nanadaia, edena bamona edia tama sina ese idia ia durua sikuli dekenai idia vara hekwakwanai idia hanaia bona Baibel ena hakaua herevadia idia badinaia totona. Nega badana ai koment ta o rua umui hegaegaelaia.

Ane 164 bona guriguri.

August 21 Purana

Ane 62

5 min: Kongrigeisen ena hadibaia herevadia.

18 min: Gima Kohorona Stadi Bona Pablik Tok ese Ita Ia Durua Dalana. Hereva henia bona helai taudia ida Iehova Ena Ura Ia Karaia Orea bukana ena rau 59 ia lao bona rau 64 ena hereva kwarana maragina kikilaia.

22 min: Hari Palani Karaia Heduru Painia Totona! Hereva henia bona helai taudia ida kikilaia. Pablisa ibounai hagoadaia hesiai lagani matamatana ai hua ta idia abia hidi idia heduru painia totona, bona unai be edia tahua gauna ai idia halaoa diba. (1 Kor. 9:26) Haida be sekit tauna ena vadivadi negana eiava Saturday bona Sunday be faiv huadia eiava holide negadia idia abia hidi heduru painia totona. Helai taudia nanadaia: “Oi heduru painia totona dahaka koua gaudia oi hanaia? Oi heduru painia dainai dahaka hahenamo oi davaria? Bema oi ura oi heduru painia to oi daradara, dahaka dainai unai oi gurigurilaia be namo? (Kara 4:​29; 2 Kor. 4:7; Iam. 1:5) Dahaka dainai unai be emu ruma bese bona kongrigeisen taudia ma haida ida oi herevalaia be namo? (Aon. 15:22) Edena hua be hua namona oi heduru painia totona?”

Ane 216 bona guriguri.

August 28 Purana

Ane 17

10 min: Kongrigeisen ena hadibaia herevadia. Akaun ripoti duahia bona kontribusen dainai hanamoa hereva gwauraia. Pablisa taudia hadibaia lou August ena haroro ripoti idia henia totona. Rau 4 ai idia noho magasin herevalaia daladia eiava emu teritori ai oi gaukaralaia diba kiki herevadia amo, magasin rut tauna dekenai August 1 Watchtower eiava July Awake! hariharilaia dalana haheitalaia.

15 min: Ma Haida Oi Hagoadaia Diba. (Roma 1:​11, 12) Hereva henia bona helai taudia ida kikilaia. Kongrigeisen ai idia noho regula painia taudia edia namba gwauraia hedinarai. Painia taudia hagoadaia diba daladia herevalaia hegeregere, idia painia dainai ita hanamodia, painia gaukara ena namo herevalaia, ita haroro hebou, aniani hebou, edia basi davana ita henia eiava idia ita durua pat-taim moni gaukara ta idia davaria totona. Regula painia taudia inteviu henidia, edena dala ai ma haida ese idia ia hagoadaia idia regula painia totona. Bema kongrigeisen dekenai regula painia taudia idia noho lasi, heduru painia gaukara idia karaia taudia ita hagoadaia dalana herevalaia.

20 min: September ai Baibel Stadi ta Oi Hamatamaia Diba, A? Hereva henia bona haheitalaia. September lalonai, do ita hekwarahi vadivadi ginigunana ai Baibel Hadibaia bukana amo Baibel stadi ita hamatamaia totona. Unai buka ita hariharilaia neganai, namona be ruma tauna ida paragraf haida ita herevalaia. Iseda teritori dekenai ita gaukaralaia diba herevadia be haheitalai rua amo hahedinaraia. Haheitalai ta ta ai, hahedinaraia edena bamona dala oi karaia oi lou henia totona.

Ane 37 bona guriguri.

September 4 Purana

Ane 90

5 min: Kongrigeisen ena hadibaia herevadia.

20 min: “Haroro Gaukara ai Emu Moale Habadaia.”a Paragraf 5 umui herevalaia neganai, idia oi noia heduru hereva namodia idia gwauraia, edena bamona emui teritori ai anina namona umui havaraia totona. Haheitalai kwadogidia ta eiava rua oi hahedinaraia, edena bamona ita ese dala ita karaia nega sisina lalonai ta ita haroro henia diba. Pablisa ibounai hagoadaia, dala idia karaia inai pura lalonai idia haroro totona.

20 min: “Ma Haida Laloa Bada​​—Taunimanima Idauidau Haroro Henia.”b Paragraf 3 umui herevalaia murinai, Good News for People of All Nations buklet ena rau 2 ai idia noho dala toi oi herevalaia, bona emui teritori ai gado ma ta idia herevalaia taudia dekenai unai buklet gaukaralaia dalana oi haheitalaia.

Ane 225 bona guriguri.

[Footnotes]