Tiokratik Haroro Sikuli Ena Riviu — Gima Kohorona INTANET LAIBRI

Tiokratik Haroro Sikuli Ena Riviu

Inai henanadai be Tiokratik Haroro Sikuli dekenai do ita herevalaia, October 30, 2006 ia matamaia purana ai. Sikuli naria tauna ese miniti 30 lalonai riviu do ia karaia, unai gaudia be September 4 ia lao October 30, 2006 wiki herevadia dekenai. [Itaia: Bema henanadai edia dokona ai buka ta idia torea lasi, sibona emu tahua karana oi karaia be namo haere oi davaria totona.—Haroro Sikuli bukana, rau 36-7 itaia.]

HEREVA KARANA

1. Dahaka dainai oi hereva neganai gari lasi toana be mai anina bada, bona edena dala ai iseda gari karana ita hamaragia diba? [be rau 135 par. 5–rau 137 par. 2, maua]

2. Taunimanima ese ita abia dae gaudia idia henanadailaia neganai, dahaka dainai Baibel amo ita haere be namo? [be rau 143 par. 1-3]

3. Edena dala ai Baibel ita gaukaralaia daladia ita hanamoa diba? [be rau 144, maua]

4. Dahaka dainai haroro gaukara ai Baibel ita gaukaralaia momo be mai anina bada, bona edena dala ai kongrigeisen hebou ai Baibel gaukaralaia karana ita habadaia diba? [be rau 145-6, maua]

5. Siri ta ita gwauraia neganai, edena gaudia rua ita ura ita hagugurua? [be rau 147 par. 2]

HEREVA NAMBA 1

6. Salamo bukana ese edena mai anina bada herevadia ia gwauraia? [bsi01 rau 22 par. 23]

7. Edena negai Aonega Herevadia idia torea bona idia haboua? [bsi01 rau 25 par. 5]

8. Aonega Herevadia be dahaka, bona dahaka dainai unai buka ena ladana Heberu gado ai be maoro? [bsi01 rau 25 par. 6]

9. Aonega Herevadia 2:1-5 ese ita ia hagoadaia, diba, laloparara, bona laloa kehoa be ‘siliva bona idia hunia kohu’ bamona do ita tahua, ena anina be dahaka? [be rau 38 par. 4]

10. Edena dala ai Aonega Herevadia ese sibona ena namo ia gwauraia? [bsi01 rau 27 par. 19]

WIKI TA TA ENA BAIBEL DUAHIDUAHI

11. Edena dala ai Davida be ia manau, “mero maragina be sinana ena kemena dekenai ia manau noho bamona,” bona edena bamona ita tohotohoa diba? (Sal. 131:1-3)

12. Salamo 139:7-12 ena hereva ese edena bamona ita ia durua diba?

13. Salamo 145 ese Iehova ena siahu bada idia hahedinaraia gaudia ia herevalaia, bona unai gaudia dainai iseda guriguri lalonai bona haroro gaukara ai Ia ita hanamoa diba. Unai gaudia be dahaka? (Sal. 145:3)

14. Edena dala ai Dirava gari henia karana be “aonega ena hamatamaia dalana”? (Aon. 1:7; 9:10)

15. Aonega Herevadia 7:1, 2 lalonai “lauegu hadibaia hereva” be dahaka?